उपदेशक 8:1 - नेवाः बाइबल

¹ बुद्धि दुम्‍ह मनू थें मेपिं सु दु? थुपिं खँया अर्थ सुनां स्‍यू? बुद्धिं मनूतय्‌गु ख्‍वालय् जः बी, अले तं पिहां वःगु ख्‍वाःयात नं हीकाबी।

उपदेशक 8:1 ပူးပေါင်းရင်းမြစ်များ

प्रेरित 6:15

महासभायापिन्‍सं स्‍तिफनसयात तुंक स्‍वःबलय् वयागु ख्‍वाः स्‍वर्गदूतयागु ख्‍वाः थें थियाच्‍वंगु खन।

व्‍यवस्‍था 28:50

इमिगु ख्‍वाः ग्‍यानपुस्‍से च्‍वनी। इमिके बुरा बुरीपिन्‍त हनाबना व मस्‍तय्‌त माया दइ मखु।

२ पत्रुस 1:20

दकलय् न्‍हापालाक अगमवक्तातय्‌सं धयावंगु खँ इमिसं यसें धयावंगु मखु, परमेश्‍वरं धाय्‌कूगु खः धकाः छिमिसं थुइका तये माल।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

प्रेरित 4:29

आः ला प्रभु, इमिसं जिमित गय् च्‍वंक ख्‍यानाच्‍वन। अथे जूगुलिं छिकपिनि दासतय्‌त अझ हे मग्‍यासे नवाये फय्‌कादिसँ।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

हितोपदेश 17:24

बुद्धि दुपिन्‍सं छु याःसा बांलाइ धकाः सी, तर मूर्खतय्‌सं थःगु मिखा न्‍ह्याबलें उखेंथुखें चाहिकाच्‍वनी।

अय्‍यूब 33:23

अय्‌नं द्वलंद्वः स्‍वर्गदूतत मध्‍ये छम्‍ह, परमेश्‍वर व मनूया दथुइ च्‍वनाः ज्‍या याइम्‍हय्‌सित वयागु लागिं छु पाय्‌छि खः व लुमंकाबीत वयागु लिक्‍क दन धाःसा,

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

मत्ती 17:2

इमिसं स्‍वस्‍वं हे वय्‌कःयागु रूप हिला वन। वय्‌कःयागु ख्‍वाः निभाः थें थिनावल, अले वसः नं जः थें त्‍वइसे च्‍वना वल।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

हितोपदेश 24:5

बुद्धिमानम्‍ह मनू बल्‍लाःम्‍ह मनू स्‍वयाः शक्तिशाली जुइ। बल स्‍वयाः बुद्धि तःधं।

हितोपदेश 1:6

थुकिं यानाः इमिसं हितोपदेशया सुलाच्‍वंगु खँ व सःस्‍यूपिनिगु गथि चिंगु खँत नं थुइके फइ।

उत्‍पत्ति 40:8

इमिसं धाल, “जिपिं निम्‍हय्‌सिनं नं म्‍हगसय् खना। उकिया अर्थ कनिपिं धाःसा थन सुं हे मदु।” अले योसेफं इमित धाल, “फुक्‍क म्‍हगसया अर्थ परमेश्‍वरयाके मदु ला? जितः छिकपिनिगु म्‍हगसया खँ कनादिसँ।”

रोमी 13:5

थथे जूगुलिं परमेश्‍वरया तंपाखें जक बचय् जुइत मखु, थःगु विवेकयागु निंतिं नं हाकिमतय्‌सं धाःथें च्‍वनेमाः।

हितोपदेश 21:29

दुष्‍टत फुइँ यानाः जुइ, तर धर्मी मनूतय्‌सं बिचाः यानाः जक पलाःछिना जुइ।

प्रस्‍थान 34:35

अले इस्राएलीतय्‌सं मोशायागु ख्‍वाः ज्‍वाल्‍ल थीगु खनीगु। परमप्रभुलिसे खँ ल्‍हायेत दुने दुहां मवंतले हे थःगु ख्‍वाः त्‍वपुया तइगु।

हितोपदेश 12:8

मनूतय्‌त इमिगु बुद्धिकथं हनाबना तइ, बेक्‍वःगु नुगः दुपिन्‍त धाःसा क्‍वह्यंकी।

दानिएल 2:22

दुग्‍यंगु व सुलाच्‍वंगु खँयात वय्‌कलं हे उलादी, अले वय्‌कलं खिउँगु थासय् छु दु धकाः स्‍यू। वय्‌कःयाके न्‍ह्याबलें जः दयाच्‍वनी।