उपदेशक 7:6 - नेवाः बाइबल

⁶ थलया क्‍वय् च्‍याइगु कंमाया मिया सः थें मूर्खम्‍ह न्‍हिली। व नं सितिं वंगु खँ खः।

उपदेशक 7:6 ပူးပေါင်းရင်းမြစ်များ

भजनसंग्रहया सफू 118:12

इपिं जिथाय् हात थें भुं वल, तर कंमाय् च्‍याःगु मि थें इपिं झौ जुल। परमप्रभुया नामं जिं इमित नाश याना।

भजनसंग्रहया सफू 58:9

कंया मिइ देछुइगु थल क्‍वाये न्‍ह्यः व वाउँगु जूसां गंगु जूसां उकियात फसं पुइकायंकू थें वय्‌कलं दुष्ततय्‌त पुइकायंकादी।

हितोपदेश 29:9

बुद्धिमानम्‍ह मनुखं मूर्खतय्‌त अदालतय् मुद्दा तयाः जुल धाःसा थःत लाय्‌बुइकेगु व इमित न्‍हीकेगु बाहेकं छुं जुइ मखु।

उपदेशक 2:2

जिं थथे धया, “न्‍हिलीगु वेँ खँ खः। अले मोजमज्‍जा यानाः छु दइ?”

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।

लूका 6:25

आः प्‍वाः जाय्‌क नया च्‍वंपिं, छिपिं गुलि अभागी, लिपा छिमिसं नयेखनी मखु। आः न्‍हिलाः च्‍वंपिं मनूत, छिपिं गुलि अभागी, लिपा छिमिसं दुःख फयेमाली, अले ख्‍वयेमाली।