उपदेशक 7:3 - नेवाः बाइबल

³ न्‍हिलीगु स्‍वयाः नुगः ख्‍वःगु हे बांलाः। छाय्‌धाःसा शोकया ख्‍वाः नुगःया निंतिं पाय्‌छि जू।

उपदेशक 7:3 ပူးပေါင်းရင်းမြစ်များ

भजनसंग्रहया सफू 119:67

जितः सजाँय जुइ न्‍ह्यः जिं लँ द्वंकागु खः, तर आः जिं छिगु वचन पालन याना।

भजनसंग्रहया सफू 119:71

छिगु व्‍यवस्‍था सय्‌कागुलिं जितः दुःख जूगु जिगु लागि बां हे लात।

उपदेशक 2:2

जिं थथे धया, “न्‍हिलीगु वेँ खँ खः। अले मोजमज्‍जा यानाः छु दइ?”

उपदेशक 7:4

बुद्धि दुम्‍हय्‌सिया मन दुखं च्‍वनाच्‍वंगु छेँय् हे जुइ। अय्‌नं मूर्खया मन धाःसा मोजमज्‍जाया छेँ जुइ।

दानिएल 10:19

वं धाल, “हे दानिएल, छ परमेश्‍वरया लागिं तसकं तःजिम्‍ह खः, छ ग्‍याये मते, छन्‍त शान्‍ति दयेमा, बल्‍ला व साहसी जु।” वं उलि धायेवं हे जिके बल वल अले जिं धया, “हे जिमि प्रभु, छिं जितः बल बियादीगुलिं आः धयादिसँ।”

लूका 6:21

छिपिं नयेपित्‍याका च्‍वंपिं धन्‍यपिं खः, छाय्‌धाःसा छिमिसं लुधंके खनीतिनि। आः ख्‍वया च्‍वंपिं धन्‍यपिं खः, छाय्‌धाःसा छिपिं लय्‌ताये दइतिनि।

लूका 6:25

आः प्‍वाः जाय्‌क नया च्‍वंपिं, छिपिं गुलि अभागी, लिपा छिमिसं नयेखनी मखु। आः न्‍हिलाः च्‍वंपिं मनूत, छिपिं गुलि अभागी, लिपा छिमिसं दुःख फयेमाली, अले ख्‍वयेमाली।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।