दानिएल 8:17 - नेवाः बाइबल

¹⁷ गब्रिएल जि दनाच्‍वनागु थासय् वःबलय् जि ग्‍यानाः बँय् दल। वं जितः धाल, “हे सीमानिम्‍ह मनू, थ्‍व दर्शनं अन्‍तया ईया बारे धाइ।”

दानिएल 8:17 ပူးပေါင်းရင်းမြစ်များ

उत्‍पत्ति 17:3

अब्राम बँय् भ्‍वपुल। परमेश्‍वरं धयादिल,

इजकिएल 1:28

वा वइबलय् आकाशय् इन्‍द्रेणी खनेदुगु थें वयागु छचाःखेरं दुगु जः नं अथे हे खने दु। परमप्रभुया महिमाया रूप थथे हे च्‍वं। व खनाः जिं छ्यं क्‍वछुकाः। जिं सुं न्‍वंवानाच्‍वंगु सः ताल।

इजकिएल 2:1

वय्‌कलं जितः धयादिल, “अय् सीमानिम्‍ह मनू, दँ! जिं छलिसें खँ ल्‍हाये।”

इजकिएल 44:4

अनंलि उम्‍ह मनुखं जितः देगःया न्‍ह्यःनेपाखे उत्तरयागु मू ध्‍वाखां देगःया दुनेया चुकय् यंकल। जिं स्‍वयाबलय् परमप्रभुया देगः वय्‌कःया महिमां जाःगु खना। जि बँय् भ्‍वसुला।

इजकिएल 6:2

“अय् सीमानिम्‍ह मनू, इस्राएलया पर्वततपाखे स्‍वयाः इमिगु विरोधय् अगमवाणी ल्‍हा!

दानिएल 10:11

स्‍वर्गदूतं जितः धाल, “हे दानिएल, छ परमेश्‍वरया लागि तःजिम्‍ह खः, तप्‍यंक दँ अले जिं धायेत्‍यनागु खँ बांलाक न्‍यँ। छाय्‌धाःसा जितः छन्‍थाय् छ्वयाहःगु दु।” वं थथे धाये धुंकाः जि थुरथुर खाखां दना।

दानिएल 10:16

अले मनू थें खने दुम्‍ह छम्‍हय्‌सिनं जिगु म्‍हुतुसि थिल, जिं हाकनं नवाये फत। अले जिं वयात धया, “जिमि प्रभु, दर्शनं यानाः जितः तसकं सास्‍ती जुल अले जिके भतिचा नं बल मन्‍त।

दानिएल 11:27

इपिं निम्‍ह जुजुपिं मभिंगु बिचालं छगू हे टेबिलय् च्‍वनाः थःथवय् मखुगु खँ ल्‍हाइ, तर इमिगु मनसुवाः ताःलाइ मखु। क्‍वःछिनातःगु इलय् अन्‍त धात्‍थें हे वइ।

दानिएल 11:40

“अन्‍तया इलय् दच्‍छिन देशयाम्‍ह जुजुं वलिसें लडाइँ याइ अले उत्तरयाम्‍ह जुजु नं बाः वःगु खुसि थें रथ, सलगइपिं मनूत व यक्‍व लः जहाजत ज्‍वनाः हमला याःवइ। थुकथं व यक्‍व देशय् न्‍यनावनी, अले उपिं देश जुयावनी।

दानिएल 12:13

“छ दानिएल धाःसा लिपाथ्‍यंक थःगु लँपुइ वनाच्‍वँ। छं आराम याइ, अले फुनावनीगु इलय् छंगु लागिं तयातःगु सर्बय कायेत दना वइ।”

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

दानिएल 2:46

अले जुजु नबूकदनेसरं दानिएलयात हनाबना तयाः बँय् भ्‍वसुलाः भागि यात। अले वयात देछा व धुपाँय् छायेगु आज्ञा बिल।

दानिएल 7:16

अन दनाच्‍वंपिं मध्‍ये जि छम्‍हय्‌सिथाय् वनाः थुपिं फुक्‍क खँया अर्थ न्‍यना। वं थथे धयाः जितः अर्थ कन।

दानिएल 8:15

थ्‍व खँ दर्शनय् खनाः जि दानिएलं थुइकेगु कुतः यानाच्‍वनाबलय् मनू थें च्‍वंम्‍ह छम्‍ह जिगु न्‍ह्यःने खनेदत।

दानिएल 8:19

वं धाल, “परमेश्‍वरयागु तंया लिच्‍वः छु जुइ व जिं छन्‍त कनेत्‍यनागु दु। थ्‍व दर्शनं अन्‍तया ई क्‍यनी।

दानिएल 8:27

अनंलि जितः तसकं त्‍यानुल, छुं न्‍हि तक जितः ल्‍वचं कयाच्‍वन। अनंलि जि दनाः जुजुया ज्‍याय् वना। अय्‌नं जिं खनागु दर्शनं यानाः जि छु याये छु याये जुल। थ्‍व जिं थुइके मफुत।

दानिएल 9:23

छं बिन्‍ति यायेवं छन्‍त लिसः बियादिल, छाय्‌धाःसा छ परमेश्‍वरया लागिं तसकं तःजिम्‍ह खः। उकिं जि छन्‍त परमेश्‍वरया लिसः बीत वयागु दु। आः जिं व दर्शनयागु अर्थ थुइकाबीबलय् बांलाक न्‍यँ।

दानिएल 9:27

छवाःया लागिं थ्‍व हे शासकं यक्‍वनापं क्‍वातूगु बाचा ची, तर वाःया दथुइ वं बलि व देछा छायेगु दिकी। अले देगलय् घच्‍चाइपुगु व ग्‍यानापुगु मूर्ति खने दइ। व मूर्ति तःम्‍ह शासकयाके परमेश्‍वरं क्‍वःछिनादीगु नाश मलातले व मूर्ति अन दइ।”

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

मत्ती 17:8

अले इमिसं थस्‍वत, अन वय्‌कः सिबय् मेपिं सुं हे मदु।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।

प्रकाश 22:8

थ्‍व खंम्‍ह व ताःम्‍ह जि यूहन्‍ना खः। जिं थथे स्‍वये धुंकाः व न्‍यने धुंकाः थ्‍व फुक्‍क क्‍यना ब्‍यूम्‍ह स्‍वर्गदूतयात हनाबना यायेत भ्‍वपुला।