दानिएल 9:3 - नेवाः बाइबल

³ उकिं अपसं च्‍वनाः भांग्रा फिनाः नउ बुलाः परमप्रभु परमेश्‍वरया न्‍ह्यःने प्रार्थना व दुनुगलंनिसें बिन्‍ति याना।

दानिएल 9:3 ပူးပေါင်းရင်းမြစ်များ

२ शमूएल 12:16

दाऊदं व मचाया निंतिं परमप्रभुयाके बिन्‍ति यात। व अपसं च्‍वन। अले थःगु छेँय् दुहां वनाः बँय् भ्‍वसुलाः चा छ्यात।

एज्रा 10:6

अनं लिपा एज्रा परमेश्‍वरयागु देगःया न्‍ह्यःनं एल्‍यासीबया काय् येहोहानानया कोथाय् वन। अन च्‍वंतले एज्रां छुं नं मनः, लः नं मत्‍वं, छाय्‌धाःसा बेबिलोनं लिहां वःपिनिगु अपराधं यानाः वया नुगः ख्‍वः।

एज्रा 8:21

जिपिं झी परमेश्‍वरया न्‍ह्यःने क्‍वमिलु जुइत व याउँक यात्राया निंतिं अले लँय् थः मस्‍त व थःगु सामानयागु रक्षाया निंतिं बिन्‍ति यायेत जिं अन अहावा खुसिया सिथय् अपसं च्‍वनेगु घोषणा याना।

एज्रा 9:5

सन्‍ध्‍याया बां बीगु इलय् जि दना। जिगु लं व गा गूगु दु। अले पुलिं चुयाः परमप्रभु झी परमेश्‍वरपाखे थःगु ल्‍हाः ल्‍ह्वनाः

नहेम्‍याह 9:1

व हे लाया निइप्‍यन्‍हु खुन्‍हु इस्राएलीत अपसं च्‍वनेत मुन। उबलय् इमिसं भांग्रा फिनाः थथःगु छेनय् धू तल।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

भजनसंग्रहया सफू 35:13

अय्‌नं इपिं उसाँय् मदुबलय् जि दुःखं च्‍वना, जिं नयेगु त्‍वःता, जिं इमिगु निंतिं प्रार्थना याना।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

दानिएल 6:10

व पौलय्‌ सही याये धुंकूगु सियाः दानिएल थःगु छेँय् वन। वयागु छेँय्‌या तलय्‌यागु क्‍वथाया झ्‍याः यरूशलेमपाखे स्‍वः। अले न्‍हापा न्‍हापा याःगु थें झ्‍याःपाखे स्‍वयाः वं परमेश्‍वरया न्‍ह्यःने न्‍हि स्‍वकः पुलिं चुयाः सुभाय् बीगु व प्रार्थना यायेगु यात।

दानिएल 9:2

जि दानिएलं यर्मिया अगमवक्तायात ब्‍यूगु परमप्रभुया वचनकथं, धर्मशास्‍त्रपाखें यरूशलेम न्‍हयेदँ तकया लागि नाश जुइ धकाः सीकाकया।

दानिएल 9:20

जिगु व थः इस्राएली दाजुकिजापिनिगु पाप नाला कयाः परमप्रभु जिमि परमेश्‍वरयात वय्‌कःया पवित्र पर्वतया निंतिं बिन्‍ति याना हे च्‍वना।

दानिएल 9:4

अले जिं थःगु पाप मानय् यानाः थः परमप्रभु जिमि परमेश्‍वरयात थथे प्रार्थना याना। “हे परमप्रभु, छि तःधंम्‍ह व मानय् यायेमाःम्‍ह खः, छितः माया याइपिन्‍त अले छिगु खँ न्‍यनीपिन्‍त छिं थःगु दयामायाया बाचा पूवंकादी।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

योएल 2:12

परमप्रभुं धयादी, “आः नं छिपिं पूरा मन बियाः अपसं च्‍वनाः, ख्‍वयाः व दुखं च्‍वनाः जिथाय् लिहां वा।”

योना 3:5

निनवे शहरय् च्‍वंपिं मनूतय्‌सं परमेश्‍वरया थ्‍व बुखँ पत्‍याः यात। उकिं इपिं फुक्‍कसिनं अपसं च्‍वनेगु क्‍वःछित। अले तःधंपिं, चिधंपिं फुक्‍कसिनं पश्‍चाताप यानागुया चिंकथं भांग्रां फिनाच्‍वन।

मत्ती 17:21

थज्‍याःगु ज्‍या अपसं मच्‍वंकं व प्रार्थना मयाय्‌कं याये फइ मखु।”

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

प्रेरित 10:30

अले कर्नेलियसं धाल – “थनिं प्‍यन्‍हु दत, न्‍हिनेसिया तीन बजे ति जि छेँय् प्रार्थना यानाच्‍वनाबलय् त्‍वइसे च्‍वंगु वसः पुनातःम्‍ह छम्‍ह स्‍वर्गदूतं जिगु न्‍ह्यःने दं वयाः