उपदेशक 11:1 - नेवाः बाइबल

¹ थःगु अन्‍न समुद्रया उखेपाखे छ्व, छाय्‌धाःसा यक्‍व दिं लिपा व छन्‍त हाकनं दइ।

उपदेशक 11:1 ပူးပေါင်းရင်းမြစ်များ

२ शमूएल 17:29

कस्‍ति, धौ, फैत व सायागु दुरुं पिकयातःगु पनीर नं हयाः दाऊद व वनापं वःपिं मनूतय्‌त नयेगु निंतिं बिल, छाय्‌धाःसा मनूत मरुभूमिइ नयेपित्‍याकाः, लः प्‍याये चाय्‌काः व त्‍यानुचायाः वःगु खः धकाः इमिसं सीकल।

हितोपदेश 11:18

दुष्‍टत छुं ईया निंतिं जक तःमि जुइ। धर्मीतय्‌त सदांया निंतिं सिरपाः दइ।

हितोपदेश 19:17

सुनां चीमिपिन्‍त ग्‍वाहालि याइ, वं परमप्रभुयात त्‍याय्‌ब्‍यूगु जुइ, वय्‌कलं लिपा पुलाबी।

हितोपदेश 22:9

नुगः तफाःम्‍ह मनूयात आशिष दइ, छाय्‌धाःसा वं चीमिपिन्‍त नं नके त्‍वंकेगु याइ।

उपदेशक 11:6

छ सुथ न्‍हापां हे पुसा ह्वलेत हुँ, अले सन्‍ध्‍याकाः इलय् तकं ज्‍या यायेगु त्‍वःते मते, छाय्‌धाःसा आः ह्वःगु वा लिपतय् ह्वःगु गुगु पुसा बुया वइ, वा निगू पुसा नं बांलाइ धकाः छं मस्‍यू।

उपदेशक 3:6

मालेगु छगू ई दु, त्‍वःताबीगु छगू ई दु। तयेगु छगू ई दु, वांछ्वयेगु छगू ई दु।

यशैया 32:20

फुक्‍क लः दुगु थासय् पुसा ह्वलीपिं अले सा द्वहं व गधात ज्‍वये बीपिं छिपिं गुलि धन्‍यपिं जुइ।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

लेवी 19:25

तर न्‍यागूगु दँय् उकियागु फल छिमिसं नये ज्‍यू। अले अप्‍वः फल सयावइ। जि परमप्रभु छिमि परमेश्‍वर खः।

मत्ती 10:13

छिमिगु खँ इमिसं थुइका काःसा इमित शान्‍ति दइ, मखुसा छिमिसं ब्‍यूगु शान्‍ति छिमिके तुं लिहां वइ।

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”

मत्ती 25:17

अथे हे निगू लाख काःम्‍ह च्‍यलं नं व दामं ब्‍यापार यानाः मेगु निगू लाख दां मुंकल।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

लूका 14:14

अले छितः आशिष दइ, छाय्‌धाःसा अज्‍याःपिन्‍सं छितः पलेसा पुले फइ मखु। बरु धर्मीपिं सिनाः हानं म्‍वाना वइबलय् परमेश्‍वरं छितः थुकियागु पलेसा पुलादी।”

२ कोरिन्‍थी 9:6

थ्‍व खँ नं ल्‍वःमंके मते – कम पुसा ह्वःम्‍हय्‌सिनं भतिचा जक सय्‌की। यक्‍व पुसा ह्वःम्‍हय्‌सिनं यक्‍व हे सय्‌की।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।