उपदेशक 4:4 - नेवाः बाइबल

⁴ अनंलि जिं थ्‍व नं खना कि फुक्‍क दुःखसिया ज्‍या यायेगु व फलिफाप धयागु हे मनूतय्‌सं थः जःलाखःलाया ईख याःगु कारण जक जुइगु खः। थ्‍व नं सितिं वंगु खँ खः, अले फय्‌यात लिइगु थें जक खः।

उपदेशक 4:4 ပူးပေါင်းရင်းမြစ်များ

उत्‍पत्ति 26:14

वयाके यक्‍व फै-च्‍वलय् व दास-दासीत दयावःगुलिं पलिश्‍तीतय् व खनाः नुगः मुल।

उत्‍पत्ति 31:1

याकूबं लाबानया काय्‌पिन्‍सं थथे धयाच्‍वंगु ताल, “याकूबं जिमि बाःयागु फुक्‍कं काये धुंकल। वं जिमि बाःयागु सम्‍पत्तिं हे थ्‍व फुक्‍क दय्‌कूगु खः।”

हितोपदेश 27:4

तं धयागु तसकं छाः, अले ग्‍यानापु, तर नुगः मुइकेगु धयागु थ्‍व स्‍वयां ग्‍यानापु।

उपदेशक 1:14

थ्‍व संसारय् याःगु फुक्‍क ज्‍याखँ जिं खनागु दु। व फुक्‍कया छुं अर्थ मदु, फय्‌यात लिइगु थें जक खः।

उपदेशक 1:17

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। तर थ्‍व नं फय्‌यात लिइगु थें जक खः धकाः जिं सीकागु दु।

उपदेशक 2:21

छाय्‌धाःसा बुद्धि, ज्ञान व खुबीं सुं मनुखं हिचःति हाय्‌काः याःगु फुक्‍क ज्‍या सुं छम्‍हय्‌सित त्‍वःता हे वनेमानि, गुम्‍हय्‌सिनं उकिया निंतिं थाकुगु ज्‍या याःगु हे मदु। थ्‍व नं सितिं वंगु खँ खः। अले वयागु निंतिं थ्‍व तःधंगु संकट हे खः।

उपदेशक 2:26

परमेश्‍वरयात लय्‌ताय्‌कीम्‍ह मनूयात वय्‌कलं बुद्धि, ज्ञान व आनन्‍द बियादी। पापीतय्‌त धाःसा वय्‌कलं परमेश्‍वरयात लय्‌ताय्‌कीपिं मनूतय्‌गु निंतिं धन-सम्‍पत्ति मुंकेगु ज्‍या बियादी। थ्‍व नं सितिं वंगु अले फय्‌यात लिइगु थें जक खः।

उपदेशक 4:16

उपिं फुक्‍क न्‍हापायापिं मनूत व लिपा वःपिं मनूतय्‌गु अन्‍त मदु तर उपिं सुं नं व ल्‍याय्‌मम्‍ह मनू खनाः लय्‌मताः। थ्‍व नं सितिं वंगु खँ खः अले थ्‍व फय्‌यात लिइगु थें जक खः।

उपदेशक 6:11

गुलि अप्‍वः खँ जुइ उलि हे उकिया अर्थ कम जुइ। उकिं सुयातं छु फाइदा जुइ?

उपदेशक 6:9

थःके दुगुलिइ लुधंकाच्‍वनेगु थःके मदुगुलिइ लोभ यायेगु स्‍वयाः बांला। थ्‍व नं सितिं वंगु खँ खः, अले थ्‍व ला फय्‌यात लिइगु थें जक खः।

मत्ती 27:18

इमिसं वय्‌कःयात स्‍वये मफयाः ज्‍वंकूगु खः धकाः वं बांलाक स्‍यू।

प्रेरित 7:9

“थ्‍व हे तापाःबाज्‍यापिन्‍सं थःकिजा योसेफयात स्‍वये मफयाः मिश्र देशय् मिया छ्वल। अले व अन दास जुयाच्‍वन। अथेसां परमेश्‍वर योसेफलिसे दी।

याकूब 4:5

परमेश्‍वरं झीत बियादीगु आत्‍मायात जक यय्‌क च्‍वनाच्‍वनेमाः धकाः धर्मशास्‍त्रय् च्‍वयातःगु खः।

१ यूहन्‍ना 3:12

झीपिं कयिन थें जुइ मज्‍यू। कयिन शैतानया मनू जूगुलिं वं थः हे किजा हाबिलयात स्‍यात। कयिनं थः हे किजायात छाय् स्‍यात? कयिन शैतानया मनू जूगुलिं वया किजां भिंगु बांलाःगु याना जूगु स्‍वये मफयाः वं थः किजायात स्‍यात।