उपदेशक 1:6 - नेवाः बाइबल

⁶ फय् दच्‍छिनपाखे न्‍ह्याइ, अले उत्तरपाखे लिहांवनी। व न्‍ह्याबलें थःगु हे चाःकलय् चाःहिलाच्‍वनी।

उपदेशक 1:6 ပူးပေါင်းရင်းမြစ်များ

अय्‍यूब 37:17

दच्‍छिनयागु क्‍वाःगु फसं देशया प्‍यखें सुनसान याःबलय् थःगु वसःया दुने लुमुकाच्‍वनीम्‍ह छि,

अय्‍यूब 37:9

वाफय् थःगु थासं वइ, कडा फसं चिकु वइ।

भजनसंग्रहया सफू 107:25

वय्‌कलं आज्ञा बियाः ग्‍यानापुक वाफय् वय्‌कादिल। उकिं समुद्रया लबु च्‍वय् तक थाहां वल।

भजनसंग्रहया सफू 107:29

वय्‌कलं तसकं वःगु वाफय्‌यात शान्‍त यानादिल, गुकिं यानाः समुद्रया लबु दित।

उपदेशक 1:7

फुक्‍क खुसित न्‍ह्यानावनाः समुद्रय् जू वनी। अय्‌नं समुद्र गुब्‍सं नं जाइ मखु। गुगु थासं खुसित न्‍ह्यानावःगु खः हाकनं व हे थासय् तुं लिहांवनी।

उपदेशक 11:5

गथे छं फय् गन वनी अले मांया प्‍वाथय् मचा गुकथं सृष्‍टि जुइ धकाः सीके फइ मखु, अथे हे फुक्‍क दय्‌कादीम्‍ह परमेश्‍वरया ल्‍हाःया ज्‍या नं छं थुइके फइ मखु।

योना 1:4

अय्‌नं परमप्रभुं समुद्रय् तःधंगु वाफय् वय्‌कादिल। थ्‍व वाफसं यानाः जहाज हे स्‍यनी थें च्‍वन।

मत्ती 7:24

“अय्‌जूगुलिं जिगु वचन न्‍यनाः उकथं हे याइम्‍ह मनू ल्‍वहं दुथाय् छेँ दनीम्‍ह बुद्धि दुम्‍ह मनू थें खः।

मत्ती 7:27

वं छेँ दय्‌के धुंकाः तसकं वा वयाः बाः वल। हानं तसकं फय् वयाः वयागु छेँय् कल। अले वयागु छेँ दुनावन।”

यूहन्‍ना 3:8

फय् थः मंदुथाय् न्‍ह्याइ, छिं उकियागु सः जक ताइ, व गनं वल, अले गन वनी धकाः छिं सी मखु। आत्‍मां बूपिं मनूत नं अथे हे जुइ।”