व्‍यवस्‍था 27:7 - नेवाः बाइबल

⁷ छिमिसं मेलबलि छायाः अन हे न, अले परमप्रभु छिमि परमेश्‍वरया न्‍ह्यःने लसता हँ।

व्‍यवस्‍था 27:7 ပူးပေါင်းရင်းမြစ်များ

नहेम्‍याह 8:10

नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।

रोमी 5:10

झीपिं परमेश्‍वरया शत्रु जूबलय् हे वय्‌कःया काय् झीगु पलेसाय् सिनाः झीत वय्‌कः नाप मिलय् यानादिल धाःसा वय्‌कलं हे झीत गुलि जक अप्‍वः बचय् याना तइगु जुइ।

व्‍यवस्‍था 12:12

अन हे छिमि काय् म्‍ह्याय्‌पिन्‍सं, च्‍यःभ्‍वातिंत व छिमि शहरय् च्‍वनाच्‍वंपिं थःगु ब्‍व व सर्बय मदुपिं लेवीया सन्‍तानतय्‌सं परमप्रभु छिमि परमेश्‍वरयागु न्‍ह्यःने लसता हँ।

व्‍यवस्‍था 12:7

अले अन हे छिमिसं व छिमि छेँजःपिन्‍सं परमप्रभु छिमि परमेश्‍वरया न्‍ह्यःने नयेत्‍वनेगु याइ। छिमिसं यायेगु फुक्‍क ज्‍याय् लसता हनी, छाय्‌धाःसा परमप्रभु छिमि परमेश्‍वरं छिमित सुवाः बियादीगु दु।

व्‍यवस्‍था 16:11

परमप्रभु छिमि परमेश्‍वरं थःगु नांया लागिं च्‍वनेगु ल्‍ययादीगु थासय् छिपिं, छिमि काय्‌म्‍ह्याय्‌पिं, दास दासी, शहरय् च्‍वंपिं लेवीया सन्‍तानत, परदेशीत, मांबौ मदुपिं मस्‍त व भाःत सी धुंकूपिं मिस्‍त, फुक्‍कसिनं थः परमेश्‍वरया न्‍ह्यःने लसता हँ।

व्‍यवस्‍था 16:14

छिपिं, छिमि काय्‌म्‍ह्याय्‌पिं, दास दासी अले छिमिगु शहरय् च्‍वनिपिं लेवीया सन्‍तानत, परदेशीत, मांबौ मदुपिं मस्‍त व भाःत सी धुंकूपिं मिस्‍त फुक्‍कसिनं नखःबलय् लसता हँ।

व्‍यवस्‍था 27:6

छिमिसं बँय्‌यागु ल्‍वहँतं परमप्रभु थः परमेश्‍वरयागु वेदी दय्‌कि, अले अन परमप्रभु थः परमेश्‍वरयागु निंतिं होमबलि छा।

व्‍यवस्‍था 27:8

छिमिसं थनागु उपिं ल्‍वहँतय् थ्‍व नियमया फुक्‍क आज्ञा बांलाक च्‍व।”

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

कलस्‍सी 1:20

परमेश्‍वरं सृष्‍टि यानातःगु स्‍वर्ग व पृथ्‍वीइ च्‍वंगु फुक्‍कं वय्‌कःया काय्‌नं क्रूसय् हाय्‌कूगु हिं थःलिसे मिलय् यानादिल।