व्‍यवस्‍था 7:1 - नेवाः बाइबल

¹ छिपिं अधिकार यायेत वनेत्‍यंगु देशय् परमप्रभु छिमि परमेश्‍वरं छिमित हयादीबलय् अले छिपिं स्‍वयाः यक्‍व ल्‍याः दुपिं व बल्‍लाःपिं थुपिं न्‍हय्‌गू जाति हित्ती, गिर्गाशी, एमोरी, कनानी, परिज्‍जी, हिव्‍वी व यबूसीतय्‌त छिमिगु न्‍ह्यःनं वय्‌कलं लिना छ्वयादीबलय्

व्‍यवस्‍था 7:1 ပူးပေါင်းရင်းမြစ်များ

१ राजा 16:31

नबातया काय् यारोबामं याःगु पाप वयागु निंतिं कम खः। वं सीदोनीतय् जुजु एताबालया म्‍ह्याय् ईजेबेलयात ब्‍याहा यात अले बालद्यःयात पुजा यानाः अझ अप्‍वः पाप यात।

१ इतिहास 1:14

यबूसीत, एमोरीत, गिर्गाशीत,

२ इतिहास 8:7

व देशय् इस्राएली मखुपिं छुं मनूत नं च्‍वनाच्‍वंगु जुयाच्‍वन। थुपिं हित्ती, एमोरी, परिज्‍जी, हिव्‍वी व यबूसीत खः।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

नहेम्‍याह 13:23

उबलय् नं यहूदायापिं छुं मनूतय्‌सं अश्‍दोद, अम्‍मोन व मोआबयापिं मिस्‍तलिसे ब्‍याहा याःगु जिं खना।

भजनसंग्रहया सफू 78:55

वय्‌कलं थः मनूत न्‍ह्यांवंलिसे अनयापिं जात जातियापिं मनूतय्‌त ख्‍याना छ्वयादिल। अले इमिगु देश इस्राएलया कुलतय्‌त सर्बयकथं इनाबियादिल। इमिगु छेँनं थः मनूतय्‌त बियादिल।

प्रस्‍थान 15:7

छिगु विरोधय् दनिपिन्‍त थःगु तःधंगु शक्तिं छिं बुकादिल। छिं थःगु तं क्‍यनाः उकिं इमित छ्वख्‍वः थें भस्‍म यानादिल।

प्रस्‍थान 23:28

जिं छिमिगु न्‍ह्यःने आतंक छ्वयाबी। इमिसं हिव्‍वी, कनानी व हित्तीतय्‌त छिमिगु लँपुं याकनं हे लिनाछ्वइ।

प्रस्‍थान 23:32

“छिमिसं इपिं नापं अले इमि द्यःत नापं स्‍वापु तये मते।

प्रस्‍थान 23:33

छिमिगु देशय् इमित च्‍वनेबी मते, मखुसा छिमित जिगु विरोधय् पाप याकेबी। छिमिसं इमि द्यःतय्‌त पुजायात धाःसा छिपिं धात्‍थे हे इमिगु जालय् तक्‍यनी।”

प्रस्‍थान 33:2

जिं छम्‍ह दूतयात छिमिगु न्‍ह्यः न्‍ह्यः छ्वयाबी अले कनानी, एमोरी, हित्ती, परिज्‍जी, हिव्‍वी व यबूसीतय्‌त लिनाछ्वये।

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

लेवी 14:34

“जिं छिमित सम्‍पत्तिकथं बीत्‍यनागु कनान देशय् छिपिं च्‍वंवने धुंकाः अन च्‍वंगु सुयागुं छेँय् जिं खाःचिलुइकाबिल धाःसा

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 14:31

छिमिसं छिमि मस्‍तय्‌त लुतया सामान थें लाकायंकी धकाः धाल, तर जिं इमित उगु देशय् हये अले छिमिसं हेला याःगु देशयात इमिसं म्‍हसी।

प्रेरित 13:19

लिपा परमेश्‍वरं हे कनानय् च्‍वंपिं न्‍हय्‌गू जातियात नाश यानाः इमिगु देश थुमित लःल्‍हानादिल।

व्‍यवस्‍था 11:29

परमप्रभु छिमि परमेश्‍वरं छिपिं दुहां वनीगु देशय् छिमित हयादीबलय् छिमिसं सुवाः धाःसा गीरीज्‍जीम पर्वतं, सराः धाःसा एबाल पर्वतं न्‍यंकि।

व्‍यवस्‍था 20:1

छिपिं थः शत्रुतलिसें लडाइँ याः वनीबलय् छिमि स्‍वयाः अप्‍वः सलत, रथ व सेना खन धाःसा इपिं खनाः ग्‍याये मते! छिमित मिश्रं पित हयादीम्‍ह परमप्रभु छिमि परमेश्‍वर छिपिंनापं दी।

व्‍यवस्‍था 20:16

छिमित परमप्रभु छिमि परमेश्‍वरं सर्बयकथं बियादीगु थुपिं जातिया शहर शहरय् च्‍वनिपिं धाःसा सुं छम्‍हय्‌सित नं म्‍वाकातये मते।

