उपदेशक 5:5 - नेवाः बाइबल

⁵ भाकल यानाः नं पूमवंकेगु स्‍वयाः ला भाकल हे मयायेगु बांलाः।

उपदेशक 5:5 ပူးပေါင်းရင်းမြစ်များ

हितोपदेश 20:25

परमेश्‍वरयात छुं नं देछाये न्‍ह्यः बांलाक बिचाः या, मखुसा लिपा पस्‍ताय् चाये माली।

लेवी 5:4

“‘सुनानं मसीकं भिंगु वा मभिंगु न्‍ह्यागु खँय् जूसां बिचाः मयासें पाफयाः लिपा वाःचाल धाःसा व दोषी थहरय् जुइ।

योना 2:9

तर जिं छिगु म्‍ये हालाः छिगु नामय् बलि बिये। अले छु याये धकाः भाकल यानागु खः, व याये। परमप्रभुयापाखें हे उद्धार जुइ।”

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

प्रेरित 5:4

न्‍हापा नं थ्‍व जग्‍गा छिगु हे मखु ला? अले मी धुंकाः वःगु धिबा नं छिगु हे मखु ला? थथे मखुगु खँ छाय् ल्‍हानादी माःगु? छिं मनूतय्‌त मखु, परमेश्‍वरयात मखुगु खँ ल्‍हानादीगु खः।”

व्‍यवस्‍था 23:21

छिमिसं परमप्रभु छिमि परमेश्‍वरया निंतिं भाकल याये धुंकाः व पूवंकेत लिबाके मते। छाय्‌धाःसा वय्‌कःयात व पूवंकूगु स्‍वये यः, मखुसा छिमित पाप लाइ।

व्‍यवस्‍था 23:22

छिमिसं भाकल याःगु मदुसा छिमित पाप लाइ मखु।

न्‍यायकर्ता 11:35

यिप्‍तां वयात खंबलय् वं थःगु वसः खुनाः धाल, “अय् जिमि म्‍ह्याय्! छं जिगु नुगः क्‍वतुंका ब्‍यूगु दु। छाय् छं जितः दुःख बियागु? जिं परमप्रभुयाके छगू तःधंगु भाकल यानागु दु अले जिं व त्‍वाथुले मफु।”