दानिएल 8:2 - नेवाः बाइबल

² दर्शनय् जिं थःत एलाम प्रान्‍तया राजधानी शूशन शहरय् खना। शूशन शहरया प्‍यखेरं पःखाः ग्‍वयातःगु दु। दर्शनय् जि ऊलै खुसिया सिथय् दनाच्‍वनागु दु।

दानिएल 8:2 ပူးပေါင်းရင်းမြစ်များ

उत्‍पत्ति 10:22

शेमया काय्‌पिं – एलाम, अश्‍शूर, अर्पक्षद, लूद व अराम खः।

उत्‍पत्ति 14:1

थुबलय् हे शिनारया जुजु अम्रापेल, एल्‍लासारया जुजु अर्योक, एलामया जुजु कदोर्लाओमेर व गोयीमया जुजु तिदालं

नहेम्‍याह 1:1

हकल्‍याहया काय् नहेम्‍याहया ज्‍याखँ– अर्तासास्‍त फारस देशयाम्‍ह जुजु जूगु निइगूगु दँया किसलेव लाय् जि शूशनया किल्‍लाय् दुबलय्

एस्‍तर 1:2

उबलय् अहासूरस महाराजं थःगु राजधानी शूशनय् च्‍वंगु गद्दीं शासन याइगु खः।

एस्‍तर 2:8

जुजुया उजं न्‍यंके धुंकाः राजधानी शूशनय् यक्‍व मिसात हल। उपिं मध्‍ये एस्‍तर नं छम्‍ह खः। अले वयात नं मिसात च्‍वनीगु दुनेया लाय्‌कुलिइ जुजुया मिसात कःघाना च्‍वंम्‍ह नपुंसक हेगेयात जिम्‍मा बिल।

एस्‍तर 3:15

जुजुया उजं राजधानी शूशनय् च्‍वंपिं सकल प्रजातय्‌त न्‍यंकल। हुलाकीत याकनं वनाः थ्‍व समाचार प्रान्‍त प्रान्‍तय् थ्‍यंकल। शूशन शहरय् हलचल जुल। जुजु व हामान धाःसा त्‍वनेत फेतुल।

एस्‍तर 7:6

एस्‍तरं धाल, “व विरोधी शत्रु थ्‍व हे दुष्‍ट हामान खः।” अले जुजु व रानीया न्‍ह्यःने हामान तसकं ग्‍यात।

एस्‍तर 8:15

अले मोर्दकै वँचुगु व तुयुगु जुजुया वसः फिनाः तग्‍वःगु लुँया श्रीपेच पुयाः प्‍याजीगु मलमलया लं फिनाः दरबारं पिहां वन। अनंलि शूशन शहरय् खुशी व आनन्‍द मानय् यात।

एस्‍तर 9:11

उखुन्‍हु हे राजधानी शूशनय् स्‍याःपिं मनूतय्‌गु ल्‍याः जुजुयात न्‍यंकल।

एस्‍तर 9:15

अदार लाया झिंप्‍यन्‍हु खुन्‍हु हाकनं यहूदीत छथाय् मुनाः शूशनय् स्‍वसः ति मनूत स्‍यात। तर उबलय् नं इमिसं लुतय् मयाः।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यर्मिया 25:25

जिम्रीया, एलामया व मादीया सकलें जुजुपिन्‍त,

इजकिएल 1:1

स्‍विगूगु दँया प्‍यंगूगु लाया न्‍यान्‍हु दुखुन्‍हु जि यहूदां ज्‍वनाहःपिंनापं कबार खुसिया सिथय् दुबलय् स्‍वर्ग चाल अले जिं परमेश्‍वरया दर्शनत खना।

इजकिएल 32:24

“एलाम अन दु! वयागु चिहानया प्‍यखेरं वया सेना दु! थुपिं सकलें तरवारं पाला स्‍याःपिं खः। म्‍वाःपिनिगु देशय् ख्‍याना जुइपिं सकलें पृथ्‍वीया क्‍वय् खतना मजुइकं वन। पातालय् वंपिंनापं हे इमिसं बेइज्‍जत फयाच्‍वंगु दु।

दानिएल 10:4

व दँया न्‍हापांगु लाया निइप्‍यंगूगु न्‍हिइ, जि तःधंगु टाइग्रिस खुसिया सिथय् दनाच्‍वनाबलय्

दानिएल 7:15

“जि दानिएलयात छु याये छु याये जुल। जिं खनागु दर्शनं जिगु नुगः भाराभारा मिन।

दानिएल 7:2

दानिएलं धाल, “उखुन्‍हु चान्‍हय् जिं खनागु दर्शन थथे दु – प्‍यखेरं वःगु फसं समुद्रया लःयात संकाच्‍वन।

दानिएल 8:1

बेलसजर जुजु जूगु स्‍वंगूगु दँय्, जि दानिएलं हानं मेगु छगू दर्शन खना।

दानिएल 8:3

जिं स्‍वयाबलय्, अन खुसिया सिथय् निपु ततःपुगु नेकू दुम्‍ह छम्‍ह भ्‍याःचा दनाच्‍वंगु खना। वयागु छपु नेकू मेगु स्‍वयाः ताहाक। व ताहाःगु नेकू लिपा बुयावःगु खः।

गन्‍ती 12:6

वय्‌कलं धयादिल, “जिगु खँ न्‍यँ! “छिमिगु दथुइ सुं अगमवक्ता दुसा अले जिं थःत वयात दर्शनय् क्‍यनेगु जिं व नाप म्‍हगसय् खँ ल्‍हायेगु।

हिब्रू 1:1

न्‍हापा न्‍हापा अगमवक्तातय्‌पाखें परमेश्‍वरं झी तापाःबाज्‍यापिं नाप तःकः मछि तःकथं नवानादिल।

प्रकाश 9:17

जिं दर्शनय् सल व सल गया च्‍वंपिं खना। सल गया च्‍वंपिनिगु छातिइ नँयागु पातां चिनातःगु दु। थुकियागु रंग मि थें ह्याउँसे, निलम थें वँचुसे व गन्‍धक थें म्‍हासुसे च्‍वं। सलतय्‌गु छ्यं सिंहतय्‌गु थें च्‍वं। इमिगु म्‍हुतुं मि, कुँ, व गन्‍धक पिहां वयाच्‍वंगु दु।