व्‍यवस्‍था 1:2 - नेवाः बाइबल

² (सेइर पर्वत वनेगु लँपु जुयाः होरेबं कादेश-बर्ने तक वनेत झिंछन्‍हु बी।)

व्‍यवस्‍था 1:2 ပူးပေါင်းရင်းမြစ်များ

उत्‍पत्ति 32:3

याकूबं एदोम देशया सेइर धाःगु थासय् थः दाजु एसावयाथाय् थः मनूत छ्वत।

प्रस्‍थान 17:6

जि होरेबया ल्‍वहँतय् छंगु न्‍ह्यःने दंवये। छं ल्‍वहँतय् कथिं दा, अले अनं मनूतय्‌सं त्‍वनेगु लः पिहां वइ।” अले मोशां थकालितय्‌गु न्‍ह्यःने अथे हे यात।

प्रस्‍थान 3:1

मोशा थः ससःबौ मिद्यानया पुजाहारी यित्रोया फैच्‍वलय् ज्‍वयाच्‍वंगु जुल। अले मरुभूमिइ फैच्‍वलय् ज्‍वज्‍वं परमेश्‍वरया पर्वत होरेबय् थ्‍यंक हे यंकल।

लेवी 2:14

“‘परमप्रभुया निंतिं न्‍हापांगु फलयागु अन्‍नबलि छायेगु इच्‍छा दुसा छिमिसं मिं छूगु व क्‍यलातःगु ताजा अन्‍न छायेमाः।

लेवी 9:23

अनंलि मोशा व हारून पवित्र पाल दुने दुहां वन, अले पिहां वयाः मनूतय्‌त आशिष बिल। अले परमप्रभुया महिमा फुक्‍क मनूतय्‌गु न्‍ह्यःने खनेदत।

गन्‍ती 13:26

इपिं पारानया मरुभूमि दुगु कादेशय् मोशा, हारून इस्राएलीया फुक्‍क खलःयाथाय् लिहां वल। अले इमिसं थःपिन्‍सं खंगु फुक्‍क खँ इमित व फुक्‍क खलःयात कन। अले थःपिन्‍सं ज्‍वनावःगु व देशया फलफुल नं क्‍यन।

गन्‍ती 32:8

जिं छिमि बौपिन्‍त कादेश-बर्नेनं व थाय् स्‍वके छ्वयाबलय् छिमि बौपिन्‍सं नं थथे हे याःगु खः।

व्‍यवस्‍था 1:19

अनंलि परमप्रभु परमेश्‍वरं झीत आज्ञा बियादी थें झीपिं होरेबं पिहां वयाः छिमिसं खंगु मिखां न्‍ह्याये मदुगु व ग्‍यानपुस्‍से च्‍वंगु मरुभूमि जुयाः एमोरीतय्‌गु पर्वत देशपाखे वना। अले झीपिं कादेश-बर्ने थ्‍यंकः वना।

व्‍यवस्‍था 1:44

अले पर्वतय् च्‍वनीपिं एमोरीत छिपिंनापं ल्‍वायेत पिहां वयाः हातय्‌सं थें छिमित ल्‍यू वल, अले इमिसं सेइरनिसें होर्मा तक छिमित बुकल।

व्‍यवस्‍था 2:1

अले परमप्रभुं जितः धयादीगु थें झीपिं लाल समुद्र वनेगु लँ जुयाः मरुभूमिपाखे वना। यक्‍व दिं तक सेइरया पर्वत देशयागु सिथं सिथं चाःहिलाच्‍वना।

व्‍यवस्‍था 2:4

अले छं मनूतय्‌त थथे धकाः आज्ञा ब्‍यु, ‘छिपिं सेइरय् च्‍वनिपिं एसावया सन्‍तान, थः हे दाजुकिजापिनिगु देश जुयाः वनेत्‍यंगु दु। इपिं छिपिं खनाः ग्‍याइ। अथे जुयाः बांलाक होश या।

व्‍यवस्‍था 2:8

अथे जुयाः सेइरय् च्‍वनिपिं एसावया सन्‍तान, झी दाजुकिजापिनिपाखें फःहिलाः झीपिं न्‍ह्यज्‍यानावना। एलात व एस्‍योन-गेबेरं वइगु अराबाया लँपु मवंसें झीपिं चाःहिलाः मोआबया मरुभूमिया लँपुइ वना।

व्‍यवस्‍था 9:23

परमप्रभुं छिमित कादेश-बर्नेनं थथे धयाः छ्वयादिल, “वनाः जिं छिमित बियागु देश अधिकार या।” अय्‌नं छिमिसं परमप्रभु छिमि परमेश्‍वरया आज्ञायागु विरोध यात। अले छिमिसं वय्‌कःयात पत्‍याः नं मया, वय्‌कःया खँ नं मन्‍यं।

यहोशू 14:6

यहूदायापिं छुं मिजंत गिलगालय् यहोशूयात नापलाः वल। अले कनज्‍जी यपुन्‍नेया काय् कालेबं वयात धाल, “परमेश्‍वरया मनू मोशायात कादेश-बर्नेय् परमप्रभुं छिगु व जिगु बारे धयादीगु खँ छिं सि हे स्‍यू।