व्‍यवस्‍था 27:18 - नेवाः बाइबल

¹⁸ “कांयात मखुगु लँ क्‍यनाबीम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 27:18 ပူးပေါင်းရင်းမြစ်များ

उत्‍पत्ति 27:12

छुं जुयाः बाःनं जितः थियास्‍वल धाःसा जिं वय्‌कःयात झंगःलाःगु थें जुइ। अले जितः आशिषया थासय् सराः बियादी।”

अय्‍यूब 29:15

कांया लागि जि मिखा जुया, अले लंगराया लागि तुति।

हितोपदेश 28:10

भिंपिं मनूतय्‌त मभिंगु लँय् यंकीपिं मनूत थःम्‍हं म्‍हूगु गालय् थः हे लाइ। तर भिंपिं मनूतय्‌त सिरपाः दइ।

यशैया 56:10

इस्राएलया फुक्‍क पिवाःत कांपिं खः। इपिं फुक्‍कं ज्ञां मदुपिं खः। इपिं उइ मफुपिं खाखः खिचात थें खः। इपिं ग्‍वारातुली अले म्‍हगस खनी। इपिं द्येने जक मास्‍तिवय्‌काच्‍वनी।

लेवी 19:14

“‘न्‍हाय्‌पं ख्‍वाँय्‌यात क्‍वह्यंके मते। कांया न्‍ह्यःने लुफिं हाइगु वस्‍तु तये मते। तर छिमिसं परमेश्‍वरया भय कायेमाः। जि परमप्रभु छिमि परमेश्‍वर खः।

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

व्‍यवस्‍था 27:19

“परदेशी, मांबौ मदुम्‍ह व भाःत सी धुंकूम्‍हय्‌सित बीमाःगु न्‍याय स्‍यंकूम्‍ह मनूयात सराः लायेमाः।” अले फुक्‍कसिनं “आमेन” धायेमाः।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।