दानिएल 8:18 - नेवाः बाइबल

¹⁸ व जिलिसें न्‍ववाना च्‍वंबलय् जितः स्‍याक्‍क न्‍ह्यः वयाः जिगु ख्‍वाः बँय् भ्‍वसुल। अले वं जितः थियाः हाकनं थन।

दानिएल 8:18 ပူးပေါင်းရင်းမြစ်များ

उत्‍पत्ति 15:12

निभाः बीथे च्‍वंकाः अब्रामयात छुं हे मचाय्‌क न्‍ह्यः वय्‌काबिल। अले वयात तसकं ख्‍वातुगु व ग्‍यानापुगु खिउँनं त्‍वपुल।

अय्‍यूब 4:13

चान्‍हय्‌सियागु चितासू मब्‍यूगु म्‍हगसय् मनूत स्‍याक्‍क न्‍ह्यः वय्‌काच्‍वंबलय्,

इजकिएल 2:2

वय्‌कलं जितः थथे धायेवं वय्‌कःया आत्‍मा जिथाय् वयाः जितः थनादिल। वय्‌कलं जिलिसें खँ ल्‍हानादीगु जिं ताया।

दानिएल 10:16

अले मनू थें खने दुम्‍ह छम्‍हय्‌सिनं जिगु म्‍हुतुसि थिल, जिं हाकनं नवाये फत। अले जिं वयात धया, “जिमि प्रभु, दर्शनं यानाः जितः तसकं सास्‍ती जुल अले जिके भतिचा नं बल मन्‍त।

दानिएल 10:18

अले व मनू थें च्‍वंम्‍हय्‌सिनं हाकनं जितः थियाः बल बिल।

दानिएल 8:17

गब्रिएल जि दनाच्‍वनागु थासय् वःबलय् जि ग्‍यानाः बँय् दल। वं जितः धाल, “हे सीमानिम्‍ह मनू, थ्‍व दर्शनं अन्‍तया ईया बारे धाइ।”

दानिएल 8:27

अनंलि जितः तसकं त्‍यानुल, छुं न्‍हि तक जितः ल्‍वचं कयाच्‍वन। अनंलि जि दनाः जुजुया ज्‍याय् वना। अय्‌नं जिं खनागु दर्शनं यानाः जि छु याये छु याये जुल। थ्‍व जिं थुइके मफुत।

जकरिया 4:1

जिलिसें खँ ल्‍हाःम्‍ह स्‍वर्गदूतं हाकनं जितः द्यनाच्‍वंम्‍ह मनूयात थें थन।

लूका 22:45

प्रार्थना यानादी धुंकाः वय्‌कः दनाः चेलात दुथाय् झाःबलय् इपिं नुगः मछिंकाः मस्‍तं द्यनाच्‍वंगु खनादिल।

लूका 9:32

अबलय् पत्रुस व व नाप दुपिं फुक्‍कं मस्‍तं न्‍ह्यः वय्‌काच्‍वन। न्‍ह्यलं चाःबलय् इमिसं वय्‌कः झल्‍ल थिनाच्‍वंगु व वय्‌कः नाप मेपिं निम्‍ह मनूतय्‌त नं खन।

प्रेरित 26:6

परमेश्‍वरं झी तापाःबाज्‍यापिन्‍त बियादीगु वचनय् आशा यानागुलिं थौं थथे ज्‍वंकाः न्‍याय याका च्‍वनेमाल।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।