व्‍यवस्‍था 12:3 - नेवाः बाइबल

³ इमिगु वेदी थुनाब्‍यु अले पुजा याइगु ल्‍वहं तछ्यानाब्‍यु। इमि अशेरा द्यःमय्‌जुयागु थां मिइ छ्वयेकाछ्व। इमि द्यःतय् मूर्ति क्‍वथलाब्‍यु अले पुजा याइगु थासं इमिगु नां हे मदय्‌काछ्व।

व्‍यवस्‍था 12:3 ပူးပေါင်းရင်းမြစ်များ

न्‍यायकर्ता 2:2

छिमिसं थ्‍व देशयापिं मनूतलिसे बाचा चीमते तर छिमिसं इमिगु वेदीत थुनाब्‍यु।’ अय्‌नं छिमिसं जिगु खँ मन्‍यं। छिमिसं थथे छाय् यानागु?

गन्‍ती 33:52

व देशयापिं मनूतय्‌त इमिगु देशं पितिनाछ्व। अले इमिगु कियातःगु झ्‍वाता व नाय्‌कातःगु मूर्ति फुक्‍कयात नाश यानाब्‍यु। इमिसं पुजा याइगु देगःचात नं स्‍यंकाब्‍यु।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

भजनसंग्रहया सफू 16:4

मेपिं द्यःतय्‌गु ल्‍यूल्‍यू ब्‍वाँय् जुइपिं मनूतय्‌सं थःगु दुःख थःम्‍हं अप्‍वय्‌काजुइ। जिं इमिगु बां बीगु ज्‍याय् ब्‍वति काये मखु अले जिं थःगु म्‍हुतुं इमिगु नां हे काये मखु।

व्‍यवस्‍था 7:5

छिमिसं थथे या – इमिगु वेदी थुनाब्‍यु, इमिगु पुजा याइगु ल्‍वहं तछ्यानाब्‍यु। इमिगु अशेरा द्यःमय्‌जुयागु थां पालाः क्‍वथलाब्‍यु। अले इमिगु मूर्तित मिइ छ्वय्‌काब्‍यु।

प्रस्‍थान 23:13

“जिं धयागु फुक्‍क खँ बांलाक न्‍यँ। मेपिं द्यःतय्‌गु पुजा याये मते। इमिगु नां तक नं काये मते।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

मीका 5:14

जिं छिमिथाय् च्‍वंम्‍ह अशेरा द्यःमय्‌जुया थांतय्‌त लिनाः वांछ्वयाबी अले छिमिगु शहर नं नाश यानाबी।

होशे 2:17

जिं वयात हाकनं गुबलें बालद्यःया नां काय्‌केबी मखु, अले इमिगु नां हाकनं गुबलें काइ मखु।

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

२ इतिहास 34:3

योशियाह जुजु जूगु च्‍यागूगु दँय्, व ल्‍याय्‌म्‍हबलय् वं थः पुर्खा दाऊदया परमेश्‍वरयात माल। अले झिंनिगूगु दँय् यहूदा व यरूशलेमय् दुगु पुजा याइगु थाय् व अशेरा द्यःमय्‌जुया थांत अले कियाः दय्‌कातःगु व ढलोटया मूर्तित चीकल।

२ इतिहास 31:1

छुत्‍काराया नखः सिधय्‌धुंकाः अन दुपिं इस्राएलीत यहूदाया शहर शहरय् वन। इमिसं पुजा याइगु ल्‍वहंत तछ्यानाबिल अले अशेरा द्यःमय्‌जुया थांत त्‍वाल्‍हानाबिल। इमिसं यहूदा न्‍यंक अले बेन्‍यामीन, एफ्राइम व मनश्‍शेया थः द्यःतय्‌त पुजा याइगु थाय् थासय् वेदीत स्‍यंकाबिल। उलि यायेधुंकाः इस्राएलीत सकलें थथःगु शहरय् व छेँय् लिहां वन।

२ इतिहास 19:3

अय्‌नं छिके छुं भिंगु खँ दु। छिं अशेरा द्यःमय्‌जुया थांत देशं चीकाछ्वल। छिं परमेश्‍वरयात मालेगु कुतः यानादीगु दु।”

