व्‍यवस्‍था 5:4 - नेवाः बाइबल

⁴ परमप्रभुं मिया दथुं छिपिंलिसें पर्वतय् चुलिंचू च्‍वनाः खँ ल्‍हानादिल।

व्‍यवस्‍था 5:4 ပူးပေါင်းရင်းမြစ်များ

प्रस्‍थान 19:9

परमप्रभुं वयात धयादिल, “स्‍व, जिं छनापं खँ ल्‍हाइबलय् मनूतय्‌सं तायेमा अले छन्‍त न्‍ह्याबलें पत्‍याः यायेमा धकाः जि छन्‍थाय् ख्‍वातुगु सुपाँचय् वये।” अले मनूतय्‌सं धाःगु खँ मोशां परमप्रभुयात कन।

प्रस्‍थान 20:1

अले परमेश्‍वरं थ्‍व फुक्‍कं खँ धयादिल,

प्रस्‍थान 33:11

परमप्रभु मोशालिसे थुकथं चुलिंचू थः पासापिंनापं थें खँ ल्‍हानादीगु जुयाच्‍वन। मोशा हाकनं छाउनीइ लिहांवनी। वयात ग्‍वाहालि याइम्‍ह ल्‍याय्‌म्‍ह नूनया काय् यहोशू धाःसा पालय् च्‍वनाच्‍वनी।

गन्‍ती 12:8

वलिसे जिं चुलिंचू च्‍वनाः खँ ल्‍हाये, मथुइक मखु, ध्‍वाथुइक वं परमप्रभुयागु रूप खनी। छिपिं छाय् जिमि दास मोशायात कुंखिना जुइत मग्‍यानागु?”

गन्‍ती 14:14

अले इमिसं थ्‍व देशयापिं मनूतय्‌त थ्‍व खँ कनाबी। इमिसं छि परमप्रभु इमिथाय् चुलिंचू खनेदइगु, छिगु सुपाँय् इमिगु च्‍वय् दिनाच्‍वनीगु, छिं थुमित न्‍हिनय् न्‍हिनय् सुपाँया थां जुयाः लँ क्‍यनादीगु अले बहनी बहनी च्‍यानाच्‍वंगु मि जुयाः लँ क्‍यनादीगु धकाः नं स्‍यू।

व्‍यवस्‍था 34:10

उबलय् निसें इस्राएलय् मोशा थें जाःम्‍ह परमप्रभुं बांलाक म्‍हस्‍यूम्‍ह मेम्‍ह सुं अगमवक्ता मदुनि।

व्‍यवस्‍था 4:12

अले मिया दथुं परमप्रभु छिपिंनापं खँ ल्‍हानादिल। उबलय् छिमिसं वय्‌कःया सः जक ताल। वय्‌कःयात धाःसा मखं।

व्‍यवस्‍था 4:15

होरेबय् परमप्रभु छिपिंलिसें मिया दथुं खँ ल्‍हानादीबलय् छिमिसं वय्‌कःयागु छुं नं रूप मखं। अथे जुयाः होश या,

व्‍यवस्‍था 4:33

परमेश्‍वर मिया दथुं न्‍ववानादीगु छिमिसं थें मेगु जातिं न्‍यनाः नं म्‍वानाच्‍वंपिं छिपिं थें ज्‍याःपिं सुं मनूत दु ला?

व्‍यवस्‍था 4:36

छिपिं खःकथं जुइमा धकाः वय्‌कलं आकाशं थःगु सः न्‍यंकादिल, अले पृथ्‍वीइ थःगु तःधंगु मि छिमित क्‍यनादिल। छिमिसं मिं वय्‌कःया सः न्‍यन।

व्‍यवस्‍था 5:22

थुपिं वचन परमप्रभुं पर्वतय् मि व खिउँगु हाकुगु सुपाँय्‌या दथुं छिमि फुक्‍क खलःयात तस्‍सलं धयादिल। वय्‌कलं मेगु छुं धयामदी। अले उपिं आज्ञा निपाः ल्‍वहं पौलय् च्‍वयाः जितः बियादिल।