दानिएल 9:6 - नेवाः बाइबल

⁶ जिमि जुजुपिं, शासकत, पुर्खा व देशयापिं सकल प्रजालिसें छिगु नामय् न्‍ववाइपिं छि सेवक अगमवक्तातय्‌गु खँ जिमिसं मन्‍यना।

दानिएल 9:6 ပူးပေါင်းရင်းမြစ်များ

२ राजा 18:12

इस्राएलीतय्‌सं परमप्रभुया आज्ञा पालन मयाःगुलिं थथे जूगु खः। इमिसं वय्‌कःया बाचा त्‍वाथुल अले गुलि आज्ञा परमप्रभुया दास मोशां ब्‍यूगु खः उकियात इमिसं वास्‍ता मयात।

२ इतिहास 33:10

मनश्‍शे व वया मनूतलिसें परमप्रभु न्‍ववानादिल, तर इमिसं वास्‍ता मयाः।

एज्रा 9:7

जिमि पुर्खातय्‌गु इलंनिसें थौं तक हे जिमिसं तःधंगु पाप यानागु दु। जिमिगु पापं यानाः जिपिं, जिमि जुजु व पुजाहारीत विदेशी जुजुपिनिगु ल्‍हातय् लात। जिपिं मध्‍ये गुलिंसित स्‍यात, गुलिंसित ज्‍वनाः विदेशय् यंकल। जिमित लुटपाट यात, तसकं क्‍वह्यंकल, बेइज्‍जत यात। थौं तक नं अथे हे जुयाच्‍वंगु दु।

नहेम्‍याह 9:30

दँय्‌दसं छिं इमित थाकु मचासें ख्‍याच्‍वः बियादिल, छिं थः अगमवक्तातय्‌त न्‍ववाइगु आत्‍मा बियादिल, अय्‌नं छिकपिनि प्रजातय्‌सं छिगु खँ मन्‍यन। उकिं इमित मेगु जातियापिं मनूतय्‌गु ल्‍हातय् लाकादिल।

नहेम्‍याह 9:32

“उकिं हे जिमि परमेश्‍वर, छि तःधंम्‍ह, बल्‍लाम्‍ह, मानय् यायेमाःम्‍ह व दयामायाया बाचा पूवंकादीम्‍ह परमेश्‍वर खः। अश्‍शूरया जुजुपिनिगु इलंनिसें थौं तक जिमिसं, जिमि जुजुपिं, जिमि हाकिमत, जिमि पुजाहारीत व जिमि अगमवक्तात, जिमि पुर्खात व छिकपिनि फुक्‍क मनूतय्‌सं गुलि दुःख फयागु दु व लुमंकादिसँ।

नहेम्‍याह 9:34

जिमि जुजु, नायः व पुजाहारीत व पुर्खातय्‌सं नं छिगु व्‍यवस्‍था पालन याःगु मदु। इमिसं छिगु आज्ञा व ख्‍याच्‍वः मन्‍यं।

यर्मिया 26:5

अले जिं छिमिथाय् छ्वयाहयापिं अगमवक्तातय्‌गु खँ ध्‍यान बियाः मन्‍यन धाःसा (खः ला छिमिसं ध्‍यान बियाः न्‍यंगु मदु)

यर्मिया 29:19

छाय्‌धाःसा इमिसं जिगु खँ बांलाक मन्‍यन,” परमप्रभुं धयादी। “गुगु वचन जिं थः दासत अगमवक्तातपाखें बारम्‍बार इमिथाय् छ्वयागु खः। छिपिं यरूशलेमं ज्‍वनाः बेबिलोनय् यंकूपिन्‍सं नं ध्‍यान बियाः मन्‍यं,” परमप्रभुं धयादी।

यर्मिया 44:16

“छिं परमप्रभुया नामय् धाःगु खँ जिमिसं मानय् याये मखु।

यर्मिया 7:13

परमप्रभुं धयादी, ‘छिमिसं थ्‍व फुक्‍क ज्‍या यानाच्‍वंबलय् जिं छिपिंलिसें तःक्‍वः हे न्‍ववाना, अय्‌नं छिमिसं वास्‍ता मया। जिं छिमित सःता, अय्‌नं छिमिसं लिसः हे मब्‍यू।

यर्मिया 7:24

“तर इमिसं जिगु खँ मन्‍यं, उकी ध्‍यान मब्‍यू। उकिया पलेसा इमिसं थःगु जिराहा व मभिंगु इच्‍छा कथं ज्‍या याना जुल। इपिं लिज्‍यात, न्‍ह्यमज्‍याः।

दानिएल 9:10

हे परमप्रभु जिमि परमेश्‍वर, जिमिसं छिगु आज्ञा मानय् यानागु मदु, अले छिकपिनि च्‍यः अगमवक्तापाखें ब्‍यूगु नियम नं मानय् यानागु मदु।

दानिएल 9:9

छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

प्रेरित 13:27

यरूशलेमय् च्‍वंपिन्‍सं व इमि शासकतय्‌सं वय्‌कःयात म्‍हसीके मफुत। विश्रामबार पतिकं ब्‍वना वयाच्‍वंगु अगमवक्तातय्‌गु सफुलिइ च्‍वयातःगु खँ न्‍यंसां नं इमिसं थुइके मफुत। अय्‌जूगुलिं इमिसं वय्‌कःयात स्‍यानाः अगमवक्तातय्‌सं धाःगु खँ पूवंकल।