व्‍यवस्‍था 7:2 - नेवाः बाइबल

² परमप्रभु छिमि परमेश्‍वरं इमित छिमिगु ल्‍हातय् बियादिल, छिमिसं इमित बुकीबलय् छिमिसं इमित भज्‍यंक नाश यानाब्‍यु। इपिंलिसें सन्‍धि याये मते। अले इमित माया याये मते।

व्‍यवस्‍था 7:2 ပူးပေါင်းရင်းမြစ်များ

उत्‍पत्ति 14:20

दक्‍वसिबय् तःधंम्‍ह परमेश्‍वरयात तःधंकी, गुम्‍हय्‌सिनं छिमि शत्रुतय्‌त छंगु ल्‍हातय् लःल्‍हानादिल।” अले अब्रामं थःम्‍हं हःगु फुक्‍क झिब्‍वय् छब्‍व वय्‌कःयात बिल।

२ शमूएल 21:2

(गिबोनीत इस्राएल कुलयापिं मखु। इपिं एमोरी वंशया बचय्‌जूपिं खः। इमित इस्राएलीतय्‌सं बचय् यानातये धकाः पाफःगु खः। अथे जूसां शाऊलं इस्राएल व यहूदाया निंतिं थःगु जोशय् इमित नाश यायेगु कुतः याःगु खः।) अथे जुयाः दाऊद जुजुं गिबोनीतय्‌त सःताः धाल,

१ राजा 20:34

बेन-हददं धाल, “जिमि बौनं छिकपिनि बौपाखें काःगु शहरत जिं छितः लितबी। जिमि बौनं सामरियाय् याःगु थें छिं नं दमस्‍कसय् ब्‍यापार यायेगुथाय् चाय्‌कादिसँ।” आहाबं धाल, “छं छगू सन्‍धि यात धाःसा जिं छन्‍त त्‍वःताबी।” उकिं वं वलिसें छगू सन्‍धि यात, अले वयात वनेबिल।

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

भजनसंग्रहया सफू 106:34

परमप्रभुं आज्ञा बियादीगु थें, इमिसं अन च्‍वंपिं जात जातितय्‌त नाश मयाः।

प्रस्‍थान 22:20

“सुनां परमप्रभु बाहेक मेपिं द्यःतय्‌त बलि छाइ, वयात नाश यायेमाः।

गन्‍ती 21:2

इस्राएलीतय्‌सं परमप्रभुयात थथे भाकल यानाः प्रार्थना यात, “छिं धात्‍थें हे थ्‍व मनूतय्‌त जिमिगु ल्‍हातय् बियादिल धाःसा जिमिसं इमित, इमिगु शहरतय्‌त छितः शर्त मतसें लःल्‍हाये अले इमित नाश याये।”

गन्‍ती 31:17

अथे जुयाः आः फुक्‍क मिजंमस्‍त व मिजंनापं द्यने धुंकूपिं मिसातय्‌त स्‍यानाछ्व।

गन्‍ती 33:52

व देशयापिं मनूतय्‌त इमिगु देशं पितिनाछ्व। अले इमिगु कियातःगु झ्‍वाता व नाय्‌कातःगु मूर्ति फुक्‍कयात नाश यानाब्‍यु। इमिसं पुजा याइगु देगःचात नं स्‍यंकाब्‍यु।

व्‍यवस्‍था 13:8

व हेय्‌कूम्‍हय्‌सिगु खँ न्‍यने मते! छिमिसं वयात दया याये मते, छिमिसं वयात त्‍वःते मते वा वयात रक्षा याये मते!

