उपदेशक 7:7 - नेवाः बाइबल

⁷ ख्‍यानाः धिबा कायेगु ज्‍यां बुद्धि दुम्‍ह मनूयात नं मूर्ख यानाबी, अले घुसं नुगःयात स्‍यंकाबी।

उपदेशक 7:7 ပူးပေါင်းရင်းမြစ်များ

प्रस्‍थान 23:8

“घुस नये मते छाय्‌धाःसा घुसं मनूतय्‌त कां यानाबी, अले खःगु खँयात अःखः यानाबी।

हितोपदेश 17:23

मभिंपिं मनूतय्‌सं सुलाः सुलाः घुस काइ, अले न्‍याय हे अःखतं यानाबी।

हितोपदेश 17:8

घुस बीम्‍हय्‌सिगु निंतिं व म्‍वहनी थें जुइ, न्‍ह्याथाय् वंसां ताःलाइ धकाः वं मतिइ तइ।

उपदेशक 4:1

हाकनं जिं थ्‍व संसारय् जुयाच्‍वंगु फुक्‍क अन्‍याय खना। क्‍वत्‍यलातःपिनीगु मिखां ख्‍वबि वयाच्‍वंगु जिं खना, अले इमित सान्‍त्‍वना बीपिं सुं छम्‍ह नं मदु। अन्‍याय याइपिनिपाखे शक्ति दु, अले क्‍वत्‍यलातःपिन्‍त सान्‍त्‍वना बीपिं सुं छम्‍ह नं मदु।

उपदेशक 5:8

छुं जुयाः छं छगू जिल्‍लाय् चीमिपिन्‍त क्‍वत्‍यलातःगु व इमिगु निंतिं न्‍याय व अधिकार मजूगु खन धाःसा अजू चाये मते, छाय्‌धाःसा फुक्‍क अधिकार याइपिं अले व स्‍वयाः च्‍वय् च्‍वंपिं तःधंपिं अधिकार याइपिन्‍त नं इमिगु वास्‍ता यायेत तयातःगु खः।

उपदेशक 8:9

थ्‍व संसारय् याःगु फुक्‍क ज्‍या यात जिं बांलाक ध्‍यान बियाः स्‍वयाबलय् थुपिं फुक्‍क खँ खनागु दु। मेपिन्‍त क्‍वत्‍यला थःगु हानि याइगु छगू ई दु।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 33:15

व हे खः, सु धार्मिकतानापं जुइ, अले खःगु खँ नवाना जुइ, करं काकाः काःगु लबःयात यय्‌की मखु, सुनां घुस कायेत थःगु ल्‍हाः न्‍ह्यज्‍याकि मखु, सुनां स्‍यायेगु निंतिं मभिंगु ग्‍वसाः न्‍यनेत थःगु न्‍हाय्‌पं ति, मभिंपिनिगु खँय् ध्‍यान बीगु स्‍वयाः थःगु मिखा तिसी।

व्‍यवस्‍था 16:19

इमिसं सुयागु पंलिनाः ज्‍या मयायेमाः। घुस मनयेमाः छाय्‌धाःसा घुसं मनूतय्‌त कां यानाबी अले भिंम्‍ह मनूया बचंयात हीकाबी।

व्‍यवस्‍था 28:65

उपिं जातितय् दथुइ छिमित आराम दइ मखु अले छिमि थःगु निंतिं छकुचा थाय् नं दइ मखु। अन परमप्रभुं छिमित च्‍यूताः दुगु मन, पिया च्‍वंच्‍वं त्‍यानुचाःगु मिखा व क्‍वतुंगु नुगः बियादी।

१ शमूएल 12:3

जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”

१ शमूएल 21:14

अले आकीशं थः दासतय्‌त धाल, “स्‍व, थ्‍व मनू ला वँय् जूगु दु। छाय् छिमिसं थ्‍वयात जिथाय् हयागु?

१ शमूएल 8:3

वया काय्‌पिन्‍सं धाःसा थः बौनं याःकथं मयात। तर इमिसं थःगु जक भिं यायेगु बिचाः यानाः धिबा कयाः न्‍याय स्‍यंकेगु यात।