व्‍यवस्‍था 2:9 - नेवाः बाइबल

⁹ अले परमप्रभुं जितः धयादिल, “मोआबीतय्‌त दुःख बी मते, इमित ल्‍वायेत ग्‍वाके नं मते। जिं इमिगु देशया छुं नं अंश छिमित बी मखु, छाय्‌धाःसा जिं आरया फुक्‍क लागा लोतया सन्‍तानतय्‌गु अधिकारय् बियागु दु।”

व्‍यवस्‍था 2:9 ပူးပေါင်းရင်းမြစ်များ

२ इतिहास 20:10

“मिश्र देशं वःबलय् छिं इस्राएलीतय्‌त अम्‍मोनी, मोआबी व सेइर पर्वतयापिं मनूतय्‌गु देशय् दुहां वने मब्‍यू, इस्राएलीतय्‌सं इमित नाश मयासें अथें त्‍वःताबिल। आः ला थुपिं देशयापिं जिमित हमला यायेत वःगु दु।

भजनसंग्रहया सफू 83:8

लोतया सन्‍तानतय्‌त ग्‍वाहालि बीत थुपिंनापं अश्‍शूर नं मिले जूगु दु। सेला

यशैया 15:1

मोआबया बारे अगमवाणी– छगू हे चान्‍हय् मोआबया आर शहरयात बरबाद व नाश यानाबिल। छगू हे चान्‍हय् मोआबया कीर शहर बरबाद व नाश जुल।

गन्‍ती 21:15

अले तःगाःयागु पाचा, गुगु आर नांयागु शहरपाखे जुयाः मोआबयागु सिमानाय् तक वंगु दु।”

गन्‍ती 21:28

हेश्‍बोनं मि पिहां वल, सीहोनयागु शहरं छगू मिप्‍वाःला पिहां वल। उकिं मोआब देशयागु आर शहरयात अर्नोन खुसि च्‍वय्‌या ततःजाःगु थासय्‌यापिन्‍त भस्‍म यात।

गन्‍ती 22:4

मोआबीतय्‌सं मिद्यानया थकालितय्‌त धाल, “थ्‍व हुलं झीगु प्‍यखेरं च्‍वंपिं फुक्‍क मनूतय्‌त द्वहं नं ख्‍यलय् च्‍वंगु वाउँगु घाँय् क्‍वाप्‍प नःगु थें क्‍वाप्‍प नयाबी।” उबलय् सिप्‍पोरया काय् बालाक मोआबया जुजु खः।

व्‍यवस्‍था 2:29

सेइरय् च्‍वनिपिं एसावया सन्‍तान व आरय् च्‍वनिपिं मोआबीतय्‌सं याःगु थें छिं जिमित यानादिसँ। थुकथं जिपिं यर्दन खुसि छिनाः परमप्रभु जिमि परमेश्‍वरं बियादीगु देशय् थ्‍यंकः वने।”

व्‍यवस्‍था 2:5

इमित ल्‍वायेत ग्‍वाके मते, छाय्‌धाःसा जिं छिमित इमिगु देशय् पला तयेगु तक नं थाय् बी मखु। सेइरया पर्वत देश जिं एसावया सन्‍तानया अधिकारय् बियागु दु।

न्‍यायकर्ता 11:15

“यिप्‍तां थथे धयादी, इस्राएलीतय्‌सं मोआबीतय्‌गु देश काःगु मदु, अले अम्‍मोनीतय्‌गु देश नं काःगु मदु।

न्‍यायकर्ता 11:17

इमिसं वयागु देश जुयाः वनेब्‍यु धकाः इनाप यायेत एदोमया जुजुयाथाय् दूतत छ्वल। तर व मानय् मजू। थुकथं मोआबया जुजुयाथाय् नं दूतत छ्वल तर व नं मानय् मजुल। उकिं इस्राएल कादेशय् हे च्‍वन।”

न्‍यायकर्ता 11:18

“अनं लिपा इपिं मरुभूमि जुयाः वन अले एदोम व मोआबया सिथं सिथं जुयाः मोआबया पुर्ब वनाः अर्नोनया मेखेपाखे छाउनी तल। अर्नोन खुसि मोआबया सिमाना जूगुलिं इपिं मोआब देशय्‌ दुहां मवं।”