व्‍यवस्‍था 10:4 - नेवाः बाइबल

⁴ परमप्रभुं छिपिं मुनाच्‍वंबलय् पहाडय् मिया दथुं छिमित बियादीगु झिगू आज्ञा न्‍हापा थें उपिं पौलय् च्‍वयाः जितः बियादिल।

व्‍यवस्‍था 10:4 ပူးပေါင်းရင်းမြစ်များ

प्रस्‍थान 31:18

परमेश्‍वरं मोशा लिसें सीनै पर्वतय् खँ ल्‍हाये धुंकाः वय्‌कलं वयात थःगु पतिंचां च्‍वयादीगु निपाः ल्‍वहंपौ बियादिल।

प्रस्‍थान 34:1

परमप्रभुं मोशायात धयादिल, “न्‍हापा थें ल्‍वहंयागु निपाः पौ हजि। अले जिं उकी छं न्‍हापा तछ्याःगु पौतय् च्‍वयातःगु हे खँ च्‍वयाबी।

प्रस्‍थान 34:28

मोशा अन परमप्रभुनापं पिइन्‍हु पिइचा तक छुं हे नयेत्‍वने मयासें च्‍वन। वं उपिं ल्‍वहँपतिइ बाचाया झिगू उजं च्‍वल।

व्‍यवस्‍था 18:16

होरेबय् छिपिं मुंबलय् परमप्रभु छिमि परमेश्‍वरयात छिमिसं थथे धकाः इनाप यात “झीसं आवंलि परमप्रभु झी परमेश्‍वरयागु सः न्‍यने म्‍वालेमा, अले थ्‍व तःधंगु मि नं स्‍वये म्‍वालेमा, मखुसा झीपिं सिनावनी।”

व्‍यवस्‍था 9:10

अबलय् परमप्रभुं जितः थःगु हे ल्‍हातं च्‍वयातःगु निपा ल्‍वहं पौ बियादिल। उकी वय्‌कलं छिपिं पहाडया क्‍वय् छथाय् मुंबलय् मिया दथुं धयादीगु खँ च्‍वयातःगु दु।