व्‍यवस्‍था 3:1 - नेवाः बाइबल

¹ अनंलि झीपिं फहिलाः बाशानपाखे वना। एद्रईलय् बाशानया जुजु ओग व वया सेना झीपिंलिसें ल्‍वायेत वल।

व्‍यवस्‍था 3:1 ပူးပေါင်းရင်းမြစ်များ

१ राजा 4:19

गिलादय् – ऊरीया काय् गेबेर (एमोरीतय् जुजु सीहोन व बाशानया जुजु ओगया देश)। व उगु जिल्‍लायाम्‍ह छम्‍ह हे जक बडा-हाकिम खः।

नहेम्‍याह 9:22

“छिं राज्‍यत व जातित बियाः तातापाःगु थाय् नं इनाबियादिल। सीहोन जुजुया देश हेश्‍बोन व ओग जुजुयागु देश बाशान इमिसं त्‍याका काल।

भजनसंग्रहया सफू 136:20

बाशानयाम्‍ह जुजु ओगयात स्‍यानादिल, वय्‌कःया दया माया सदां दयाच्‍वनी।

व्‍यवस्‍था 1:4

वं हेश्‍बोनय् राज्‍य याइम्‍ह एमोरीतय् जुजु सीहोन अले अस्‍तारोत व एद्रईलय् राज्‍य याइम्‍ह बाशानया जुजु ओगयात बूकेधुंकाः थ्‍व जूगु खः।

व्‍यवस्‍था 2:32

सीहोनं थः सकलें सेना ज्‍वनाः जिपिंलिसें ल्‍वायेत यहसाय् वःबलय्

व्‍यवस्‍था 29:7

छिपिं थन थ्‍यंबलय् हेश्‍बोनया जुजु सीहोन व बाशानया जुजु ओग झीनापं ल्‍वायेत पिहां वल तर झीसं इमित त्‍याका।

व्‍यवस्‍था 3:2

परमप्रभुं जितः धयादिल, “व खनाः ग्‍याये मते, छाय्‌धाःसा वयात, वया फुक्‍क सेना व देशनापं छिमिगु ल्‍हातय् बियागु दु। छिमिसं हेश्‍बोनय् राज्‍य याइम्‍ह एमोरीतय् जुजु सीहोनयात गथे यानागु खः वयात नं अथे हे या।”

व्‍यवस्‍था 31:4

एमोरीतय् जुजुत सीहोन व ओग अले इमिगु देशयात नाश यानादीगु थें परमप्रभुं इमित नं नाश यानादी।

व्‍यवस्‍था 4:47

इमिसं वया देशयात त्‍याका काल अले बाशानया जुजु ओगया देशयात त्‍याका काल। थुपिं निम्‍ह एमोरी जुजुपिं यर्दनया पुर्बपाखे च्‍वनिपिं खः।

यहोशू 12:1

यर्दनया पुर्बय् दच्‍छिनय् अर्नोन खुसिंनिसें उत्तरय् हेर्मोन पर्वत तक अर्थात अराबया पुर्ब पाखेया फुक्‍क लागा इस्राएलीतय्‌सं त्‍याकाकाःगु खः। इस्राएलीतय्‌सं त्‍याकाकाःगु व लागायापिं निम्‍ह जुजुपिं थुपिं खः –

यहोशू 12:4

मेम्‍ह अस्‍तारोत व एद्रईलय् राज्‍य यानाच्‍वम्‍ह बाशानया जुजु ओग। व रपाइँ धाःगु ततःधिकःपिं मनूतय् पुचःयाम्‍ह लिपांम्‍ह मनू खः।

यहोशू 13:30

इमिगु सिमाना थथे दु – महनोमंनिसें बाशान तक, बाशानया जुजु ओगं न्‍हापा राज्‍य याःगु फुक्‍क देश, बाशानय् दुगु फुक्‍क याईरया बस्‍ती व खुइगू शहर,

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।