व्‍यवस्‍था 31:20

इमि पुर्खातलिसें बी धकाः पाफयाः बचं बियागु दुरु व कस्‍ति न्‍ह्याइगु देशय् जिं इमित हये। अले अन इपिं प्‍वाः जाय्‌क नयाः ल्‍ह्वनीबलय् इमिसं मेपिं द्यःतय् ल्‍यू वनाः इमित पुजा याइ, अले जितः त्‍वःताः जिगु बाचा त्‍वाथुली।

व्‍यवस्‍था 31:3

परमप्रभु छिमि परमेश्‍वर थः हे छिमिगु न्‍ह्यःने यर्दनया उखे झाइ। वय्‌कलं छिमिगु न्‍ह्यःने इपिं जातितय्‌त नाश यानादी, अले छिमिसं इमिगु देश त्‍याकाकाइ। परमप्रभुं धयादीकथं यहोशू नं छिमिगु न्‍ह्यःने न्‍ह्यःने यर्दन छिनावनी।

व्‍यवस्‍था 4:38

छिमिसं थःपिं स्‍वयाः तःधं व शक्ति दुपिं जातितय्‌गु देशय् दुहां वनाः उकियात अधिकार यायेत वय्‌कलं इमित लिना छ्वयादीगु दु। व थौं तक छिमिगु अधिकारय् दु।

व्‍यवस्‍था 6:1

छिमिसं यर्दन छिनावनाः अधिकार यायेत्‍यंगु देशय् मानय् यायेमाः धकाः छिमित स्‍यनेत परमप्रभु छिमि परमेश्‍वरं जितः धयादीगु आज्ञा, विधि व नियम थुपिं हे खः।

व्‍यवस्‍था 6:10

अले परमप्रभु छिमि परमेश्‍वरं अब्राहाम, इसहाक व याकूब नांयापिं छिमि पुर्खालिसें छिमित बी धकाः पाफयादीगु देशय् हयादीबलय् व छिमिसं मदय्‌कूगु ततःधंगु बाबांलाःगु शहर

व्‍यवस्‍था 6:19

अनंलि परमप्रभुं धयादीगु थें छिमिसं सकल शत्रुतय्‌त थःगु न्‍ह्यःनं लिनाछ्वये फइ।

व्‍यवस्‍था 6:23

झी पुर्खालिसें पाफयाः बी धकाः धयादीगु देशय् हयेत वय्‌कलं झीत अनं पितहयादिल।

व्‍यवस्‍था 9:1

न्‍यँ, हे इस्राएल, छिपिं स्‍वयाः ततःधंगु व बल्‍लाःगु जातित अले ततःजाःगु व आकाश थ्‍यंक पखाः ग्‍वयातःगु ततःधंगु शहर त्‍याका कायेत छिपिं यर्दनया उखे वनेत्‍यंगु दु।

व्‍यवस्‍था 9:3

अय्‌नं थौं छिमिसं थ्‍व खँ बांलाक सीकि, ह्वाना ह्वाना च्‍यानाच्‍वंगु मि थें छिमिगु न्‍ह्यःने न्‍ह्यःने झाइम्‍ह परमप्रभु छिमि परमेश्‍वर हे खः। वय्‌कलं इमित नाश यानादी अले छिमिगु न्‍ह्यःने क्‍वत्‍यलादी। परमप्रभुं छिमित बचं बियादीगु थें छिमिसं इमित लिनाछ्वयाः याकनं हे नाश याइ।

व्‍यवस्‍था 9:4

परमप्रभु छिमि परमेश्‍वरं छिमिगु न्‍ह्यःने इमित पित छ्वयादी धुंकाः छिमिसं थःगु मनय् थथे धाये मते, “झीगु धार्मिकतां यानाः परमप्रभुं थ्‍व देशय् अधिकार यायेत झीत हयादीगु खः।” अथे मखु, इपिं जातितय्‌गु मभिंगु ज्‍यां यानाः परमप्रभुं इमित छिमिगु न्‍ह्यःनं लिनाछ्वयादी।

यहोशू 11:3

पुर्ब व पच्‍छिमयापिं कनानीतय् जुजुपिन्‍त, एमोरीतय्‌त, हित्तीतय्‌त, परिज्‍जीतय्‌त व पहाडी देशय् च्‍वंपिं यबूसीतय्‌त अले मिस्‍पा देशया हेर्मोन पर्वतयागु क्‍वय्‌ पाखेयापिं हिव्‍वीतय्‌त सःतके छ्वल।

यहोशू 24:11

“‘अनंलि छिपिं यर्दन छिनाः यरीहोय् वल। यरीहोयापिं मिजंत छिपिंलिसें ल्‍वात, लिपा एमोरी, परिज्‍जी, कनानी, हित्ती, गिर्गाशी, हिव्‍वी व यबूसीत नं छिपिंनापं ल्‍वात। अय्‌नं जिं इमित छिमिगु ल्‍हातय् बिया।

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।