उपदेशक 1:9 - नेवाः बाइबल

⁹ न्‍हापा छु जूगु खः व हाकनं जुइतिनि, अले न्‍हापा छु याःगु खः व हाकनं याइतिनि। थ्‍व संसारय् छुं नं न्‍हूगु ज्‍याखँ जूगु मदु।

उपदेशक 1:9 ပူးပေါင်းရင်းမြစ်များ

उपदेशक 1:10

छुं नं खँ दु ला, गुकिया बारे थथे धायेफु, “स्‍वःसा, छु थ्‍व न्‍हूगु ज्‍या खः?” थ्‍व न्‍हापा हे थन दुगु खः। थ्‍व ला झीगु ई स्‍वयाः न्‍हापा हे दुगु खः।

उपदेशक 2:12

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। जुजुं न्‍हापा हे याना वयाच्‍वंगु ज्‍या स्‍वयाः लिपा वइम्‍हं मेगु छु हे अप्‍वः याये फइ?

उपदेशक 3:15

थ्‍व संसारय् छु दु व न्‍हापा हे दुगु खः, अले छु जूवइतिनि व नं न्‍हापा हे जुइ धुंकूगु खः। परमेश्‍वरं न्‍हापा जुइ धुंकूगु ज्‍याखँया ल्‍याःचाः कयादी।

उपदेशक 6:10

छु द हे दु वयागु नां छुइकल, अले मनूत सु खः धकाः थुइ हे धुंकल। थः स्‍वयाः बल्‍लाःम्‍हय्‌सित सुनानं विरोध याये फइ मखु।

उपदेशक 7:10

न्‍हापायागु दिंत आःयागु स्‍वयाः छाय् भिं जुल धकाः धाये मते, छाय्‌धाःसा थज्‍याःगु न्‍ह्यसः याःगुलिं छ बुद्धि दुम्‍ह मखु धकाः क्‍यनी।

यशैया 43:19

स्‍व, जिं छगू न्‍हूगु ज्‍या यानाच्‍वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्‌का च्‍वनागु दु, अले गंगु बँय् खुसिचात न्‍ह्याकाः च्‍वनागु दु।

यर्मिया 31:22

हे विश्‍वास यायेबहः मजूम्‍ह म्‍ह्याय्, छ गुबलय् तक थुखे उखे चाःहिलाजुयेगु? परमप्रभुयागु छगू न्‍हूगु सृष्‍टि पृथ्‍वीइ खने दइ। छम्‍ह मिसां छम्‍ह मिजंयात रक्षा याइ।”

२ पत्रुस 2:1

न्‍हापा न्‍हापा नं मखुगु खँ स्‍यना जुइपिं अगमवक्तात दयावःगु खः। अथे हे छिमिगु पुचलय् नं मखुगु खँ स्‍यना जुइपिं मनूत दयावइतिनि। अज्‍याःपिं मनूतय्‌सं छिमित मखुगु खँ जक स्‍यनाबीगु कुतः याइ। इमित मुक्ति बियादीम्‍ह येशू ख्रीष्‍टयात हे इमिसं त्‍वःतावनी, अले याकनं हे स्‍यनावनी।

प्रकाश 21:1

थुलि जुइ धुंकाः जिं न्‍हूगु स्‍वर्ग व न्‍हूगु पृथ्‍वी खना। न्‍हापायागु स्‍वर्ग व पृथ्‍वी मदयावने धुंकल। समुद्र द हे मन्‍त।

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”