दानिएल 9:8 - नेवाः बाइबल

⁸ हे परमप्रभु, जिमि जुजुपिं, शासकत व पुर्खातय्‌सं छिगु विरोधय् वनाः पाप याःगुलिं जिपिं लज्‍याय् लाःगु दु।

दानिएल 9:8 ပူးပေါင်းရင်းမြစ်များ

२ राजा 21:15

छाय्‌धाःसा इमिसं जितः मयःगु मभिंगु ज्‍या याःगु दु। इमि पुर्खा मिश्रं पिहां वःगु दिनंनिसें थौं तक इमिसं जितः तंचाय्‌कूगु दु।”

२ इतिहास 6:37

अले इमित ज्‍वनायंकूगु देशय् इमित होश वल व छिथाय् लिहां वयाः इमिसं इमित ज्‍वनायंकूगु देशय्, ‘जिमिसं पाप यानागु दु, बांमलाःगु व्‍यवहार यानागु दु, मभिंगु ज्‍या यानागु दु’ धकाः छितः प्रार्थना यात धाःसा

नहेम्‍याह 1:6

छिकपिनि दास इस्राएलीतय्‌गु निंतिं चान्‍हि छितः यानागु प्रार्थना न्‍यनेत छिं न्‍हाय्‌पं बियादिसँ, अले मिखा चाय्‌कादिसँ। जिपिं इस्राएलीतय्‌सं छिगु विरोधय् यानागु पाप जिं मानय् याये। जिमि पुर्खातय्‌सं पापयात जिं नं पाप यानागु दु।

यशैया 64:4

थःगु लँ स्‍वइपिनिगु निंतिं ज्‍या यानादीम्‍ह छि थें ज्‍याःम्‍ह परमेश्‍वरयात संसारया शुरुंनिसें न न्‍हाय्‌पनं न्‍यंगु दु, न मिखां हे खंगु दु।

यर्मिया 14:20

हे परमप्रभु, जिमिसं थःगु मभिंगु ज्‍या व जिमि तापाःबाज्‍यापिनिगु अपराध मानय् याये, जिमिसं धात्‍थें हे छिगु विरोधय् पाप यानागु दु।

यर्मिया 32:32

इस्राएल व यहूदायापिं मनूत, इमि जुजुपिं व हाकिमत, इमि पुजाहारीत व अगमवक्तात, यहूदायापिं मनूत व यरूशलेमयापिं मनूतय्‌सं फुक्‍क मभिंगु ज्‍या यानाः जितः तंचाय्‌कूगु दु।

यर्मिया 7:19

छु इमिसं जितः हे हाय्‌काच्‍वंगु खः ला?” परमप्रभुं धयादी। “मखु, तर इमिसं थःत हे लज्‍या चाय्‌केत थःत हे स्‍यंकाच्‍वंगु, मदु ला?”

विलाप 1:18

“परमप्रभु धर्मीम्‍ह खः, जिं हे वय्‌कःयागु आज्ञा मानय् मयानागु खः। हे दक्‍व मनूत, जिगु खँ न्‍यँ अले जिगु दुःखयात स्‍व। जिमि ल्‍याय्‌म्‍ह व ल्‍यासेतय्‌त ज्‍वनायंकूगु दु।

विलाप 3:42

“जिमिसं पाप याना, जिपिं विद्रोही जुया, अले छिं क्षमा यानादीगु मदुनि।

विलाप 5:16

जिमिगु छेनं श्रीपेच कुतुं वंगु दु, जिमित धिक्‍कार दु, छाय्‌धाःसा जिमिसं पाप यानागु दु।

इजकिएल 16:63

छं याःगु फुक्‍क ज्‍याया निंतिं जिं प्रायश्‍चित यायेबलय् छं व फुक्‍क लुमंकी अले छ लज्‍या चाइ, छं लज्‍यां गुबलें थःगु म्‍हुतु चाय्‌की मखु, परमप्रभु परमेश्‍वरं धयादी।’”

इजकिएल 5:6

तर थ्‍वं जिगु नियमया विरोधय् ज्‍या यानाः मेगु जातितय्‌सं स्‍वयाः अप्‍वः मभिंगु ज्‍या यात। अले जिगु विधिया विरोधय् ज्‍या यानाः प्‍यखेरं च्‍वंगु जातितय्‌सं स्‍वयाः अप्‍वः बांमलाःगु ज्‍या यात। धात्‍थें इमिसं जिगु नियमयात हेला यात। धात्‍थें इमिसं जिगु नियम पालन याःगु मदु।

दानिएल 9:9

छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।