व्‍यवस्‍था 13:9

व मनूयात स्‍याना हे छ्व! वयात स्‍यायेत वयागु खँ न्‍यंम्‍ह मनुखं दकलय् न्‍हापा ल्‍वहँतं कय्‌केमाः। अले लिपा सकलें मनूतय्‌सं ल्‍वहँतं कय्‌केमाः।

व्‍यवस्‍था 19:13

वयात माया याये मते! द्वं मदुपिन्‍त स्‍यायेगु ज्‍या इस्राएलं न्‍हंकाः छ्वयेमाः। अले छिमिगु भिं जुइ।

व्‍यवस्‍था 2:33

परमप्रभु झी परमेश्‍वरं वयात झीगु ल्‍हातय् बियादिल। अले वयात, वया काय्‌पिन्‍त, वया सकलें सेनातय्‌त झीसं स्‍यानाबिया।

व्‍यवस्‍था 2:34

उबलय् झीसं वयागु फुक्‍क शहर त्‍याकाकयाः उपिं शहरय् च्‍वंपिं मिजंत, मिसात व मस्‍तय्‌त भज्‍यंक नाश यानाबिया। झीसं छम्‍हय्‌सित नं मत्‍वःता।

व्‍यवस्‍था 23:14

परमप्रभु छिमि परमेश्‍वर छिमित बचय् यायेत अले छिमिगु निंतिं छिमि शत्रुतय्‌त बुकेत छिमिगु छाउनीइ चाःहिलादी। अथे जुयाः छिमिगु छाउनी पवित्र जुइमाः। वय्‌कलं छिमिगु दथुइ घच्‍चाइपुगु छुं नं मखनेमा, मखुसा वय्‌कलं छिमित त्‍वःतादी।

व्‍यवस्‍था 25:12

छिमिसं वयागु ल्‍हाः पालाब्‍यु, वयात माया याये मते।

व्‍यवस्‍था 3:3

थुकथं परमप्रभु झी परमेश्‍वरं बाशानया जुजु ओग व वया फुक्‍क सेनायात झीगु ल्‍हातय् बियादिल। झीसं छम्‍हय्‌सित नं मत्‍वःतुसें सकसितं स्‍यानाबिया।

व्‍यवस्‍था 31:5

परमप्रभुं इमित छिमिगु ल्‍हातय् बियादी अले जिं छिमित बियागु आज्ञाकथं छिमिसं इमित या।

व्‍यवस्‍था 33:27

छिमिगु शरण कायेगु थाय् सदांयाम्‍ह परमेश्‍वर खः, छिमिगु क्‍वय् वय्‌कःया ल्‍हाः न्‍ह्याबलें दयाच्‍वनी। ‘इमित नाश या’ धाधां वय्‌कलं छिमिगु न्‍ह्यःनेनं छिमि शत्रुतय्‌त लिनाछ्वइ।

व्‍यवस्‍था 7:16

परमप्रभु छिमि परमेश्‍वरं छिमिगु ल्‍हातय् बियादीपिं फुक्‍क जातितय्‌त छिमिसं नाश यानाब्‍यु। इमित माया याये मते। इमि द्यःतय्‌त पुजा याये मते, छाय्‌धाःसा व हे छिमित तक्‍यंकीगु जाः जुइ।

व्‍यवस्‍था 9:3

अय्‌नं थौं छिमिसं थ्‍व खँ बांलाक सीकि, ह्वाना ह्वाना च्‍यानाच्‍वंगु मि थें छिमिगु न्‍ह्यःने न्‍ह्यःने झाइम्‍ह परमप्रभु छिमि परमेश्‍वर हे खः। वय्‌कलं इमित नाश यानादी अले छिमिगु न्‍ह्यःने क्‍वत्‍यलादी। परमप्रभुं छिमित बचं बियादीगु थें छिमिसं इमित लिनाछ्वयाः याकनं हे नाश याइ।

यहोशू 10:28

उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

यहोशू 10:30

परमप्रभुं व शहर व अनयाम्‍ह जुजुयात इस्राएलीतय्‌गु ल्‍हातय् बियादिल, अले वयात व अन दुपिं सकल मनूतय्‌त तरवारं स्‍यानाबिल। वं अन सुयातं नं बाकि मतल। यरीहोयाम्‍ह जुजुयात वं गथे याःगु खः अनयाम्‍ह जुजुयात नं वं अथे हे यात।

