उपदेशक 5:7 - नेवाः बाइबल

⁷ यक्‍व म्‍हगस म्‍हंकेगु व यक्‍व खँग्‍वःत सितिं वंगु खँ खः। अथे जुयाः परमेश्‍वरया भय कायेगु या।

उपदेशक 5:7 ပူးပေါင်းရင်းမြစ်များ

हितोपदेश 23:17

पापीतलिसे नुगः मुइके मते, तर सदां परमप्रभुया भय कयाच्‍वँ।

उपदेशक 12:13

फुक्‍क खँ न्‍यने धुंकल। खँया लिच्‍वः थ्‍व हे खः, परमेश्‍वरया भय का, अले वय्‌कःया आज्ञायात मानय् या, छाय्‌धाःसा मनूतय्‌सं यायेमाःगु ज्‍या थ्‍व हे खः।

उपदेशक 3:14

जिं स्‍यू, परमेश्‍वरं छु यानादी व न्‍ह्याबलें दयाच्‍वनी। उकी झीसं छुं नं तनेगु व लिकाये फइ मखु। मनूतय्‌सं वय्‌कःया भय कायेमा धकाः थथे यानादीगु खः।

उपदेशक 3:16

अले जिं थ्‍व संसारय् मेगु खँ नं खनागु दु। न्‍यायया पलेसा मभिंगु जुयाच्‍वंगु, धार्मिकताया पलेसा मभिंगु जुयाच्‍वंगु दु।

उपदेशक 5:3

गथे यक्‍व धन्‍दां म्‍हगस खनी अथे हे यक्‍व खँ नवातकी मूर्ख खँ नं पिहां वइ।

उपदेशक 7:18

छगूयात ज्‍वना तयेगु व मेगुयात मत्‍वःतेगु नितां बांला। सुनां परमेश्‍वरया भय काइ व मनू थुपिं फुक्‍क तच्‍वःगु खँपाखें अलग च्‍वनी।

उपदेशक 8:12

अय्‌नं मभिंपिं मनूतय्‌सं मभिंगु ज्‍या याःसां अप्‍वः ई म्‍वाना हे च्‍वनी, अथे जूसां परमेश्‍वरया भय मानय् याइपिन्‍त व वय्‌कःया न्‍ह्यःने क्‍वमिलु जुइपिन्‍त भिं हे जुइ धकाः नं जिं स्‍यू।

उपदेशक 8:13

तर मभिंपिन्‍सं परमेश्‍वरया भय मकाःगुलिं इमिगु भिं जुइ मखु अले इमिगु दिंत किचथें ताहाकः जुइ मखु।

उपदेशक 8:9

थ्‍व संसारय् याःगु फुक्‍क ज्‍या यात जिं बांलाक ध्‍यान बियाः स्‍वयाबलय् थुपिं फुक्‍क खँ खनागु दु। मेपिन्‍त क्‍वत्‍यला थःगु हानि याइगु छगू ई दु।

मत्ती 12:36

“जिं छिमित धाये – छिमिसं ल्‍हाना जूगु म्‍वाःमदुगु छता छता खँया ल्‍याःचाः परमेश्‍वरं न्‍याय यानादीबलय् कयादी।