व्‍यवस्‍था 13:3 - नेवाः बाइबल

³ छिमिसं व अगमवक्ता वा म्‍हगसय् म्‍हनीम्‍ह मनूयागु खँ न्‍यने मते। व ला परमप्रभु छिमि परमेश्‍वरं छिमिसं थःगु प्राणं वय्‌कःयात माया या कि मया धकाः मन स्‍वयादीगु खः।

व्‍यवस्‍था 13:3 ပူးပေါင်းရင်းမြစ်များ

१ राजा 13:19

उकिं परमेश्‍वरया उम्‍ह मनू वलिसें लिहां वन, वयागु छेँय् मरि नल अले लः त्‍वन।

भजनसंग्रहया सफू 119:2

धन्‍य खः वय्‌कःया नियम पालन याइपिं व वय्‌कःयात दुनुगलंनिसें मालिपिं मनूत।

भजनसंग्रहया सफू 66:10

हे परमेश्‍वर, छिं जिमित जाँचय् यानादीगु दु, छिं जिमित वहःयात जाँचय् याःथें जाँचय् यानादीगु दु।

भजनसंग्रहया सफू 81:7

छिमिसं थःपिन्‍त दुःख जूबलय् जितः सःतल, अले जिं छिमित बचय् यानाबिया। नँ न्‍याइगु सुपाँचं जिं छिमित लिसः बिया। अले मेरीबाया लखय् जिं छिमित जाँचय् याना। सेला

प्रस्‍थान 20:20

मोशां इमित धाल, “ग्‍याये मते छाय्‌धाःसा परमेश्‍वरं छिमित जाँचय् यायेत, अले वय्‌कःया भय छिमिके दयेमा व छिमिसं पाप मयायेमा धकाः झायादीगु खः।”

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

१ कोरिन्‍थी 11:19

भिंम्‍ह मनू म्‍हसीकेत ला थथे ल्‍वापु नं दयेमाः मखु ला?

२ कोरिन्‍थी 8:8

छिमिसं थथे याये हे माः धकाः जिं छिमित उजं बियाच्‍वनागु मखु। मेपिन्‍सं लय्‌तायाः ग्‍वाहालि बिल धकाः खँ कनाः छिमिगु माया सत्‍य खः ला कि मखु धकाः स्‍वयेत्‍यनागु खः।

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

व्‍यवस्‍था 6:5

परमप्रभु झी परमेश्‍वरयात दुनुगलंनिसें माया या, थःगु प्राण बिया तकं माया या, अले थःगु बलं फत्तले माया या।

व्‍यवस्‍था 8:16

मरुभूमिइ छिमित क्‍वमिलु यायेत व छिमिगु मन स्‍वयाः लिपा छिमिगु भिं यायेत वय्‌कलं छिमित छिमि पुर्खातय्‌सं मस्‍यूगु मन्‍ना नकादिल।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

२ थेसलोनिकी 2:11

अय्‌जूगुलिं इमिसं मखुगु खँय् जक विश्‍वास यानाच्‍वनेमा धकाः परमेश्‍वरयागु शक्तिं इमित मखुगु खँ जक पत्‍याः याका तइ।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

१ यूहन्‍ना 4:4

अय् जि यःपिं मस्‍त, छिपिं परमेश्‍वरया मनूत खः, उकिं अज्‍याःपिं फताहा अगमवक्तातय्‌त छिमिसं बुकाछ्वःगु दु। थ्‍व संसारय् च्‍वंम्‍ह आत्‍मा स्‍वयाः छिमिगु नुगलय् च्‍वनादीम्‍ह आत्‍मा तसकं बल्‍लाः।

प्रकाश 13:14

न्‍हापांयाम्‍ह पशुयागु न्‍ह्यःने हे वयात अथे चिं क्‍यनेगु अधिकार ब्‍यूगुलिं पृथ्‍वीइ च्‍वंपिन्‍त थ्‍वं ध्‍वंलायेगु याना जुल। तरवारं पालाः घाः जुलं हे म्‍वानाच्‍वंम्‍ह न्‍हापांयाम्‍ह पशुयागु मूर्ति दय्‌कि धकाः फुक्‍कसितं उजं बिल।

न्‍यायकर्ता 2:22

इमि पुर्खातय्‌सं थें जिगु खँ न्‍यनी कि मन्‍यनी धकाः इस्राएलयात जाँचय् यायेत जिं थुपिं जातित छ्यले।”

१ शमूएल 26:19

हे प्रभु जिमि जुजु, जिं छु धायेत्‍यनागु दु बांलाक ध्‍यान बियाः न्‍यनादिसँ। थथे परमप्रभुं हे छितः जिगु विरोधय् याकेब्‍यूगु खःसा जितः वय्‌कःयात छगू भेटी छाय्‌के बियादिसँ सके वय्‌कःया मन हिलिला। तर छुं जुयाः थ्‍व मनूतय्‌सं याकूगु जूसा इमित परमप्रभु सराः लायेमा। छाय्‌धाःसा थौं ‘वं मेपिं द्यःतय्‌गु सेवा यायेमा’ धकाः इमिसं जितः परमप्रभुया सर्बयपाखें लिकाःगु दु।