व्‍यवस्‍था 2:8 - नेवाः बाइबल

⁸ अथे जुयाः सेइरय् च्‍वनिपिं एसावया सन्‍तान, झी दाजुकिजापिनिपाखें फःहिलाः झीपिं न्‍ह्यज्‍यानावना। एलात व एस्‍योन-गेबेरं वइगु अराबाया लँपु मवंसें झीपिं चाःहिलाः मोआबया मरुभूमिया लँपुइ वना।

व्‍यवस्‍था 2:8 ပူးပေါင်းရင်းမြစ်များ

उत्‍पत्ति 25:23

परमप्रभुं वयात लिसः बियादिल, “छंगु प्‍वाथय् निगू जाति दु। इपिं बूसांनिसें हे अलग जुयाः बुइ। चीधीम्‍ह तःधीम्‍ह स्‍वयाः बल्‍लाइ। तःधीम्‍हय्‌स्‍यां चीधीम्‍हय्‌सिगु सेवा याइ।”

१ राजा 9:26

जुजु सोलोमनं लाल समुद्रया सिथय् दुगु एदोमया एलात लिक्‍कया एस्‍योन-गेबेरय् जहाजत नं दय्‌कल।

२ राजा 14:22

अमस्‍याह पुर्खात थें सीधुंकाः वं एलात शहरयात हाकनं दय्‌काः यहूदाय् लितहल।

२ राजा 16:6

अबलय् अरामयाम्‍ह जुजु रसीनं अरामया निंतिं एलात हाकनं त्‍याका काल। वं एलातय् च्‍वंपिं फुक्‍क यहूदायापिं मनूतय्‌त पितिनाछ्वल। अले एदोमीत एलातय् च्‍वंवन। इपिं थौं तक नं अन च्‍वनाच्‍वंगु दु।

गन्‍ती 21:4

इपिं एदोम देशं पिने पिने चाहिला वनेत होर पर्वतं लाल समुद्रया लँ जुयावन। अय्‌नं मनूत यात्राया हुनिं आय्‌बुल।

गन्‍ती 33:35

इपिं अब्रोनां वनाः एस्‍योन-गेबेरय् बाय् च्‍वन।

व्‍यवस्‍था 1:1

सूपया चुलिंचू च्‍वंगु अराबाय् पारान, तोफेल, लाबान, हसेरोत व दीसाहाबया दथुइ यर्दन खुसिया पुर्बपाखेयागु मरुभूमिइ सकल इस्राएलीतय्‌त मोशां धाःगु खँ थुपिं हे खः।

न्‍यायकर्ता 11:18

“अनं लिपा इपिं मरुभूमि जुयाः वन अले एदोम व मोआबया सिथं सिथं जुयाः मोआबया पुर्ब वनाः अर्नोनया मेखेपाखे छाउनी तल। अर्नोन खुसि मोआबया सिमाना जूगुलिं इपिं मोआब देशय्‌ दुहां मवं।”