यहोशू 10:32

परमप्रभुं लाकीशयात इस्राएलीतय्‌गु ल्‍हातय् बियादिल। थथे निगूगु दिंखुन्‍हु इमिसं उकियात त्‍याका काल। वं लिब्‍नायात याःगु थें हे व शहर व अन दुपिं सकल मनूतय्‌त तरवारं नाश यात।

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

यहोशू 11:8

अले परमप्रभुं इमित इस्राएलीतय्‌गु ल्‍हातय् बियादिल। व इस्राएलीतय्‌सं इमित बुकाः उत्तरय् तःधंगु सीदोन व मिश्रपोत-मैम तक अले पुर्बय् मिस्‍पाया ब्‍यासि तक लिनायंकल। छम्‍हय्‌सित नं बाकि मतसें इस्राएलीतय्‌सं इमित स्‍यात।

यहोशू 2:14

“छंगु प्राणया पलेसा जिमिगु प्राण!” मनूतय्‌सं वयात बचं बिल। “जिमिगु थ्‍व ज्‍या सुयातं मधाल धाःसा परमप्रभुं जिमित थ्‍व देश बियादीबलय् जिमिसं छन्‍त विश्‍वास यायेबहः जुयाः दयामाया याये।”

यहोशू 21:44

परमप्रभुं इमि पुर्खातलिसें पाफयादीगु थें वय्‌कलं देशय् न्‍यंक इमित आराम बियादिल। इमि छम्‍ह नं शत्रु इमि न्‍ह्यःने दने मफुत छाय्‌धाःसा परमप्रभुं इस्राएलीतय्‌गु ल्‍हातय् इमि फुक्‍क शत्रुत लःल्‍हानादिल।

यहोशू 8:24

इस्राएलीतय्‌सं ऐयापिं सकल मिजंतय्‌त थःपिन्‍त ल्‍यूगु मरुभूमिया ख्‍यलय् स्‍याये धुंकाः सकल इस्राएलीत ऐ शहरय् लिहां वल, व अन दुपिं सकसितं हे स्‍यात।

यहोशू 9:24

अले इमिसं यहोशूयात लिसः बिल, “परमप्रभु छिकपिनि परमेश्‍वरं थः दास मोशायात थ्‍व देश फुक्‍क छिकपिन्‍त बीगु व थ्‍व देशयापिं फुक्‍क मनूतय्‌त नाश यायेगु उजं बियादीगु खँ जिमित धाःगु दु। छिकपिं खनाः जिपिं तसकं ग्‍यात। उकिं जिमिसं थथे यानागु खः।

यहोशू 9:7

अले इस्राएली मिजंतय्‌सं हिव्‍वीतय्‌त धाल, “छिपिं जिमिगु लिक्‍कसं च्‍वंपिं मनूत जुइफु। छिपिंलिसे जिमिसं गथे यानाः सन्‍धि याये फइ?”

न्‍यायकर्ता 1:24

थुपिं चिवा काःवपिन्‍सं छम्‍ह मनू शहरं पिहां वयाच्‍वंगु खंकाः वयात धाल, “शहरय् गथे दुहां वनेगु जिमित कनाब्‍यु, अले जिमिसं छंगु छुं स्‍यंके मखु।”

न्‍यायकर्ता 1:4

यहूदा कुलयापिं मनूत हमला यायेत वंबलय् परमप्रभुं कनानीत व परिज्‍जीतय्‌त इमिगु ल्‍हातय् बियादिल। इमिसं बेजेकय् झिद्वः मनूत स्‍यात।

न्‍यायकर्ता 2:2

छिमिसं थ्‍व देशयापिं मनूतलिसे बाचा चीमते तर छिमिसं इमिगु वेदीत थुनाब्‍यु।’ अय्‌नं छिमिसं जिगु खँ मन्‍यं। छिमिसं थथे छाय् यानागु?