उपदेशक 1:3 - नेवाः बाइबल

³ थ्‍व संसारय् मनुखं थाकुक ज्‍या यानाः दुःख सी अय्‌नं वयात छु फाइदा दत लय्?

उपदेशक 1:3 ပူးပေါင်းရင်းမြစ်များ

उपदेशक 2:11

अनंलि जिगु ल्‍हातं यानागु फुक्‍क ज्‍याया बारे जिं बिचाः याना, जिं गुलि दुःखसिया उपिं ज्‍यात यानागु खः। थुपिं फुक्‍कया छुं अर्थ मदु, थ्‍व ला फय्‌यात लिइगु थें जक खः। थ्‍व संसारय् छुं नं फाइदा मदु।

उपदेशक 2:18

थ्‍व संसारय् जिं तसकं दुःखसिया यानागु फुक्‍क ज्‍यायात जिं घृणा याना, छाय्‌धाःसा उपिं फुक्‍कं दुःखसिया यानागु ज्‍या छन्‍हु जिगु लिपा वइम्‍हय्‌सिगु निंतिं त्‍वःता हे वनेमानि।

उपदेशक 2:19

अले व बुद्धि दुम्‍ह ला कि मूर्खम्‍ह धकाः सुनां स्‍यू? अय्‌नं जिं थ्‍व संसारय् दुःखसिया यानागु फुक्‍क ज्‍या वयागु हे अधीनय् दु, गुकिया निंतिं जिं थःगु फुक्‍क बल व सीप छ्यलागु दु। थ्‍व सितिं वंगु खँ खः।

उपदेशक 2:22

थ्‍व संसारय् थम्‍हं याःगु फुक्‍क थाकुगु ज्‍यां व धन्‍दा कयाः हिचःति हाय्‌काः याःगु फुक्‍क ज्‍यां मनूतय्‌त छु दतलय्?

उपदेशक 3:9

ज्‍या याइम्‍हय्‌सिनं दुःखसिया वयात छु फाइदा दइ?

उपदेशक 4:3

तर अझ थुपिं निम्‍ह स्‍वयाः सुखी ला व मनू खः सु बु हे मबुनी अले गुम्‍हय्‌सिनं थ्‍व संसारय् जूगु फुक्‍क मभिंगु ज्‍या खंगु नं मदु।

उपदेशक 4:7

हाकनं जिं थ्‍व संसारय् छुं सितिं वंगु खना।

उपदेशक 5:16

थ्‍व नं छगू दुःखबलय् जूगु तसकं ग्‍यानापुगु खँ खः। मनू गथे वःगु खः अथे हे तुं लिहां वनेमानि। वयात छु फाइदा दइ धकाः? छाय्‌धाःसा वं दुःखसिया याःगु ज्‍या फुक्‍क फय् थें सितिं वनी।

उपदेशक 5:18

अनंलि जिं थ्‍व खँ थुल। परमेश्‍वरं बियादीगु थ्‍व चिहाकःगु जीवन दतले थ्‍व संसारय् नयेगु, त्‍वनेगु अले थःम्‍हं तसकं दुखसिया यानागु ज्‍याय् लुधंका च्‍वनेत कुतः यायेगु मनूतय्‌गु निंतिं भिं जुइ, छाय्‌धाःसा व हे इमिगु भाग खः।

उपदेशक 6:12

थ्‍व चिहाकःगु जीवनया छुं हे अर्थ मदुगु इलय्, मनूतय्‌सं किचः थें थ्‍व जीवन हनाच्‍वनी, अय्‌नं इमित छु खँ बांला धकाः सुनां स्‍यू? व सिनावने धुंकाः थ्‍व संसारय् छु जुइ धकाः सुनां इमित धाये फइ?

उपदेशक 7:11

बुद्धि झी थः बाज्‍यापिनीगु सम्‍पत्ति स्‍वयाः बांलाःगु खँ खः, अले संसारय् फुक्‍क मनूतय्‌त थुकिं फाइदा याइ।

उपदेशक 9:13

जिं थ्‍व संसारय् बुद्धिया छगू नमूना खनागु दु, गुकिं जितः तःधंगु असर यात।

उपदेशक 9:3

थ्‍व संसारय् याइगु फुक्‍क ज्‍याय् मभिंगु दु। फुक्‍कसिगु छगू हे कथं नाश जुइ। जिवंकाछि हे मनूतय्‌गु नुगलय् मभिंगु व वँय्‌यागु खँ जायाच्‍वनी। अले इपिं सी धुंकूपिंनापं हे मिलय् जू वनी।

उपदेशक 9:6

इमिगु माया, घृणा, ईर्ष्‍यां फुक्‍क मदयावनी। थ्‍व संसारय् याःगु छुं नं ज्‍यापाखें इमित गुबलें भाग दइ मखु।

यशैया 55:2

गुगु नयेगु नसा हे मखु, उकिया निंतिं छाय् धिबा पुलेगु? अले गुकिं प्‍वाः जाइ मखु, उकिया निंतिं छाय् ज्‍या यायेगु? न्‍यँ, जिगु खँ बांलाक न्‍यँ! गुगु नये ज्‍यू व हे जक न, अले साःगु साःगु नयाः छं थःगु प्राणयात लुधंकी।

हबकूक 2:13

दक्‍व शक्ति दुम्‍ह परमप्रभुं थथे यानादीगु मखु ला? मनूतय्‌सं याःगु ज्‍या ला मिइ सिँ वांछ्वयेगु थें जक खः, जात जातितय्‌सं यक्‍व ज्‍या याइ तर ज्‍यालगे जुइ मखु।

हबकूक 2:18

“मनूतय्‌सं कियाः दय्‌कातःगु मूर्तिया छु मू दु धकाः? वा मखुगु खँ ल्‍हायेगु स्‍यनीगु धातुया मूर्तिया छु मू दु धकाः? कारिगरं थःगु ल्‍हातं दय्‌कुम्‍हसिके भलसा तइ। वं ज्‍यालगे मजूगु मूर्तित दय्‌की, व मूर्तिं न्‍ववाये फइ मखु।

मत्ती 16:26

सारा संसार हे ल्‍हातय् दयाः नं व मनू सिनावन धाःसा वयात छु दइ? वं हानं थःगु प्राण छुकिं लिफ्‍याना काइ?

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

१ कोरिन्‍थी 16:16

यःपिं दाजुकिजापिं, स्‍तिफनस थें ज्‍याःपिनिगु खँ न्‍यनेगु या। अले इपिं नाप ज्‍या यानाच्‍वंपिं मनूतय्‌गु खँ नं न्‍यँ।