व्‍यवस्‍था 22:9 - नेवाः बाइबल

⁹ दाखक्‍यबय् निगू किसिमयागु पुसा पी मते। अथे याःसा छिमिसं प्‍यूगु दाखया पुसा जक मखु सःगु दाखनापं अशुद्ध जुइ।

व्‍यवस्‍था 22:9 ပူးပေါင်းရင်းမြစ်များ

लेवी 19:19

“‘छिमिसं जिगु नियम मानय् यायेमाः। “‘अले निगू जातियापिं पशुत छथाय् हयाः ज्‍वःचिंके मते। “‘छगू हे बुँइ निथी किसिमयागु पुसा ह्वले मते। “‘छिमिसं निगू किसिमयागु सुका दुगु वसः पुने मते।

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

मत्ती 9:16

“पुलांगु वसतय् सुनानं न्‍हूगु कापतं पर्की मखु, छाय्‌धाःसा पुलांगु वसतय् न्‍हूगु कापतं पर्कल कि झन जक बांमलाक तःकू जुइक गुनावनी।

रोमी 11:6

थथे दया मायां जूगु खः, ज्‍यां मखु, मखुसा दया माया दया माया हे जुइ मखु।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 11:3

तर जि सर्पं हव्‍वायात छलय् याः थें छिमित नं ख्रीष्‍टयागु सेवा व च्‍वखगु भक्तिपाखें तापाकी धकाः ग्‍यानाच्‍वनागु दु।

व्‍यवस्‍था 22:8

न्‍हूगु छेँ दय्‌कीबलय् कःसिइ प्‍यखेरं पखाः ग्‍व, अले अनं सुं मनू कुतुं वंसा मनू सीगु दोष छिमिगु छेँयात लाइ मखु।

याकूब 3:10

व हे छप्‍वाः म्‍हुतुं सुवाः नं बीगु, अले सराः नं बीगु याइ। यःपिं दाजुकिजापिं, थथे छता याये मते।