व्‍यवस्‍था 17:7 - नेवाः बाइबल

⁷ वयात स्‍यायेत दकलय् न्‍हापालाक साक्षीतय्‌सं ल्‍वहँतं कय्‌केमाः। अनंलि मेपिं मनूतय्‌सं वयात ल्‍वहँतं कय्‌केमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 17:7 ပူးပေါင်းရင်းမြစ်များ

लेवी 24:14

“व सराः ब्‍यूम्‍हय्‌सित छाउनी पिने यंकि अले वं धाःगु खँ न्‍यंपिं फुक्‍कसिनं थथःगु ल्‍हाः वयागु छेनय् तयेमाः, अनंलि फुक्‍क खलकं वयात ल्‍वहँतं कय्‌काः स्‍यायेमाः।

यूहन्‍ना 8:7

इमिसं व हे खँ जक न्‍यनाच्‍वंगुलिं वय्‌कलं दनाः इमित थथे धयादिल – “छिकपिं मध्‍ये सुनां गुबलें पाप यानामदी, वय्‌कलं हे दकलय् न्‍हापालाक वयात ल्‍वहँतं कय्‌कादिसँ।”

व्‍यवस्‍था 13:10

वयात ल्‍वहँतं कय्‌काः स्‍यायेमाः, छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरपाखें हीकाः मेखेपाखे यंकेगु कुतः यात।

व्‍यवस्‍था 13:5

व अगमवक्ता वा म्‍हगसय्‌या खँ कनीम्‍ह मनूयात स्‍याना हे छ्वयेमाः। छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरं आज्ञा बियादीगु लँपुपाखें हीकाः वय्‌कःया विरोध यायेगु स्‍यनेत कुतः यात। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 13:6

छिमि थः हे दाजुकिजा, काय्‌म्‍ह्याय्, कलाः वा मिलय् जूम्‍ह पासां “छिमिसं व छिमि पुर्खातय्‌सं म्‍हमस्‍यूपिं द्यःतय्‌त पुजा याये नु” धकाः छिमित हेय्‌कल धाःसा

व्‍यवस्‍था 13:9

व मनूयात स्‍याना हे छ्व! वयात स्‍यायेत वयागु खँ न्‍यंम्‍ह मनुखं दकलय् न्‍हापा ल्‍वहँतं कय्‌केमाः। अले लिपा सकलें मनूतय्‌सं ल्‍वहँतं कय्‌केमाः।

व्‍यवस्‍था 17:12

सुं मनुखं परमप्रभु छिमि परमेश्‍वरयागु सेवा यायेत च्‍वनाच्‍वनीम्‍ह न्‍यायकर्ता वा पुजाहारीयात क्‍वह्यंकल धाःसा वयात स्‍यानाछ्व। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 19:19

छिमिसं व मखुगु साक्षी ब्‍यूम्‍ह मनूयात अथे हे या गथे व मनूयात यायेगु बिचाः यानागु खः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 21:21

अले व शहरया फुक्‍क मिजंतय्‌सं वयात ल्‍वहँतं कय्‌काः स्‍यायेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः। अले सकलें इस्राएलीत थ्‍व खँ न्‍यनाः ग्‍याइ।

व्‍यवस्‍था 22:21

वयात थः बौयागु छेँया लुखाय् हयाः वया शहरयापिं मिजंतय्‌सं ल्‍वहँतं कय्‌काः स्‍यायेमाः। थः बौया छेँ दुबलय् हे स्‍यनाः वं इस्राएलय् छगू मछालापुस्‍से च्‍वंगु ज्‍या याःगु दु। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 22:22

सुं मिजं मेम्‍ह मनूया कलाःलिसे लसपस यानाच्‍वंबलय् नापलाःसा व नापं द्यंम्‍ह मिजं व मिसा निम्‍हय्‌सित स्‍याना छ्वयेमाः। छिमिसं थज्‍याःगु मभिंगु ज्‍या इस्राएलया दथुं चीका छ्वयेमाः।

व्‍यवस्‍था 22:24

इपिं निम्‍हय्‌सित शहरया मू ध्‍वाखाय् यंकाः ल्‍वहँतं कय्‌काः स्‍यायेमाः। शहर दुने हे जुयाः नं ग्‍वाहालिया लागि चिल्‍लाय् दनाः महाःगुलिं व मिसायात स्‍यायेमाः। अले थः इस्राएली जःलाखःलाया कलाःयात स्‍यंकूगुलिं व मिजंयात स्‍याना छ्वयेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 24:7

सुं इस्राएलीं मेम्‍ह इस्राएलीयात जबरजस्‍ती यंकाः दास दय्‌कल धाःसा वा दास दय्‌काः मिल धाःसा वयात स्‍याना छ्वयेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

न्‍यायकर्ता 20:13

आः गिबायापिं इपिं मभिंपिं मनूतय्‌त जिमिगु ल्‍हातय् ब्‍यु अले जिमिसं इमित स्‍यानाः इस्राएलं मभिंगु ज्‍या चीकाछ्वये।” तर बेन्‍यामीनीतय्‌सं थः दाजुकिजा इस्राएलीतय्‌गु खँ मन्‍यं।