दानिएल 8:1 - नेवाः बाइबल

¹ बेलसजर जुजु जूगु स्‍वंगूगु दँय्, जि दानिएलं हानं मेगु छगू दर्शन खना।

दानिएल 8:1 ပူးပေါင်းရင်းမြစ်များ

इजकिएल 1:1

स्‍विगूगु दँया प्‍यंगूगु लाया न्‍यान्‍हु दुखुन्‍हु जि यहूदां ज्‍वनाहःपिंनापं कबार खुसिया सिथय् दुबलय् स्‍वर्ग चाल अले जिं परमेश्‍वरया दर्शनत खना।

दानिएल 1:17

परमेश्‍वरं थुपिं प्‍यम्‍ह ल्‍याय्‌म्‍हतय्‌त फुक्‍क कथंया साहित्‍य थुइके फुपिं व बुद्धिया खँ सीके फुपिं यानादिल। दानिएलयात वय्‌कलं फुक्‍क कथंया दर्शन व म्‍हगसयागु खँ बांलाक थुइकेगु ज्ञान नं बियादिल।

दानिएल 10:2

अबलय् जि दानिएल स्‍वँगू वाः तक दुखं च्‍वना।

दानिएल 10:7

जि दानिएलं जक व दर्शन खनागु खः। जिनापं दुपिं मनूतय्‌सं छुं नं मखं तर इपिं तसकं ग्‍यानाः सुपिलेत बिस्‍युं वन।

दानिएल 11:4

अय्‌नं व बल्‍लायेवं वयागु देश कुचा कुचा जुयाः उत्तर, दच्‍छिन, पुर्ब व पच्‍छिमय् ब्‍वथली। व देश वया सन्‍तानतय्‌त दइ मखु, मेपिन्‍सं वयागु पलेसा शासन याइ। अय्‌नं इपिं व थें बल्‍लाइ मखु छाय्‌धाःसा वयागु साम्राज्‍य लाकाकयाः मेपिन्‍त बीगु जुइ।”

दानिएल 7:1

बेलसजर बेबिलोनयाम्‍ह जुजु जूगु न्‍हापांगु दँय्, चान्‍हय् दानिएलं म्‍हगस व दर्शन खन। वं व म्‍हगसया मू खँ च्‍वल।

दानिएल 7:15

“जि दानिएलयात छु याये छु याये जुल। जिं खनागु दर्शनं जिगु नुगः भाराभारा मिन।

दानिएल 7:28

“जिगु खँ थन हे सिधल। जि दानिएल तसकं ग्‍यात, जिगु ख्‍वाः हे वँचुसे च्‍वन। अय्‌नं जिं थ्‍व खँ थःगु मनय् हे तया।”

दानिएल 8:15

थ्‍व खँ दर्शनय् खनाः जि दानिएलं थुइकेगु कुतः यानाच्‍वनाबलय् मनू थें च्‍वंम्‍ह छम्‍ह जिगु न्‍ह्यःने खनेदत।

दानिएल 8:2

दर्शनय् जिं थःत एलाम प्रान्‍तया राजधानी शूशन शहरय् खना। शूशन शहरया प्‍यखेरं पःखाः ग्‍वयातःगु दु। दर्शनय् जि ऊलै खुसिया सिथय् दनाच्‍वनागु दु।

दानिएल 9:2

जि दानिएलं यर्मिया अगमवक्तायात ब्‍यूगु परमप्रभुया वचनकथं, धर्मशास्‍त्रपाखें यरूशलेम न्‍हयेदँ तकया लागि नाश जुइ धकाः सीकाकया।