व्‍यवस्‍था 4:4 - नेवाः बाइबल

⁴ अय्‌नं परमप्रभु छिमि परमेश्‍वरनापं च्‍वनाच्‍वंपिं सकलें थौंतक म्‍वानाच्‍वंगु दु।

व्‍यवस्‍था 4:4 ပူးပေါင်းရင်းမြစ်များ

भजनसंग्रहया सफू 63:8

जिगु आत्‍मा छिलिसे प्‍यपुनाच्‍वंगु दु। छिगु जव ल्‍हातिं जितः तिबः बियाच्‍वंगु दु।

यशैया 26:20

हे जिमि प्रजा, थथःगु छेँ हुँ, अले छेँ दुहां वनाः लुखा तिनाब्‍यु। परमेश्‍वरया तं क्‍वमलाःतले छुं ईया निंतिं सुपिलाच्‍वँ।

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

व्‍यवस्‍था 10:20

थः परमप्रभु परमेश्‍वरया ग्‍याःभय का अले वय्‌कःया सेवा या। वय्‌कः नाप नापं जु, अले वय्‌कःया नामय् जक पाफयेगु या।

व्‍यवस्‍था 13:4

छिपिं परमप्रभु छिमि परमेश्‍वरयागु जक ल्‍यूल्‍यू वनेमाः। वय्‌कःया भय कायेमाः। वय्‌कःया खँ न्‍यँ, वय्‌कःया आज्ञा मानय् या, वय्‌कःयात सेवा या, अले वय्‌कःयात त्‍वःते मते।

व्‍यवस्‍था 30:20

अथे जुयाः परमप्रभु छिमि परमेश्‍वरयात माया या, अले वय्‌कःया खँ न्‍यँ। वय्‌कः नापं प्‍यपुनाच्‍वँ छाय्‌धाःसा वय्‌कः हे छिमिगु जीवन खः। अले थथे यात धाःसा परमप्रभुं छिमि पुर्खा अब्राहाम, इसहाक व याकूबलिसें बी धकाः पाफयादीगु देशय् वय्‌कलं छिमित ताः आयु बियादी।

व्‍यवस्‍था 4:3

बाल-पोरय् परमप्रभुं छु यानादिल व छिमिसं थःगु हे मिखां खंगु दु। पोरया बालद्यःया ल्‍यू जूपिं सकलें मनूतय्‌त परमप्रभु परमेश्‍वरं छिमिगु दथुं नाश यानादिल।

व्‍यवस्‍था 4:5

स्‍व! परमप्रभु जिमि परमेश्‍वरं जितः आज्ञा बियादीगु थें, छिमिसं अधिकार याइगु देशय् थुपिं फुक्‍क मानय् यायेत जिं छिमित थुपिं विधि व नियम स्‍यनागु दु।

यहोशू 22:5

परमप्रभु छिमि परमेश्‍वरयात माया या, वय्‌कःया लँपुइ हुँ, उकियात गुबलें त्‍वःते मते, वय्‌कःया खँ न्‍यँ। दुनुगलंनिसें व बलं फत्तले वय्‌कःया सेवा या धकाः परमप्रभुया दास मोशां छिमित ब्‍यूगु आज्ञा व व्‍यवस्‍था बांलाक मानय् या।”

यहोशू 23:8

तर छिमिसं थौं तक याःथें परमप्रभु छिमि परमेश्‍वरनापं जुयाच्‍वँ।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।

प्रकाश 20:4

अले जिं यक्‍व सिंहासन व उकी न्‍याय यायेगु अधिकार दुपिं फ्‍यतुनाच्‍वंगु खना। येशूयागु साक्षीया निंतिं, परमेश्‍वरयागु वचनया निंतिं छ्यं ध्‍यंकूपिं नं जिं खना। इमिसं व पशुयात व पशुयागु मूर्तियात पुजा मयाः, अले कपालय् नं, ल्‍हातिइ नं पशुयागु चिं तया मतः। इमिसं म्‍वाना वयाः ख्रीष्‍टनापं द्वःछि दँ तक राज्‍य यात।