उपदेशक 2:4 - नेवाः बाइबल

⁴ जिं ततःधंगु ज्‍या याना। जिं जिगु निंतिं ततःखागु छेँ दय्‌का। जिं दाखया क्‍यबत दय्‌का।

उपदेशक 2:4 ပူးပေါင်းရင်းမြစ်များ

उत्‍पत्ति 11:4

अले इमिसं धाल, “आः छगू शहर दय्‌के, अले स्‍वर्ग तक थ्‍यनीगु धरहरा दय्‌काः झीगु नां तये। थुकथं झी पृथ्‍वी न्‍यंक छ्यालब्‍याल जुइ मखु।”

२ शमूएल 18:18

अब्‍शालोमं थः म्‍वानाच्‍वंबलय् जुजुया ब्‍यासिइ छगू थां धस्‍वाकूगु खः छाय्‌धाःसा वं थथे बिचाः याइगु, “जिगु नां ल्‍यंकातयेत जि छम्‍ह नं काय् मदु।” अथे जुयाः वं व थांयात थःगु हे नां तल, अले थौं तक नं व थांयात अब्‍शालोमया झ्‍वाता धकाः धाइ।

१ राजा 15:19

“छिकपिनि बौ व जिमि बौनं सन्‍धि याःगु थें छिं व जिं नं सन्‍धि यायेनु। जिं छिथाय् लुँ व वहः छ्वयाहयाच्‍वनागु दु। आः छिं इस्राएलयाम्‍ह जुजु बाशालिसें थःगु सन्‍धि त्‍वाथलादिसँ। वं जिगु देशं थः सेना लित यंके मालेमा।”

१ राजा 9:1

सोलोमन जुजुं परमप्रभुया देगः, दरबार व थःत यःगु फुक्‍क दय्‌के धुंकाः

१ इतिहास 27:27

दाखया क्‍यबत रामती शिमीया जिम्‍माय् खः। दाखया क्‍यबय् सःगु दाख, दाखमद्य तइगु धुकूया निंतिं शेपेमी जब्‍दीया जिम्‍माय् खः।

२ इतिहास 26:10

वयाके क्‍वय् लाःगु इलाकाय् व चक्‍कंगु ख्‍यलय् यक्‍व सा द्वहं दुगुलिं वं मरुभूमिइ नं धरहरात दय्‌कल, अले लः मुंका तयेगु यक्‍व गाः म्‍हुल। वयात बुँज्‍या यः, अले वं मनूतय्‌त डाँडा डाँडाय् दाखक्‍यब दय्‌केत व यक्‍वः सइगु बुँइ बुँज्‍या यायेत हपाः बीगु।

२ इतिहास 8:11

सोलोमनं मिश्रयाम्‍ह जुजुया म्‍ह्याय् थः रानीयात दाऊदया शहरं च्‍वय् वयागु निंतिं दय्‌कूगु दरबारय् हल। सोलोमनं धाल, “जिमि कलाः दाऊदया दरबारय् च्‍वने फइ मखु, छाय्‌धाःसा बाचाया सनू दुगु थाय् पवित्रथाय् खः।”

भजनसंग्रहया सफू 49:11

इमिसं न्‍ह्याक्‍व हे थःगु नामय् जमिन मुंकूसां इमिगु सदांया छेँ धयागु चिहान हे खः। इपिं सदांया निंतिं अन हे च्‍वनी।

श्रेष्‍ठगीत 1:14

जिमि यःम्‍ह प्रिय, जितः एन-गदीया दाखक्‍यबय् ह्वयाच्‍वंगु मेहदीया ज्‍वाँय् थें च्‍वं।

श्रेष्‍ठगीत 7:12

झीपिं सुथ न्‍हापां हे दाखक्‍यबय् वनेनु, दाखमाय् मुखू ह्वयाच्‍वंगु दु, अले धालय्‌माय् स्‍वां ह्वये त्‍यंगु स्‍वःवनेनु, अन जिं छन्‍त तसकं माया याये।

यशैया 5:1

जिं थः यःम्‍हय्‌सियागु निंतिं छपु म्‍ये हाले, अले वयागु दाखक्‍यबया बारे म्‍ये हाले– यक्‍व सइगु डाँडाय् जिमि यःम्‍ह छम्‍हय्‌सिया छगू दाखक्‍यब दु।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”