उपदेशक 11:2 - नेवाः बाइबल

² छं थःगु सामान न्‍हय्‌म्‍ह वा च्‍याम्‍हय्‌सित इनाब्‍यु, छाय्‌धाःसा देशय् गज्‍याःगु विपत्ति वयेफु व छं मस्‍यू।

उपदेशक 11:2 ပူးပေါင်းရင်းမြစ်များ

नहेम्‍याह 8:10

नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

एस्‍तर 9:19

अथे जुयाः तापाक गामय् च्‍वनिपिं यहूदीतय्‌सं अदार लाया झिंप्‍यन्‍हुया दिंखुन्‍हु लसता व नखः हन। अले उखुन्‍हु इमिसं छम्‍हय्‌सिनं मेम्‍हय्‌सित कोसेलि बीगु यात।

एस्‍तर 9:22

उबलय् यहूदीतय्‌त थः शत्रुपाखें बचय् जुयाः न्‍हूगु जीवन दुगुलिं इमिगु दुःखपाखें खुशी व लसताय् हिउगु दु धकाः नं च्‍वल। अले इमिसं उपिं दिंखुन्‍हु लसताया नखःकथं छम्‍हय्‌सिनं मेम्‍हय्‌सित नयेगु नसा बीगु व नये मखंपिन्‍त नं कोसेलि बीगु दिंकथं हनय् यायेमाः धकाः वं च्‍वल।

अय्‍यूब 5:19

खुगू विपत्तितपाखें वय्‌कलं छन्‍त बचय् यानादी। न्‍हय्‌कःखुसीया विपत्तिं नं छंगु छुं स्‍यनी मखु।

भजनसंग्रहया सफू 112:9

वं मगाःमचाःपिन्‍त नुगः चक्‍कंकाः बी, वयागु दया माया सदां दयाच्‍वनी। व बल्‍लाइ अले वयात इज्‍जत दइ।

हितोपदेश 19:17

सुनां चीमिपिन्‍त ग्‍वाहालि याइ, वं परमप्रभुयात त्‍याय्‌ब्‍यूगु जुइ, वय्‌कलं लिपा पुलाबी।

हितोपदेश 6:16

परमप्रभुं खुता खँयात घृणा यानादी, न्‍हय्‌ता खँ वय्‌कःयात तसकं मयः।

उपदेशक 11:3

सुपाँय् लखं जाल धाःसा बुँइ वा वइ। सिमा दच्‍छिनय् ग्‍वतुल धाःसा वा उत्तरय् ग्‍वतुल धाःसां व गन ग्‍वतूगु खः अन हे तुं लानाच्‍वनी।

उपदेशक 11:8

मनूत न्‍ह्याक्‍व अप्‍वः म्‍वानाच्‍वन धाःसा उपिं फुक्‍कलय् नं व लय्‌तायाच्‍वनेमा। तर वं खिउँलय् याःगु ज्‍या नं लुमंकेगु यायेमा, छाय्‌धाःसा उपिं यक्‍व हे अप्‍वः जुइ। आः जूवइतिनीगु फुक्‍क खँ नं सितिं वंगु खः।

उपदेशक 12:1

दुःखया ई वये न्‍ह्यः, अले “थ्‍व ई वइगु जितः मयः” धकाः छं धाये न्‍ह्यः हे थःगु ल्‍याय्‌म्‍हया इलय् थःत दय्‌कादीम्‍हय्‌सित लुमंकेगु या!

दानिएल 4:27

उकिं हे महाराज, जिगु सल्‍लाह स्‍वीकार यानादिसँ। खःगु ज्‍या यानाः थःगु पापयात त्‍वःतादिसँ अले छुं मदुपिन्‍त माया यानाः मभिंगु ज्‍या त्‍वःतादिसँ। अथे याःसा छःपिनिगु भिं जुया हे च्‍वनी।”

मीका 5:5

अले वय्‌कःपाखें जक इमित शान्‍ति दइ। अश्‍शूरीत झीगु देशय् वयाः झीगु किल्‍लाय् हमला याइबलय् झीसं न्‍हय्‌म्‍ह जवाःत वा च्‍याम्‍ह नायःत इपिंलिसें ल्‍वायेत छ्वये।

मत्ती 18:22

वय्‌कलं लिसः बियादिल – “न्‍हय्‌कः तक जक मखु। थ्‍व स्‍वयाः न्‍हयेदुगं अप्‍वः न्‍हय्‌कः तक बीमाः।

मत्ती 5:42

सुनानं छंके छुं फ्‍वन धाःसा वयात ब्‍यु। सुनानं छंके छुं त्‍याये का वल धाःसा वयात बिया छ्व।

लूका 17:4

इमिसं न्‍हिच्‍छिइ न्‍हय्‌कः छिमिगु विरोधय् पाप यानाः न्‍हय्‌कः तकं छिमिथाय् वयाः ‘जिं पश्‍चाताप याये’ धकाः धाः वःसा छिमिसं क्षमा ब्‍यु।”

गलाती 6:1

यःपिं दाजुकिजापिं, सुनानं मभिंगु ज्‍या याःगु खन धाःसा छिपिं परमेश्‍वरया आत्‍मां धाःथें याइपिन्‍सं वयात मिजासं भिंकेगु स्‍वयेमाः। तर बांलाक होश या, थथे यायेबलय् छिपिं थः हे मभिंगु ज्‍याय् मलायेमा।

एफिसी 5:16

इलं लाःबलय् हे छिमिसं भिंगु ज्‍याखँ याना जु, छाय्‌धाःसा ई तसकं मभिं।

हिब्रू 13:3

थःत नं कुना तःगु थें हे ताय्‌काः कुना तःपिनिगु च्‍यूताः ति। दुःख सियाच्‍वंपिन्‍त थःम्‍हं हे दुःख सियाच्‍वना थें च्‍वंक लुमंकेगु या।

१ शमूएल 25:8

छिकपिनि थः मनूतय्‌के न्‍यनादिसँ, अले इमिसं छितः फुक्‍कं सत्‍य खँ धयाबी। जिमि मनूतय्‌त दया यानाः स्‍वीकार यानादिसँ छाय्‌धाःसा थौंयागु न्‍हि तसकं भिं अले छिकपिनि दासतय्‌त व छपिनि काय् दाऊदयात छु बी फु बियादिसँ।’”