व्‍यवस्‍था 15:10 - नेवाः बाइबल

¹⁰ छिमिसं वयात धात्‍थें हे ब्‍यु, वयात बीबलय् छिमिगु नुगः मस्‍यायेमाः छाय्‌धाःसा थुकिं यानाः परमप्रभु छिमि परमेश्‍वरं फुक्‍क ज्‍याय् व छिमिसं ल्‍हाः तइगु फुक्‍क खँय् सुवाः बियादी।

व्‍यवस्‍था 15:10 ပူးပေါင်းရင်းမြစ်များ

हितोपदेश 22:9

नुगः तफाःम्‍ह मनूयात आशिष दइ, छाय्‌धाःसा वं चीमिपिन्‍त नं नके त्‍वंकेगु याइ।

उपदेशक 11:1

थःगु अन्‍न समुद्रया उखेपाखे छ्व, छाय्‌धाःसा यक्‍व दिं लिपा व छन्‍त हाकनं दइ।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

यशैया 58:10

अले दुनुगलंनिसें छिमिसं थःत नयेमखंपिनिगु निंतिं बिल धाःसा अले अन्‍याय जुयाच्‍वंपिनिगु निंतिं मगाःमचाः पूवंकल धाःसा छिमिगु जः खिउँथाय् तुयुजः थें जुइ, अले बाचाया ई नं न्‍हिनय् थें जुइ।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

प्रेरित 20:35

दक्‍व खँ जिं थःम्‍हं हे याना क्‍यनागु दु। अथे हे छिकपिन्‍सं नं थःम्‍हं हे थाकुगु ज्‍या यानाः मफुपिन्‍त ग्‍वाहालि यायेमाः। अले प्रभु येशूं धयादीगु खँ ल्‍वःमंकादी मते। वय्‌कलं धयादीगु दु – ‘कायेगु स्‍वयाः बीगु यक्‍व भिं।’”

रोमी 12:8

अर्ती बीगु वरदान दःसा अर्ती बीगु हे यायेमाः। बीगु वरदान दःसा दुनुगलंनिसें बीगु यायेमाः। नायः जुइगु वरदान दःसा बुद्धि पुरय् यानाः यायेमाः। कर्पिन्‍त दया माया यायेगु वरदान दःसा लय्‌तायाः या।

व्‍यवस्‍था 14:19

अले पपू दुपिं फुक्‍क कीचात छिमिगु लागि अशुद्धपिं खः उपिं नये मते।

व्‍यवस्‍था 14:29

अले छुं ब्‍व व सर्बय मदुपिं लेवीया सन्‍तानत, परदेशीत, मांबौ मदुपिं वा भाःत सी धुंकूपिं वयाः प्‍वाजाय्‌क नयेमा, अले परमप्रभु छिमि परमेश्‍वरं छिमिगु फुक्‍क ज्‍याय् छिमित सुवाः बियादीमा।

व्‍यवस्‍था 15:18

च्‍यःयात त्‍वःतावने बीत थाकु चाये मते। छाय्‌धाःसा ज्‍याला कयाः ज्‍या याइम्‍ह ज्‍यामिनं काइगु ज्‍यालाया निदुगं मूया ज्‍या वं खुदँय् यात। अले परमप्रभु छिमि परमेश्‍वरं छिमित फुक्‍क ज्‍याय् सुवाः बियादी।

व्‍यवस्‍था 15:4

अथे जूसाः छिमिगु दथुइ सुं नये मखंपिं जुइ मखु छाय्‌धाःसा परमप्रभु छिमि परमेश्‍वरं छिमित सर्बयकथं त्‍यासा कायेत बियादीत्‍यंगु देशय् सुवाः बियादी।

व्‍यवस्‍था 23:20

छिमिसं परदेशीयाके ब्‍याज काये फु, अय्‌नं थः इस्राएली दाजुकिजातय्‌के ब्‍याज काये मते। अथे याःसा छिपिं अधिकार यायेत वनाच्‍वंगु देशय् परमप्रभु छिमि परमेश्‍वरं छिमिसं ल्‍हाः तःगु न्‍ह्यागु हे ज्‍याय् नं सुवाः बियादी।

व्‍यवस्‍था 24:19

छिमिसं बुँइ बाली लइबलय् छथू त्‍वःफित धाःसा उकियात कायेत लिहां वने मते। उकियात परदेशी, मांबौ मदुपिं व भाःत सी धुंकूपिं मिसातय्‌गु लागि त्‍वःताब्‍यु। अले परमप्रभु छिमि परमेश्‍वरं छिमिगु ल्‍हाःया फुक्‍क ज्‍याय् सुवाः बियादी।

व्‍यवस्‍था 28:8

परमप्रभुं छिमिगु धुकुति अले छिमिगु फुक्‍क ज्‍याय् सुवाः बियादी। अथे जुयाः परमप्रभु छिमि परमेश्‍वरं छिमित बियादीगु देशय् वय्‌कलं छिमित सुवाः बियादी।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।