व्‍यवस्‍था 5:9 - नेवाः बाइबल

⁹ छिमिसं उकियात भागियाये मते, पुजा याये मते। छाय्‌धाःसा जि परमप्रभु छिमि परमेश्‍वर नुगः मुइकीम्‍ह परमेश्‍वर खः। जिं जितः मयय्‌कीम्‍ह मनूया पापया सजाँय वया स्‍वंगू प्‍यंगू पुस्‍ता तकया सन्‍तानयात बी।

व्‍यवस्‍था 5:9 ပူးပေါင်းရင်းမြစ်များ

२ राजा 17:35

परमप्रभुं इस्राएलीतलिसें छगू बाचा चिनाः थज्‍याःगु आज्ञा बियादीगु खः, “छिमिसं मेपिं द्यःतय्‌त पुजा याये मते, इमित भागियाये मते, इमिगु सेवा याये मते अले इमिथाय् बलि छाये मते।

प्रस्‍थान 34:14

छिमिसं मेम्‍ह सुं द्यःयागु पुजा याये मते। परमप्रभुया नां ‘नुगः मुइकादीम्‍ह’ खः। थ्‍व खनाः वय्‌कलं नुगः मुइकादी।

प्रस्‍थान 34:7

वय्‌कः द्वलंद्वःयात माया यानादीम्‍ह, अधर्म, अपराध व पाप क्षमा यानादीम्‍ह खः। अय्‌सां वय्‌कलं द्वंयाःम्‍हय्‌सित सजाँय मब्‍यूसे त्‍वःतादी मखु। वय्‌कः पुर्खाया अधर्मया सजाँय इमि छय् व छुइया पालय् तकं नं बियादीम्‍ह खः।”

यर्मिया 32:18

छिं द्वलंद्वःयात थःगु सदां दया क्‍यनादी। तर छिं मनूतय्‌त इमि मांबौपिनिगु पापया निंतिं सजाँय नं बियादी। हे तःधंम्‍ह व बल्‍लाःम्‍ह परमेश्‍वर, गुम्‍हय्‌सिगु नां दक्‍व शक्ति दुम्‍ह परमप्रभु खः,

गन्‍ती 14:18

‘परमप्रभु तसकं सह याये फुम्‍ह, सदां दयामाया यानादीम्‍ह, अधर्म व अपराध क्षमा यानादीम्‍ह खः। अय्‌नं द्वं याःम्‍हसित वय्‌कलं क्षमा यानादी मखु, अले पुर्खातय्‌सं याःगु अधर्मया सजाँय वया स्‍वंगू प्‍यंगू पुस्‍तायात तकं बियादीम्‍ह खः।’

व्‍यवस्‍था 4:16

छिपिं मस्‍यनेमा धकाः, छिमिसं थःपिनि लागिं मिजंया जुइमा वा मिसाया जुइमा,

व्‍यवस्‍था 4:24

परमप्रभु छिमि परमेश्‍वर भस्‍म याइगु मि व नुगः मुइकादीम्‍ह परमेश्‍वर खः।

व्‍यवस्‍था 6:15

छाय्‌धाःसा छिमिगु दथुइ च्‍वनादीम्‍ह परमप्रभु छिमि परमेश्‍वर नुगः मुइकादीम्‍ह परमेश्‍वर खः। अथे मयात धाःसा परमप्रभु छिमि परमेश्‍वरयागु तं छिमित लाइ, अले वय्‌कलं छिमित पृथ्‍वीं नाश यानादी।

व्‍यवस्‍था 7:10

अय्‌नं वय्‌कःयात मयय्‌कीपिन्‍त वय्‌कलं हे नाश यानादी। इमित पलेसा कायेत नं लिबाकादी मखु।