उपदेशक 4:16 - नेवाः बाइबल

¹⁶ उपिं फुक्‍क न्‍हापायापिं मनूत व लिपा वःपिं मनूतय्‌गु अन्‍त मदु तर उपिं सुं नं व ल्‍याय्‌मम्‍ह मनू खनाः लय्‌मताः। थ्‍व नं सितिं वंगु खँ खः अले थ्‍व फय्‌यात लिइगु थें जक खः।

उपदेशक 4:16 ပူးပေါင်းရင်းမြစ်များ

२ शमूएल 19:9

अले इस्राएलया फुक्‍क कुलत थथे धयाः जवाःसवाः यानाच्‍वन, “जुजुं झीत थः शत्रुतपाखें छुत्‍कारा यानादिल, अले पलिश्‍तीतय्‌गु शक्तिं बचय् यानादिल, आः अब्‍शालोमं यानाः जुजु देशं बिस्‍युं वंगु दु।

१ राजा 1:40

अले फुक्‍क मनूत वया ल्‍यूल्‍यू बाँसुरी पुपुं, लय्‌लय्‌तातां च्‍वय् थाहां वन, इमिगु हाःसलं जमिन हे थर्कय् जुल।

उपदेशक 1:14

थ्‍व संसारय् याःगु फुक्‍क ज्‍याखँ जिं खनागु दु। व फुक्‍कया छुं अर्थ मदु, फय्‌यात लिइगु थें जक खः।

उपदेशक 2:11

अनंलि जिगु ल्‍हातं यानागु फुक्‍क ज्‍याया बारे जिं बिचाः याना, जिं गुलि दुःखसिया उपिं ज्‍यात यानागु खः। थुपिं फुक्‍कया छुं अर्थ मदु, थ्‍व ला फय्‌यात लिइगु थें जक खः। थ्‍व संसारय् छुं नं फाइदा मदु।

उपदेशक 2:17

अथे जुयाः जिं थःगु जीवनयात घृणा याना, छाय्‌धाःसा थ्‍व संसारय् ज्‍या यायेगु तसकं थाकुगु खँ खः। थ्‍व फुक्‍कया छुं अर्थ मदु, थ्‍व फय्‌यात लिइगु थें जक खः।

उपदेशक 2:26

परमेश्‍वरयात लय्‌ताय्‌कीम्‍ह मनूयात वय्‌कलं बुद्धि, ज्ञान व आनन्‍द बियादी। पापीतय्‌त धाःसा वय्‌कलं परमेश्‍वरयात लय्‌ताय्‌कीपिं मनूतय्‌गु निंतिं धन-सम्‍पत्ति मुंकेगु ज्‍या बियादी। थ्‍व नं सितिं वंगु अले फय्‌यात लिइगु थें जक खः।

उपदेशक 4:15

जिं थ्‍व संसारय् म्‍वानाच्‍वंपिं व थुखे उखे जूपिं फुक्‍क जुजुया थासय् लिपा जुजु जुइम्‍ह व ल्‍याय्‌मम्‍हय्‌सिया ल्‍यू वंगु खना।