उपदेशक 3:2 - नेवाः बाइबल

² बुइगु छगू ई दु, सीगु छगू ई दु। पीगु छगू ई दु, लयेगु छगू ई दु।

उपदेशक 3:2 ပူးပေါင်းရင်းမြစ်များ

उत्‍पत्ति 17:21

जिगु बाचा धाःसा इसहाकलिसे जुइ। वयात सारां दच्‍छि लिपा थ्‍व हे इलय् बुइकी।”

उत्‍पत्ति 47:29

इस्राएलं थः सीत्‍यय्‌काः थःकाय् योसेफयात सःताः धाल, “छं जितः धात्‍थें हे माया यानागु खःसा जितः थन मिश्रय् थुने मखु धकाः बचं ब्‍यु।

१ राजा 13:2

परमप्रभुया वचनपाखें वं वेदीया विरोधय् तःसलं थथे धाल, “वेदी, अय् वेदी! परमप्रभुं थथे धयादी, ‘दाऊदया घरानाय् योशियाह नांयाम्‍ह छम्‍ह काय्‌मचा बुइ। वं थन बलि छाइपिं पुजा याइगु थाय्‌यापिं पुजाहारीतय्‌त छंगु द्यःने हे बलि छाइ, अले छंगु द्यःने मनूया क्‍वँय् छ्वय्‌की।’”

२ राजा 4:16

एलीशां व मिसायात धाल, “मेगु दँय् थ्‍व हे इलय् छं थःकाय्‌यात मुलय् तयाः म्‍हितकाच्‍वंगु जुइ।” व मिसां धाल, “मखु, मखु, जिमि प्रभु, परमेश्‍वरया मनू, थः दासीयात ध्‍वंलानादी मते अले आस क्‍यनादी मते।”

अय्‍यूब 14:14

मनू सीधुंकाः व हाकनं म्‍वाइ ला? जिगु दुःखया ई न्‍ह्याक्‍व हे ताहाकःगु जूसां जिगु छुत्‍कारा मजुतले जि पिया हे च्‍वने।

अय्‍यूब 14:5

मनूया जीवनया दिं क्‍वःछिनातःगु दइ। वयागु लाया ल्‍याः छिके दु। छिं वयागु सिमाना चिनादीगु दु। वं व पुलावने फइ मखु।

अय्‍यूब 7:1

“पृथ्‍वीइ मनुखं तसकं थाकुक ज्‍या याये म्‍वा ला? वयागु दिंत ज्‍यालाय् ज्‍या याइपिं मनूतय्‌गु थें मच्‍वं ला?

भजनसंग्रहया सफू 113:9

वय्‌कलं थारिम्‍ह मिसायात वयागु हे छेँय् इज्‍जत बियादी, वय्‌कलं वयात मचाखाचा बियाः लय्‌ताय्‌कादी। हल्‍लेलूयाह!

भजनसंग्रहया सफू 52:5

छन्‍हु छन्‍त ज्‍वनाः परमेश्‍वरं सदांया निंतिं नाश यानादी, वय्‌कलं छन्‍त छंगु छेँनं पित हयादी। अले म्‍वाःपिनिगु थासं छन्‍त हानापं ल्‍यहें थनाः वान्‍छ्वयादी। सेला

हितोपदेश 24:27

न्‍हापां थःगु बुँज्‍या निं सिधय्‌कि, अले थःगु नसात्‍वँसाया व्‍यवस्‍थाया, अले जक छेँ दनेगु ज्‍या या।

यशैया 28:24

गुबलय् छम्‍ह बुँज्‍या याइम्‍हं छुं पीगु निंतिं बुँपालि, छु वं बुँ पालाः दायेगु हे मच्‍वनी ला?

