उपदेशक 10:5 - नेवाः बाइबल

⁵ थ्‍व संसारय् जिं छगू मभिंगु खँ खनागु दु, थज्‍याःगु मभिंगु ज्‍या हाकिमतय्‌पाखें जुइ–

उपदेशक 10:5 ပူးပေါင်းရင်းမြစ်များ

हितोपदेश 19:10

मूर्खतय्‌त मोजमज्‍जा यानाः च्‍वनेगु मल्‍वः, अथे हे दासं जुजुयात शासन यायेगु झन हे मल्‍वः।

हितोपदेश 28:12

भिंपिं मनूत त्‍यात कि सकलें लय्‌ताइ, दुष्‍ट मनूत थाहां वल कि मनूत सुला जुइ।

उपदेशक 10:4

हाकिमतय्‌गु तं छंगु विरोधय् दसां छं थःगु ज्‍या यायेगु त्‍वःते मते। सुम्‍क च्‍वनाच्‍वन धाःसा ततःधंगु तं नं शान्‍त जुइ।

उपदेशक 10:6

मूर्खत तःधंगु पदय् तइ तर तःमित चिधंगु थासय् च्‍वनी।

उपदेशक 3:16

अले जिं थ्‍व संसारय् मेगु खँ नं खनागु दु। न्‍यायया पलेसा मभिंगु जुयाच्‍वंगु, धार्मिकताया पलेसा मभिंगु जुयाच्‍वंगु दु।

उपदेशक 4:1

हाकनं जिं थ्‍व संसारय् जुयाच्‍वंगु फुक्‍क अन्‍याय खना। क्‍वत्‍यलातःपिनीगु मिखां ख्‍वबि वयाच्‍वंगु जिं खना, अले इमित सान्‍त्‍वना बीपिं सुं छम्‍ह नं मदु। अन्‍याय याइपिनिपाखे शक्ति दु, अले क्‍वत्‍यलातःपिन्‍त सान्‍त्‍वना बीपिं सुं छम्‍ह नं मदु।

उपदेशक 4:7

हाकनं जिं थ्‍व संसारय् छुं सितिं वंगु खना।

उपदेशक 5:13

जिं थ्‍व संसारय् छगू तसकं ग्‍यानापुगु खँ खनागु दु। मालिकं थःगु नोक्‍सानया निंतिं धन-सम्‍पत्ति मुंकूगु।

उपदेशक 6:1

थ्‍व संसारय् जिं छगू थज्‍याःगु मभिंगु खँ खनागु दु, गुकिं मनूतय्‌त तसकं क्‍वत्‍यलातल।

उपदेशक 9:3

थ्‍व संसारय् याइगु फुक्‍क ज्‍याय् मभिंगु दु। फुक्‍कसिगु छगू हे कथं नाश जुइ। जिवंकाछि हे मनूतय्‌गु नुगलय् मभिंगु व वँय्‌यागु खँ जायाच्‍वनी। अले इपिं सी धुंकूपिंनापं हे मिलय् जू वनी।