व्‍यवस्‍था 7:5 - नेवाः बाइबल

⁵ छिमिसं थथे या – इमिगु वेदी थुनाब्‍यु, इमिगु पुजा याइगु ल्‍वहं तछ्यानाब्‍यु। इमिगु अशेरा द्यःमय्‌जुयागु थां पालाः क्‍वथलाब्‍यु। अले इमिगु मूर्तित मिइ छ्वय्‌काब्‍यु।

व्‍यवस्‍था 7:5 ပူးပေါင်းရင်းမြစ်များ

२ राजा 10:26

इमिसं च्‍वखगु ल्‍वहंया थांयात बालया देगलं पिने हयाः छ्वय्‌काबिल।

१ इतिहास 14:12

पलिश्‍तीत बिस्‍युं वंबलय् इमिसं अन थः द्यःतय्‌गु मूर्तित त्‍वःताथकल अले दाऊदं उपिं मूर्तितय्‌त छ्वय्‌काछ्वयेगु आज्ञा बिल।

२ इतिहास 14:3

वं विदेशी वेदीत, पुजा यायेगु थाय्‌त, ल्‍वहंया मूर्तित तछ्यानाबिल अले अशेरा द्यःमय्‌जुया थांत क्‍वःथलाबिल।

प्रस्‍थान 23:24

इमि द्यःतय्‌त भागियाये मते, इमिगु पुजा याये मते। अय्‌नं उपिं द्यःतय्‌त स्‍यंकाब्‍यु। अले इमिसं पुजा याइगु ल्‍वहंतय्‌त तछ्यानाब्‍यु।

प्रस्‍थान 32:20

अले इमिसं दय्‌कूगु द्वहंचा कयाः वं मिइ छ्वय्‌काः उकियात चुंचुं यानाः लखय् ल्‍वाकछ्याना बिल। अले वं इस्राएलीतय्‌त त्‍वंके बिल।

प्रस्‍थान 34:13

इमिगु वेदीत स्‍यंकाब्‍यु। इमिगु पवित्र ल्‍वहंत तछ्यानाब्‍यु, अले इमि अशेरा द्यःमय्‌जुयागु थांतय्‌त पालाः क्‍वथलाब्‍यु।

यशैया 17:8

इमिसं थःगु हे ल्‍हातं दय्‌कूगु वेदीतय्‌के भलसा तइ मखु। अले थःपिन्‍सं हे दय्‌कूगु अशेरा द्यःमय्‌जुयागु मूर्ति व गुँगू थनीगु वेदीतय्‌के भलसा तइ मखु।

लेवी 26:1

“‘जि छिमि परमप्रभु परमेश्‍वर खः, अथे जुयाः छिमिसं थःगु लागि मूर्तित दय्‌के मज्‍यू। अले थःगु निंतिं पुजा यायेत गुगु नं झ्‍वाता, कियातःगु सिँया झ्‍वाता, ल्‍वहंया थां वा कियातःगु ल्‍वहं थने मज्‍यू।

गन्‍ती 33:52

व देशयापिं मनूतय्‌त इमिगु देशं पितिनाछ्व। अले इमिगु कियातःगु झ्‍वाता व नाय्‌कातःगु मूर्ति फुक्‍कयात नाश यानाब्‍यु। इमिसं पुजा याइगु देगःचात नं स्‍यंकाब्‍यु।

व्‍यवस्‍था 16:21

छिमिसं परमप्रभु थः परमेश्‍वरया निंतिं दय्‌कूगु वेदीया लिक्‍क अशेरा द्यःमय्‌जुया सिँया थां धस्‍वाके मते।

व्‍यवस्‍था 16:22

छिमिसं पुजा याइगु ल्‍वहं धस्‍वाके मते। परमप्रभु छिमि परमेश्‍वरयात थ्‍व तसकं मयः।

व्‍यवस्‍था 7:25

इमि द्यःतय्‌गु मूर्ति छिमिसं मिइ छ्वय्‌काब्‍यु। छिमिसं मूर्तिइ दुगु लुँ व वहः ल्‍वःवंकाः काये मते। छाय्‌धाःसा व हे छिमिगु निंतिं तक्‍यंकीगु जाः जुइ। थ्‍व परमप्रभु छिमि परमेश्‍वरयात घच्‍चाइपुगु खँ खः।

व्‍यवस्‍था 9:21

अनंलि जिं छिमिगु व पापं जाःगु बस्‍तु, छिमिसं दय्‌कूम्‍ह द्वहंचा कयाः मिइ छ्वय्‌काबिया, अले उकियात निनाः चुंचुं यानाः पर्वतं क्‍वहां वयाच्‍वंगु खुसिइ वांछ्वयाबिया।