उपदेशक 4:6 - नेवाः बाइबल

⁶ थाकुक ज्‍या यानाः कमय् याःगु व फय्‌यात लिनादइगु निम्‍हु स्‍वयाः ला सुखशान्‍तिं दइगु छम्‍हु जक हे सां भिं जू।

उपदेशक 4:6 ပူးပေါင်းရင်းမြစ်များ

भजनसंग्रहया सफू 37:16

मभिंपिन्‍के यक्‍व दुगु स्‍वयाः भिंपिन्‍के भतिचा जक दुगु हे बांलाः,

हितोपदेश 16:8

मभिंम्‍ह मनू जुयाः तःमि जुइगु स्‍वयाः भिंम्‍ह मनू जुयाः चीमि जुयाच्‍वनेगु हे बांलाः।

हितोपदेश 17:1

ल्‍वापुख्‍यापुं जाःगु छेँय् भ्‍वय् नयेगु स्‍वयाः याउँक स्‍वः मरि जक नयाच्‍वनेगु बांलाः।

उपदेशक 1:14

थ्‍व संसारय् याःगु फुक्‍क ज्‍याखँ जिं खनागु दु। व फुक्‍कया छुं अर्थ मदु, फय्‌यात लिइगु थें जक खः।

उपदेशक 1:17

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। तर थ्‍व नं फय्‌यात लिइगु थें जक खः धकाः जिं सीकागु दु।

उपदेशक 4:7

हाकनं जिं थ्‍व संसारय् छुं सितिं वंगु खना।