२ राजा 23:14

योशियाह जुजुं पुजा याइगु ल्‍वहंया थांत कुचा कुचा यानाबिल। अशेरा द्यःमय्‌जुया थां पालाः क्‍वःथलाबिल। उगु थासय् सीपिं मनूतय्‌गु क्‍वँचं जाय्‌काबिल।

२ राजा 18:4

वं पुजा याइगु थाय् चीकाछ्वल, च्‍वखगु ल्‍वहंया थांत तछ्यानाबिल, अशेरा द्यःमय्‌जुया थांत त्‍वाःल्‍हानाबिल। वं मोशां दय्‌कूगु कँय्‌या सर्प कुचा कुचा यानाबिल, छाय्‌धाःसा अबलय् तक इस्राएलीतय्‌सं उकिया निंतिं धुपाँय् च्‍याका वयाच्‍वंगु खः। इमिसं वयात नहूश्‍तान धाइगु।

१ राजा 15:13

वं थः अजि माकायात राजमाताया थासं लिकाल, छाय्‌धाःसा वं अशेरा द्यःमय्‌जुया छगू घच्‍चायापुगु मूर्ति दय्‌कूगु खः। आसां उगु मूर्तियात त्‍वाःल्‍हानाबिल। अले उकियात कुचा कुचा यानाः किद्रोन खुसिचाय् छ्वय्‌काबिल।

२ इतिहास 14:3

वं विदेशी वेदीत, पुजा यायेगु थाय्‌त, ल्‍वहंया मूर्तित तछ्यानाबिल अले अशेरा द्यःमय्‌जुया थांत क्‍वःथलाबिल।

प्रस्‍थान 23:24

इमि द्यःतय्‌त भागियाये मते, इमिगु पुजा याये मते। अय्‌नं उपिं द्यःतय्‌त स्‍यंकाब्‍यु। अले इमिसं पुजा याइगु ल्‍वहंतय्‌त तछ्यानाब्‍यु।

प्रस्‍थान 34:13

इमिगु वेदीत स्‍यंकाब्‍यु। इमिगु पवित्र ल्‍वहंत तछ्यानाब्‍यु, अले इमि अशेरा द्यःमय्‌जुयागु थांतय्‌त पालाः क्‍वथलाब्‍यु।

व्‍यवस्‍था 7:25

इमि द्यःतय्‌गु मूर्ति छिमिसं मिइ छ्वय्‌काब्‍यु। छिमिसं मूर्तिइ दुगु लुँ व वहः ल्‍वःवंकाः काये मते। छाय्‌धाःसा व हे छिमिगु निंतिं तक्‍यंकीगु जाः जुइ। थ्‍व परमप्रभु छिमि परमेश्‍वरयात घच्‍चाइपुगु खँ खः।

व्‍यवस्‍था 12:4

छिमिसं परमप्रभु छिमि परमेश्‍वरयागु आराधना इमिसं इमि द्यःयात आराधना याःथें याये मते।

१ राजा 14:15

परमप्रभुं इस्राएलयात सजाँय बियादी अले व खुसिइ तिंकथि संगु थें सनी। वय्‌कलं इस्राएलीतय्‌त इमि पुर्खातय्‌त बियादीगु थ्‍व भिंगु देशं लिनादी अले यूफ्रेटिस खुसिया पारि थुखेलाः उखेलाः मदय्‌काबी। छाय्‌धाःसा अशेरा द्यःमय्‌जुया मूर्ति दय्‌काः इमिसं वय्‌कःयात तंचाय्‌कूगु दु।

२ राजा 11:18

अनंलि देशया फुक्‍क मनूतय्‌सं वनाः बालया देगःयात थुनाबिल। इमिसं वेदी व अन दुगु मूर्तित कुचा कुचा यानाबिल। अले बालया पुजाहारी मत्तानयात वेदीया न्‍ह्यःने हे स्‍यानाबिल। अनंलि पुजाहारी यहोयादां परमप्रभुया देगलय् पाः च्‍वनिपिं मनूत तल।

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

२ इतिहास 14:2

आसां परमप्रभु थः परमेश्‍वरयात यःगु व खःगु ज्‍या यात।