व्‍यवस्‍था 15:18 - नेवाः बाइबल

¹⁸ च्‍यःयात त्‍वःतावने बीत थाकु चाये मते। छाय्‌धाःसा ज्‍याला कयाः ज्‍या याइम्‍ह ज्‍यामिनं काइगु ज्‍यालाया निदुगं मूया ज्‍या वं खुदँय् यात। अले परमप्रभु छिमि परमेश्‍वरं छिमित फुक्‍क ज्‍याय् सुवाः बियादी।

व्‍यवस्‍था 15:18 ပူးပေါင်းရင်းမြစ်များ

यशैया 16:14

तर आः परमप्रभुं धयादी, “छुं ईया निंतिं जक हयातःम्‍ह च्‍यलं ल्‍याःखा थें, थनिं स्‍वदँ लिपा मोआबया गौरव व वया मनूतय्‌त क्‍वह्यंकीगु जुइ। इपिं मध्‍ये कम जक मनूत बचय् जुइ अय्‌नं इपिं बल्‍लाइ नं मखु।”

यशैया 21:16

परमप्रभुं जितः थथे धयादी, “दच्‍छि तक ज्‍यालां ज्‍या याइम्‍हं च्‍यःनं दँ ल्‍याःखाःथें, दच्‍छिं हे केदारया फुक्‍क महिमा अन्‍त जुइ।

व्‍यवस्‍था 15:10

छिमिसं वयात धात्‍थें हे ब्‍यु, वयात बीबलय् छिमिगु नुगः मस्‍यायेमाः छाय्‌धाःसा थुकिं यानाः परमप्रभु छिमि परमेश्‍वरं फुक्‍क ज्‍याय् व छिमिसं ल्‍हाः तइगु फुक्‍क खँय् सुवाः बियादी।

व्‍यवस्‍था 15:17

वयात लुखाय् यंकाः छपु नतूचा कयाः वयागु न्‍हय्‌पंप्‍वाः खनाब्‍यु। अले व म्‍वातले छिमि च्‍यः जुइ। थः भ्‍वातिंयात नं अथे हे या।

व्‍यवस्‍था 15:19

छिमि सा द्वहं व फैच्‍वलय्‌या न्‍हापां बूम्‍ह न्‍ह्याम्‍ह बाजात नं परमप्रभु छिमि परमेश्‍वरया निंतिं अलग तयेमाः। छिमि न्‍हापां बूम्‍ह द्वहंचायात छुं ज्‍याय् छ्यले मते। अले न्‍हापां बूम्‍ह फैया सँ खाये मते।