व्‍यवस्‍था 22:1 - नेवाः बाइबल

¹ थः इस्राएली जःलाखःलाया द्वहं वा फै मखुगु लँय् वनाच्‍वंगु खनाः नं मखं पहः याये मते। वयात थः इस्राएली जःलाखःलायाथाय् लित यंकाब्‍यु।

व्‍यवस्‍था 22:1 ပူးပေါင်းရင်းမြစ်များ

हितोपदेश 24:11

अन्‍याय यानाः स्‍यायेत्‍यंपिन्‍त बचय् या! इमित त्‍वःतकेत लिज्‍याये मते।

हितोपदेश 27:10

थः पासा व थः बौया पासायात त्‍वःते मते। थःत दुःख जुइबलय् थः दाजुकिजायाथाय् ग्‍वाहालि फ्‍वंवने मते। तापाःपिं दाजुकिजां स्‍वयाः सत्तीक च्‍वंपिं जःलाखःलां हे ग्‍वाहालि याइ।

हितोपदेश 28:27

मगाःमचाःपिन्‍त ब्‍यु, छिमित गुबलें मगाःमचाः जुइ मखु। सुनां इमिगु च्‍यूताः तइ मखु, इमित सकसिनं सराः बी।

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

इजकिएल 34:4

छिमिसं बमलाःपिन्‍त बल्‍लाकूगु मदु, बिरामीतय्‌त लाय्‌कूगु मदु, घाःपाः जूपिन्‍त मलम बुलाः पट्टी तयाब्‍यूगु मदु। छिमिसं लँ द्वंकुपिन्‍त खःगु लँय् हःगु मदु, तनाच्‍वंपिन्‍त माःगु मदु। छिमिसं इमित बल व जबरजस्‍तिं शासन याःगु दु।

लेवी 20:4

वं थः मचा मोलोखयात छाःबलय् खलःयाम्‍ह सुनानं मखंछु यानाः व मनूयात मस्‍यात धाःसा

लेवी 6:3

सुयागुं तंगु वस्‍तु लुइकाः उकिया बारे मखुगु खँ ल्‍हानाः, मखुगु पाः फयाः परमप्रभुया विरोधय् पापयात धाःसा

जकरिया 7:9

“दक्‍व शक्ति दुम्‍ह परमप्रभुं थथे धयादी, ‘खःगु न्‍याय या, थवंथवय् दयामाया व माया क्‍यँ।

मत्ती 10:6

बरु इस्राएलय् च्‍वंपिं जवाः मदुपिं फैचात थें जुया च्‍वंपिन्‍थाय् वनाः

मत्ती 15:24

वय्‌कलं धयादिल – “जितः ला झी इस्राएलयापिं तंपिं फैचात मालेत जक छ्वयाहयादीगु खः।”

१ कोरिन्‍थी 9:9

“अन्‍न दाइबलय् द्वहंया त्‍वाथय् पिचा तयाबी मते” धकाः मोशां च्‍वया थकूगु दु। द्वहं थें ज्‍याःम्‍हय्‌सित ला परमेश्‍वरं थुकथं स्‍वयादी धाःसा झीत जक स्‍वयामदी ला?

व्‍यवस्‍था 22:2

अय्‌नं व इस्राएली जःलाखःला छिमिगु सतिक च्‍वनीम्‍ह मखुसा वा छं पशुया थुवाःयात म्‍हमस्‍यूसा वया पशुयात व माः मवतले थःगु छेँय् तयाति। अनंलि वयात लितब्‍यु।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।