व्‍यवस्‍था 11:4 - नेवाः बाइबल

⁴ अले मिश्रया सेना, सल व रथतय्‌सं छिमित ल्‍यू वयाच्‍वंबलय् परमप्रभुं गय् यानाः लाल समुद्रया लखं इमित त्‍वःपुयाः न्‍ह्याबलेंया लागि नाश यानादिल व फुक्‍क खंगु व अनुभव याःगु मदु।

व्‍यवस्‍था 11:4 ပူးပေါင်းရင်းမြစ်များ

भजनसंग्रहया सफू 106:11

समुद्रया लखं इमि शत्रुतय्‌त त्‍वपुयाबिल, इपिं मध्‍ये छम्‍ह नं मम्‍वाः।

प्रस्‍थान 15:19

फारोया सल, रथ व सल गयावःपिं मनूत समुद्रय् थ्‍यंबलय् परमप्रभुं समुद्रया लः लित हयाः इमित त्‍वपुयाबिल। इस्राएलीत जक समुद्रया दथुं गंगु बँ जुयाः वन।

प्रस्‍थान 15:4

फारोया रथ व वया सेनायात वय्‌कलं समुद्रय् वांछ्वयादीगु दु। फारोया ततःधंपिं कप्‍तानत लाल समुद्रय् दुबित।

व्‍यवस्‍था 1:40

छिपिं धाःसा चाःहिलाः लाल समुद्रपाखे वनीगु मरुभूमिया लँपुइ हुँ।”

व्‍यवस्‍था 11:5

थ्‍व थासय् थ्‍यंकः मवतले मरुभूमिइ वय्‌कलं छु छु यानादिल व छिमि मचाखाचातय्‌सं खंगु मदु।

व्‍यवस्‍था 2:1

अले परमप्रभुं जितः धयादीगु थें झीपिं लाल समुद्र वनेगु लँ जुयाः मरुभूमिपाखे वना। यक्‍व दिं तक सेइरया पर्वत देशयागु सिथं सिथं चाःहिलाच्‍वना।

हिब्रू 11:29

विश्‍वासं हे इस्राएलीत बँय् न्‍यासि वने थें लाल समुद्र छिनावन। मिश्र देशय् च्‍वंपिं नं अथे हे समुद्र छिनाः वंबलय् दुनाः सित।