उपदेशक 2:16 - नेवाः बाइबल

¹⁶ छाय्‌धाःसा मूर्खम्‍ह मनूयात थें बुद्धि दुम्‍ह मनूयात नं ताःई तक लुमंका तइ मखु। वइगु दिंनय् निम्‍हय्‌सित नं ल्‍वःमंकाछ्वइ। छाय्‌धाःसा मूर्खम्‍ह थें बुद्धि दुम्‍ह नं सी हे मानि।

उपदेशक 2:16 ပူးပေါင်းရင်းမြစ်များ

२ शमूएल 3:33

अले जुजुं अबनेरया निंतिं थ्‍व बिलापया म्‍ये दय्‌कल, “छु अबनेर छम्‍ह अपराधी थें सीमाःगु ला?

भजनसंग्रहया सफू 103:16

फय् वयेवं झीत ब्‍वय्‌कायनी, अले सुनानं खनी मखु।

भजनसंग्रहया सफू 49:10

मूर्ख व बुद्धि मदुपिं मनूत थें बुद्धि दुपिं मनूत नं सिनावने हे माः, इमिगु धन-सम्‍पत्ति थः सन्‍तानया लागि त्‍वःतावनेमाः।

भजनसंग्रहया सफू 88:12

छु छिगु अजू चायापुगु ज्‍या खिउँगु थासय् व धार्मिकताया ज्‍या फुक्‍क ल्‍वःमनिगु थासय् सी ला?

प्रस्‍थान 1:6

योसेफ, वया दाजुकिजापिं व वया पुस्‍तायापिं फुक्‍क मनूत सिनावन।

प्रस्‍थान 1:8

अनंलि मिश्रय् योसेफयात म्‍हमस्‍यूम्‍ह छम्‍ह न्‍हूम्‍ह जुजु गद्दीइ च्‍वन।

हितोपदेश 14:8

बुद्धि दुपिं मनूतय्‌सं थःपिं गन वनाच्‍वना धकाः बांलाक थू, तर मूर्खतय्‌सं थःम्‍हं थःत झंगः लानाच्‍वनी।

उपदेशक 1:11

पुलांगु इलय्‌यापिं मनूतय्‌गु छुं नं लुमन्‍ति दइ मखु। अले आः वइतिनिगु पुस्‍ता व वयां लिपायागु पुस्‍तायात तकं नं इमिगु लुमन्‍ति दइ मखु।

उपदेशक 2:14

बुद्धि दुम्‍ह मनूया मिखा वया छेनय् दइ, तर मूर्खम्‍ह धाःसा खिउँथाय् जुइ। तर जिं खनागु दु थुपिं निम्‍हय्‌सित नं छगू हे दशा वइतिनि।

उपदेशक 2:15

अनंलि जिं थःगु मनय् बिचाः याना, “मूर्खम्‍हय्‌सिगु दशा जिके नं वइतिनि। जि बुद्धि दुम्‍ह जुयाः छु फाइदा जुल?” अले जिं थःगु मनय् बिचाः याना, “थ्‍व नं सितिं वंगु खँ खः।”

उपदेशक 6:8

बुद्धि दुम्‍ह मनूयात मूर्खपाखें छु फाइदा दइ? मेपिं मनूतनापं थःम्‍हं गुकथं व्‍यवहार यायेमाः धकाः सियाः चीमिम्‍ह मनूयात छु फाइदा जुइ?

उपदेशक 7:2

भ्‍वय् नयेगु छेँ वनेगु स्‍वयाः दुखं च्‍वनाच्‍वंगु छेँ वनेगु हे बांलाः। सीगु धयागु हे मनूतय्‌गु निंतिं अन्‍त खः, अथे जुयाः म्‍वानाच्‍वंपिन्‍सं थ्‍व खँ नुगलय् तयातयेमा।

उपदेशक 8:10

अले जिं मभिंपिन्‍त थुंगु नं खनागु दु। इपिं पवित्रगु थासय् वने वयेगु नं याइगु अले थुकिया निंतिं शहरय् हनाबना याका जुइ। थ्‍व नं सितिं वंगु खँ खः।

उपदेशक 9:15

उगु शहरय् छम्‍ह चीमिम्‍ह तर तसकं बुद्धि दुम्‍ह मनू दु अले वं थःगु बुद्धिं उगु शहरयात बचय् यात। अय्‌नं व चीमिम्‍ह मनूयात सुनानं लुममंकू।

उपदेशक 9:5

थःपिं सी मानि धकाः म्‍वानाच्‍वंपिन्‍सं स्‍यू, सी धुंकूपिन्‍सं धाःसा छु नं मस्‍यू। इमिगु निंतिं छुं नं सिरपाः धइगु हे दइ मखु। इमिगु लुमन्‍ति नं तनावनी।

मलाकी 3:16

परमप्रभुया भय काइपिं मनूतय्‌सं थःथवय् थथे खँ ल्‍हाना च्‍वंबलय् परमप्रभुं इमिगु खँ ध्‍यान बियाः न्‍यनादिल। अले वय्‌कःयागु भय काइपिं व वय्‌कःयात हनाबना तइपिनिगु नां इमिगु लुमन्‍तिया निंतिं वय्‌कःया न्‍ह्यःने छगू सफुतिइ च्‍वल।

हिब्रू 9:27

मनू छकः सी, अले सीधुंकाः वयागु न्‍याय जुइ।