यशैया 38:1

उबलय् हिजकिया जुजु उसाँय् मदयाः सी थें च्‍वन। आमोजया काय् अगमवक्ता यशैयां वयाथाय् वनाः धाल, “परमप्रभुं थथे धयादी – छेँय् फुक्‍क खँ मिलय् या, छाय्‌धाःसा छ सीत्‍यंगु दु। छंगु ल्‍वय् लनी मखुत।”

यशैया 38:5

“वनाः हिजकियायात थथे धा, ‘छिमि तापाबाज्‍या दाऊदया परमप्रभु परमेश्‍वरं थथे धयादी – जिं छंगु प्रार्थना न्‍यने, जिं छंगु ख्‍वःबि खंगु दु। जिं छंगु आयु मेगु झिंन्‍यादँ अप्‍वय्‌काबी।

यशैया 54:1

“हे यरूशलेम, थारिम्‍ह मिसा, म्‍ये हा गुबलें मचा बुइके मनंम्‍ह मिसा, मचाबू ब्‍यथाय् गुबलें मलाःम्‍ह, लय्‌लय्‌तातां हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु,” परमप्रभुं धयादी।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 45:4

“उकिं परमप्रभुं धयादी – छं वयात थथे धा, ‘परमप्रभुं थथे धयादी – जिं छु दय्‌कागु दु, व जिं स्‍यंकाबी। जिं पृथ्‍वी न्‍यंक छु पिनागु दु व जिं लिनाकाये।

मत्ती 13:41

अबलय् मनूया काय्‌नं थः दूततय्‌त छ्वयाहइ। अले इमिसं वय्‌कःयागु राज्‍यय् च्‍वंपिं पाप याःपिं व याकूपिं फुक्‍कसितं मुंकी।

मत्ती 15:13

वय्‌कलं धयादिल – “स्‍वर्गय् च्‍वनादीम्‍ह जिमि बाःनं पिना मदीगु फुक्‍क मायात लिनाछ्वयादी।

लूका 1:13

स्‍वर्गदूतं वयात थथे धाल – “जकरिया, ग्‍याये म्‍वाः, छंगु प्रार्थना परमेश्‍वरं न्‍यनादीगु दु। छं कलाः एलीशिबां छम्‍ह काय्‌मचा बुइकी, अले छं वयागु नां यूहन्‍ना धकाः ति।

लूका 1:20

मजुसे मगाःगु जिं धयागु खँय् छं विश्‍वास मयाःगुलिं थथे मजुतले छ पाकः जुयाच्‍वनी।”

लूका 1:36

छं थःलाःम्‍ह एलीशिबां मचा बुइकी मखु धकाः ला छं सि हे स्‍यू जुइ। बुरीम्‍ह जूसां वया प्‍वाथय् दुगु खुला दये धुंकल।

यूहन्‍ना 16:21

प्‍वाथय् दुम्‍ह मिसायात ब्‍यथा जुइबलय् तसकं दुःख जुइ, तर मचा बुइधुंकाः मचां यानाः वं थःत जूगु दुःख फुक्‍कं ल्‍वःमंका छ्वइ।

यूहन्‍ना 7:30

थ्‍व न्‍यनाः इमिसं वय्‌कःयात ज्‍वनेत स्‍वल। तर सुनानं ज्‍वने मफुत, छाय्‌धाःसा वय्‌कःयागु ई मवःनि।

प्रेरित 7:17

“परमेश्‍वरं अब्राहामलिसे चिनादीगु बाचा पूवनीगु ई न्‍ह्यःने थ्‍यंकः वल। मिश्र देशय् योसेफयात म्‍हमस्‍यूम्‍ह न्‍हूम्‍ह जुजु मजुतले इस्राएलीत यक्‍व हे दयावल।

प्रेरित 7:20

“अबलय् हे मोशा बुल। थ्‍व मचायात परमेश्‍वरं तसकं यय्‌कल। स्‍वला तक वयात छेँय् हे लहिना तल।

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।

व्‍यवस्‍था 34:5

अले परमप्रभुं धयादीगु थें परमप्रभुया दास मोशा मोआब देशय् सित।

हिब्रू 9:27

मनू छकः सी, अले सीधुंकाः वयागु न्‍याय जुइ।

१ शमूएल 2:5

गाक्‍क दुपिं नसाया निंतिं ज्‍यामि ज्‍या यानाः जुइमाली, बरु नये मखंपिनि धाःसा गुबलें नये मास्‍ति वइ मखु। थारिम्‍ह मिसां न्‍हय्‌म्‍ह मचा बुइकूगु दु। अय्‌नं यक्‍वसिया मांयाके छम्‍ह नं मचा मदु।