उपदेशक 3:7 - नेवाः बाइबल

⁷ खुनाछ्वयेगु छगू ई दु, हाकनं दय्‌केगु छगू ई दु। सुम्‍क च्‍वनेगु छगू ई दु, नवायेगु छगू ई दु।

उपदेशक 3:7 ပူးပေါင်းရင်းမြစ်များ

उत्‍पत्ति 37:29

रूबेनं लिहां वयाः तुंथिइ स्‍वःबलय् योसेफयात अन मखनाः वं थःगु लं खुत।

उत्‍पत्ति 37:34

वं थःगु लं खुत। वं थःगु म्‍हय् भांग्रां भुन। व थः काय्‌या लागि थुकथं तःन्‍हु तक दुःखं च्‍वन।

उत्‍पत्ति 44:18

यहूदां न्‍ह्यःने वनाः धाल, “प्रभु, छि जुजु थें हे खः। जिं छुं खँ धाये, जिलिसें तंम्‍वयादी मते।

उत्‍पत्ति 44:34

वयात ब्‍वना मयंसे जि गथे यानाः जिमि बाःया न्‍ह्यःने वने? जिमि बाःयात जूगु दुःख जिं गथे यानाः स्‍वये?”

२ शमूएल 1:11

थ्‍व खबर न्‍यनेवं दाऊदं थःगु लं खुत, अले वनापं दुपिं सकलें मनूतय्‌सं नं अथे हे यात।

२ शमूएल 3:31

अनंलि दाऊदं योआब अले वनापं दुपिं फुक्‍क मनूतय्‌त थःगु लं खुनाः भांग्रा फिइत व अबनेरया सीम्‍ह न्‍ह्यः न्‍ह्यः विलाप यायां हुँ धकाः हुकुम यात अले जुजु थः नं सीम्‍हया ल्‍यूल्‍यू वन।

१ राजा 21:27

एलियागु खँ न्‍यनाः आहाबं थःगु वसः खुत। अले भांग्रा हिनाः अपसं च्‍वन। व भांग्रा हिनाः हे द्यन, अले क्‍वमिलु जुयाजुल।

२ राजा 18:36

तर मनूत फुक्‍क सुम्‍क च्‍वन अले छुं नं लिसः मब्‍यू, छाय्‌धाःसा जुजुं थज्‍याःगु आज्ञा ब्‍यूगु खः, “वयात लिसः बी मते।”

२ राजा 5:7

व पौ ब्‍वनेवं इस्राएलया जुजुं थःगु वसः खुनाः धाल, “सुयातं स्‍याइम्‍ह व म्‍वाकीम्‍ह छु जि परमेश्‍वर खः ला? थ्‍व मनुखं छम्‍ह छेंगूया पुनेयःगु ल्‍वचं कःम्‍ह मनूयात लाय्‌काब्‍यु धकाः जिथाय् छाय् छ्वयाहःगु? जिं स्‍वयेबलय् वं लडाइँ यायेत त्‍वह तयाच्‍वंगु दु।”

२ राजा 6:30

व मिसाया खँ न्‍यनाः जुजुं नुगः मछिंकाः थःगु वसः खुत। जुजु पखालय् न्‍यासि वनाच्‍वंबलय् मनूतय्‌सं वं थःगु म्‍हय् तःपालंया दुने भांग्राया वसः फिनातःगु खन।

एस्‍तर 7:4

छाय्‌धाःसा जि व जिमि जातितय्‌त स्‍यानाः नां तकं मल्‍यंक नाश यानाछ्वयेत्‍यंगु दु। जिमि मिजं व मिसा फुक्‍क दासया निंतिं मिया जक छ्वःगु जूसा ला जि सुम्‍क हे च्‍वने। थ्‍व खँ जक जूसा ला जिं छसपोलयात दुःख बी हे मखुनि।”

अय्‍यूब 2:13

इपिं न्‍हय्‌न्‍हु तक चान्‍हि बँय् वनापं हे फ्‍यतुनाच्‍वन। अय्‍यूबयात सुनानं छसः नं मधाः, छाय्‌धाःसा इमिसं अय्‍यूबं गुलि दुःख स्‍यूगु खः व खन।

भजनसंग्रहया सफू 39:2

जि अथे नमवासे च्‍वनाबलय् अज्‍ज ला भिंगु खँ तक नं नमवासे च्‍वनाबलय् जितः झन सह याये थाकुयावल।

उपदेशक 3:6

मालेगु छगू ई दु, त्‍वःताबीगु छगू ई दु। तयेगु छगू ई दु, वांछ्वयेगु छगू ई दु।

यशैया 36:21

तर मनूत फुक्‍क सुम्‍क च्‍वन, छुं नं लिसः मब्‍यू, छाय्‌धाःसा जुजुं थज्‍याःगु आज्ञा ब्‍यूगु खः, “वयात लिसः बी मते।”

यर्मिया 36:24

थ्‍व न्‍यनाः जुजु व वया ज्‍याकःमित न ग्‍या हे ग्‍यात न इमिसं वसः खुत।

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

विलाप 3:28

परमप्रभुं वयात दुःखकष्‍ट बियादीगुलिं सुम्‍क व याकःचा हे च्‍वनेमा।

योएल 2:13

नुगः मछिंकाः थःगु वसः मखु, तर थःगु नुगः खुनाः परमप्रभु थः परमेश्‍वरपाखे लिहां वा, छाय्‌धाःसा वय्‌कः दया व माया क्‍यनादीम्‍ह, तं क्‍यनेत हथाय् मचायादीम्‍ह, अले सदां दयामाया यानादीम्‍ह, अले थःगु सजाँय पनेत न्‍ह्याबलें तयार जुयादीम्‍ह खः।

आमोस 5:13

अथे जुयाः बुद्धि दुम्‍ह मनू थज्‍याःगु इलय् सुम्‍क च्‍वनी, छाय्‌धाःसा ई तसकं मभिं।

आमोस 8:3

परमप्रभु परमेश्‍वरं धयादी, “व न्‍हि देगःया म्‍ये ख्‍वःसलय् हिली। सीम्‍हत प्‍यखेरं वांछ्वइ! सुम्‍क च्‍वँ!”

मीका 7:5

छम्‍ह जःलाखःलायात पत्‍याः याये मते। छम्‍ह पासायात विश्‍वास याये मते। थःनापं च्‍वनीम्‍ह कलाःलिसे होश यानाः जक खँ ल्‍हा।

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”

प्रेरित 9:39

पत्रुस इपिं नाप वन। अन थ्‍यनेवं इमिसं वयात तले क्‍वथाय् ब्‍वनायंकल। भाःत मदुपिं मिसातय्‌सं ख्‍वख्‍वं तबीता मसीनिबलय् वं इमिगु लागि दय्‌कातःगु वसः क्‍यन।

१ शमूएल 10:16

शाऊलं धाल, “गधात लुयाः वये धुंकल धकाः वं जिमित धाल।” वं थः जुजु जुल धकाः शमूएलं धाःगु खँ धाःसा ककायात मधाः।