व्‍यवस्‍था 4:2 - नेवाः बाइबल

² जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

व्‍यवस्‍था 4:2 ပူးပေါင်းရင်းမြစ်များ

भजनसंग्रहया सफू 78:7

थुकथं इपिं सकसिनं परमेश्‍वरयाके विश्‍वास याये फइ, अले वय्‌कलं यानादीगु ज्‍याखँ ल्‍वःमंकी मखु। बरु सदां वय्‌कःयागु उजं न्‍यनी।

हितोपदेश 30:6

वय्‌कःया वचनय् छुं हे तने मते। मखुसा वय्‌कलं छन्‍त ब्‍वःबी, अले छन्‍त फताहा धकाः क्‍वःछिनादी।

उपदेशक 12:13

फुक्‍क खँ न्‍यने धुंकल। खँया लिच्‍वः थ्‍व हे खः, परमेश्‍वरया भय का, अले वय्‌कःया आज्ञायात मानय् या, छाय्‌धाःसा मनूतय्‌सं यायेमाःगु ज्‍या थ्‍व हे खः।

यर्मिया 26:2

“परमप्रभुं थथे धयादी – परमप्रभुया देगःया चुकय् दँ, अले परमप्रभुया देगलय् आराधना यायेत वःपिं यहूदाया शहर शहरयापिं फुक्‍कं मनूतय्‌त जिं छन्‍त इमित धाः धकाः आज्ञा बियागु फुक्‍क खँ धा, छता खँ नं त्‍वःफिके मते।

मत्ती 5:18

जिं छिमित धात्‍थें धाये – आकाश व पृथ्‍वी दतले व्‍यवस्‍थाय् च्‍वयातःगु चिकिचाधंगु छगू नं सितिं वनी मखु, बरु अथे च्‍वयातःगु छकुचा दतले पूवनी।

मत्ती 5:43

“थथे धयातःगु नं छिमिसं न्‍यनातःगु दु – ‘जःलाखःलायात माया या, शत्रुयात हेला या।’

गलाती 3:15

यःपिं दाजुकिजापिं, मनूतय्‌गु हे दसु काये – निम्‍ह मिलय् जुयाः च्‍वयातःगु भ्‍वंयात सुनानं स्‍यंके फइ मखु, अले हानं उकी छुं तने नं फइ मखु।

व्‍यवस्‍था 1:3

इमिसं मिश्र त्‍वःतूगु पिइगूगु दँया झिंछगूगु लाया न्‍हापांगु दिनय् मोशां परमप्रभुं इस्राएलीतय्‌त धा धकाः धयादीगु फुक्‍क आज्ञा इमित धाल।

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

व्‍यवस्‍था 13:1

छिमिगु दथुइ सुं अगमवक्ता वा म्‍हगसय् म्‍हनीम्‍ह मनू वयाः छिमित छुं चिं वा अजू चाइपुगु ज्‍या जुइगु खँ कन धाःसा

व्‍यवस्‍था 33:4

थ्‍व मोशां झीत ब्‍यूगु नियम खः, झीगु जातिया दकलय् मू वंगु सम्‍पत्ति।

व्‍यवस्‍था 4:14

उबलय् परमप्रभुं जितः छिमिसं यर्दन छिनावनाः अधिकार यायेगु देशय् थ्‍यंकाः मानय् यायेत विधि व नियम स्‍यँ धकाः धयादिल।

व्‍यवस्‍था 4:40

थौं जिं छिमित बीत्‍यनागु वय्‌कःया विधि व आज्ञा मानय् या, गुकिं यानाः छिमिगु व छिमि सन्‍तानतय्‌गु भिं जुइमा, अले परमप्रभु छिमि परमेश्‍वरं छिमित न्‍ह्याबलेंया निंतिं बियादीगु देशय् छिपिं ताःई तक म्‍वानाच्‍वनेमा।

व्‍यवस्‍था 4:5

स्‍व! परमप्रभु जिमि परमेश्‍वरं जितः आज्ञा बियादीगु थें, छिमिसं अधिकार याइगु देशय् थुपिं फुक्‍क मानय् यायेत जिं छिमित थुपिं विधि व नियम स्‍यनागु दु।

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।

व्‍यवस्‍था 5:32

अथे जुयाः परमप्रभु छिमि परमेश्‍वरया आज्ञाकथं जुइत लुमंका ति। छिपिं जव खवं गन नं वने मते।

यहोशू 1:7

“बल्‍ला व तसकं साहसी जु! जिम्‍ह दास मोशां छन्‍त ब्‍यूगु फुक्‍क व्‍यवस्‍था बांलाक मानय् या। उकिं जवय् खवय् फस्‍वये मते! अले छ न्‍ह्याथाय् वंसां अन ताःलाइ।

यहोशू 8:35

मोशां उजं ब्‍यूगु फुक्‍क खँ छगू नं मत्‍वतुसें मिस्‍त, काय्‌म्‍ह्याय्‌पिं, इपिंलिसें च्‍वनिपिं परदेशीत व इस्राएलयापिं फुक्‍क खलःयात यहोशूं ब्‍वना न्‍यंकल।