दानिएल 8:4 - नेवाः बाइबल

⁴ व भ्‍याःचां पच्‍छिम, उत्तर व दच्‍छिनपाखे ब्‍वांय्‌ब्‍वांय् जुयाः च्‍वयाच्‍वंगु जिं खना। वयात पने फुम्‍ह छम्‍ह नं पशु मदु। सुनानं वयागु शक्तिपाखें बचय् याये मफुत। वं थःयत्‍थें यात अले व झन बल्‍लात।

दानिएल 8:4 ပူးပေါင်းရင်းမြစ်များ

१ राजा 22:11

केनानाया काय् सिदकियाहं नयागु नेकूत दय्‌काः थथे धाल, “परमप्रभुं थथे धयादी, ‘थुपिं नेकुलिं छिमिसं अरामीतय्‌त इपिं नाश मजुतले च्‍वयाच्‍वनी।’”

अय्‍यूब 10:7

खःला जि छुं दोष मदुम्‍ह खः, अले छिगु ल्‍हातं सुनानं जितः बचय् याये फइ मखु धकाः छिं स्‍यू।

भजनसंग्रहया सफू 44:5

छिगु हे बलं जिमिसं थः शत्रुतय्‌त ख्‍यानाछ्वये, जिमि विरोधीतय्‌त जिमिसं छिगु हे नामं न्‍हुयातये।

भजनसंग्रहया सफू 50:22

हे परमेश्‍वरयात ल्‍वमंकीपिं न्‍यँ, छिमिसं जितः वास्‍ता मयाः। जिं छिमित कुचा कुचा थलाः बी। छिमित बचय् याइपिं सुं हे दइ मखु।

भजनसंग्रहया सफू 7:2

मखुसा सिंहं थें इमिसं जितः चिचित्‍याइ। जितः सुनानं बचय् याये मफयेक इमिसं कुचा कुचा थली।

इजकिएल 34:21

छाय्‌धाःसा छिमिसं ला गंसिपिं फैतय्‌त ब्‍वहलं घ्‍वाघ्‍वां, नेकुलिं च्‍वच्‍वं, इमित लिनाच्‍वंगु दु, छ्यालब्‍याल यानाच्‍वंगु दु।

दानिएल 11:16

हमला याः वःम्‍हय्‌सिनं इमित थः यःथें याइ। सुनानं वयात पने फइ मखु। वं थःत बांलाःगु देशय् पलिस्‍था याइ अले वयाके उकियात नाश यायेगु बल दइ।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 5:19

अले परमेश्‍वरं वय्‌कःयात तःधंकादीगुलिं जाति जातियापिं, देश देशयापिं, अले थीथी भाय् ल्‍हाइपिं मनूत वय्‌कः खनाः ग्‍याइगु व थुरथुर खाइगु। वय्‌कलं सुयात स्‍याये मास्‍ति वय्‌कादी वयात स्‍यानादी, सुयात म्‍वाकातये मास्‍ति वय्‌कादी वयात म्‍वाःका तयादी। सुं मनूयात हनाबना यायेगु व क्‍वह्यंकेगु वय्‌कःया ल्‍हातय् दु।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

दानिएल 7:5

“अले भालू थें च्‍वम्‍ह निम्‍हम्‍ह जन्‍तु खना। व छखेपाखें दनाच्‍वंगु दु। वयागु म्‍हुतुया वायागु दथुइ स्‍वपु बपिक्‍वँय् दु। छगू सलं वयात धाल, ‘दनाः प्‍वाः जाय्‌क ला न।’

दानिएल 8:7

व भ्‍याःचायात तसकं तंम्‍वयाः च्‍वःगु अले वयागु निपु नेकू त्‍वथुलाब्‍यूगु जिं खना। वलिसें ल्‍वायेत व भ्‍याःचायाके बल मन्‍त। वयात बँय् बस्‍वात अले दुगुं वयात न्‍हुत्तुन्‍हुल। भ्‍याःचायात बचय् याये फुम्‍ह अन सुं नं मदु।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

व्‍यवस्‍था 33:17

इमिके द्वहंयाके थें बल दु। इमिगु नेकू गुँद्वहंयागु नेकू थें खः। उपिंपाखें हे इमिसं जातितय्‌त, पृथ्‍वीया कुन्‍चा कुन्‍चाय्‌पिन्‍त नं च्‍वइ। एफ्राइम कुलया लखं लख थथे हे खः। मनश्‍शे कुलया द्वलंद्वः थथे हे खः।”