व्‍यवस्‍था 3:2 - नेवाः बाइबल

² परमप्रभुं जितः धयादिल, “व खनाः ग्‍याये मते, छाय्‌धाःसा वयात, वया फुक्‍क सेना व देशनापं छिमिगु ल्‍हातय् बियागु दु। छिमिसं हेश्‍बोनय् राज्‍य याइम्‍ह एमोरीतय् जुजु सीहोनयात गथे यानागु खः वयात नं अथे हे या।”

व्‍यवस्‍था 3:2 ပူးပေါင်းရင်းမြစ်များ

२ इतिहास 20:17

थ्‍व लडाइँ छिमिसं ल्‍वायेमाली मखु। थथःगु थासय् धिसिं लाःक्‍क दनाच्‍वँ। परमप्रभुं छिमित बचय् यानादीगु छिमिसं खनी, हे यहूदा व यरूशलेम। ग्‍याये मते, नुगः क्‍वतुंके मते। कन्‍हय् इपिंलिसें ल्‍वायेत हुँ। परमप्रभु छिपिंनापं दइ।’”

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

गन्‍ती 14:9

उकिं छिपिं परमप्रभुया विरोधय् विद्रोह याये मते! अन च्‍वंपिं मनूतलिसे ग्‍याये मते, छाय्‌धाःसा इपिं झीगु शिकार खः। परमप्रभु झीपिं नाप दु, इमिके आः हाःनाः मदये धुंकल। इपिं खनाः ग्‍याये मते।”

गन्‍ती 21:34

अले परमप्रभुं मोशायात धयादिल, “व खनाः ग्‍याये मते, छाय्‌धाःसा जिं वया फुक्‍क सेना व देशनापं छंगु ल्‍हातय् तयाबियागु दु। अले छं एमोरीतय् जुजु हेश्‍बोनय् च्‍वंम्‍ह सीहोनयात गथे यानागु खः वयात नं अथे हे या।”

प्रेरित 18:9

छन्‍हु चान्‍हय् दर्शन बियाः प्रभुं पावलयात थथे धयादिल – “ग्‍याये म्‍वाः, मग्‍यासे नवाना च्‍वँ, सुम्‍क च्‍वने मते।

प्रेरित 27:24

‘ग्‍याये मते पावल, छ कैसरया न्‍ह्यःने वने हे माः। अय्‌जूगुलिं परमेश्‍वरं छ नाप दुपिं सकसितं बचय् यानादी।’

व्‍यवस्‍था 20:3

“हे इस्राएलीत न्‍यँ, छिपिं लडाइँलय् वनेत्‍यंगु दु। अथे जुयाः छिमिसं थःगु नुगः क्‍वतुंके मते, ग्‍याये मते, थुरथुर खाये मते अले इमिगु न्‍ह्यःने भ्‍वय्‌भ्‍वय् कने मते।

व्‍यवस्‍था 3:1

अनंलि झीपिं फहिलाः बाशानपाखे वना। एद्रईलय् बाशानया जुजु ओग व वया सेना झीपिंलिसें ल्‍वायेत वल।

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

व्‍यवस्‍था 3:3

थुकथं परमप्रभु झी परमेश्‍वरं बाशानया जुजु ओग व वया फुक्‍क सेनायात झीगु ल्‍हातय् बियादिल। झीसं छम्‍हय्‌सित नं मत्‍वःतुसें सकसितं स्‍यानाबिया।

यहोशू 10:8

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।